¹ Ka-kanata Isu-va ayaema waya wawa posenda pundana pigo aogi kamana uma avoratagina mono nama andavi-pindi, pigo ige tave pristige pigo wali kama-naomanda napi kinaka kanata-iye ageti kapi anoyambu kinake. ² Igeva avigata-ema agepa piyamba, "Ulamoma tagepa, ke-esegiena-lasa kageva ayaema pindana-enava penema? O ke kamiyema kagepa nambapa pindana-ena pomava?" ³ Pigo Isu-va awaevu-ta eiye ige kamanapa piyamba, "Nagelo-va tigepa ka tiviga kamana tivigaku-wema, pigo tigeva unamiyo-ma nagepa. ⁴ Joni-nda wani ulikena-enava, ageva mandali-sa enavela o wasana-lisa kana-ema?" ⁵ Igeva utaema igewi ivakapi piyamba, "Piyamba tage ukunombe-pa, 'Ageva Anutu-tisa kanaema,' ageva piya ikiyema, 'Pigo nana-viyema tigeva kamba napima tima-titi pema agetapa?' ⁶ Pigo piyamba tage ukunombe-pa, 'Ageva ige wasana-lisa kanaema,' Kanala ayaema waya wawa-mi yava meviki-vema tageta, nana-viyema igeva agaema piyamba wani una Joni-va ageva ka-amonda yagala-ema." ⁷ Pigo igeva awaevu-taema kamanapa Isu-ka piyamba, "Igeva kamaba agandu-nema ageva ketisa-vaya kanae-mava." ⁸ Isu-va oimita-ema igepa, "Piyamba-to nagelova kamba kanala ulimuku-wema tigepa ke-esegi ena-lasavaya pi ayaema-ena nage pondanava." ⁹ Pigo Isu-va ka-ama kamana imitaema piyamba, "Ka yagala-ma ka waini yagu ataema, pigo ageva atataema pi waini yaguva ige aevavi-kive kinambi iyapi, pigo ageva ka kantrili wama pigo umikiyema e-ela kanata pitai. ¹⁰ Pi kanata waini nagale-kinava kanala ageva aisagaki-ema ka eliya yagala waoma pi wainila aevavundi yagala-mati kanala igeva amikive-ma agepa waini anapa. Pigo piyamgala-mava eliya yagala aegumagina, pigo aisagata-ema agepa uga waoma. ¹¹ Pigo waini yagu-oma avawamba-va to eliya kina aisaga-taema uga waomalo, igeva aeguma agepa pigo kamba aogiena potama agepa pigo aisagata-ema agepa uga towaoma. ¹² Kanala ageva aisagata-ema kakaga eliya kina waoma pigo agetova igeva aegumagini agepa, pigo agalu-wataema agepa waini yauoma avei tumoma. ¹³ Piyamba-kana pigo waini yaguoma avawambava utaema piyamba, 'Nageva nana pukuwema? Nageva yagalane aisaga-kuwema nagende-nda, nageva navuwa-ndikana. Piyamba-paya age kamana avikivema igeva.' ¹⁴ Pi kanata ige pikinambi age kanatai agateginiva, igeva utaema igewi ivakapi piya-mba, 'Pi ageva waini yagu-oma avawamba yagala-ema keva-ya namba ulindi pi waini yagu ulikena. Tageva aeguma agepa aivukai-kunema, pigo tageva waini yago-oma avawa-mba ndana pukano-mbe-kata.' ¹⁵ Piyamba-kana pigo igeva agalu-wama agepa waini yaga-oma avei pigo igeva aeguma agepa aivulita-ema. Kanala tigeva napeyoma nanaena yagoma avawamba ige pikinata pikivipa? ¹⁶ Ageva kanama-gina pigo asole pikiyoma ige pikinapa, pigo waini yaguva umagina pigo imikiema ige kaisa kinato." Pi kanata ayaema waya wawa-mi aviteginiva pi ama kamana ageva uta-ema piyamba, "Ageva kamba kanala avolakie-ma piyamba-pa." ¹⁷ Pigo Isu-va ige igama-gina pigo ageva utaema piyamba, "Nana ageva agowapa pikama-na oma-ndava igeva kaetaema Anutu isapindiva.' Naoma konawata atakena yavaka-ndama avolaki-yoma?" ¹⁸ Pigo ayaema waya wawa piyava-oma avovola walekive-pa ayaema ivako puwaki ema. Pigo pikanata piyava ka yagala-ma avovola waleki-vipa, agepa ayaema asolesale pugaiki-ema." ¹⁹ Ige wali kamana-omanda napi kinake pigo ayaema tave pirstigeva agataema piyamba pikamana Isu ipa ageva igeka makimi-vutagina. Piyamba pigo pikanatataka igeva ayakuli-kenaga agepa napitaema. Pigo igeva kaluvut-aema ayaema waya wawaga. ²⁰ Kanala ige wali kamana-omanda napi kinake pigo ayaema tave pirstige-miva aogima aevavu-taema Isu-tapa. Igeva isagataema ige wasana agama kundana pikena piyamba ige alaketa kina kandama avolama, taliki Isu potama pigo age ayaema kamana kambali usanaga. Pigo igeva avavulite agepa gavmani kinambi iyapi atama pigo igeva ayigi-atakena agepa. ²¹ Isu-tisa agamakundana pikena putae kinambi ige, avigata-ema Isu-pa piyamba, "Posenda yagala-oma, tageva agaunema piyamba kageva taga kamana undana pigo kageva agama alaketa-mba ayaema waya wawa posenda penema. Pigo kageva kamba agama kaluve-nema kayagala tave agi ulindi-kava. Taga kamana-tasa kageva agama ayaema waya wawa-va posenda penema Anutu-ndaena-lasa. ²² Kanala kageva hayamba napenema, ageva alaketa pundi-oma takisi amikenava Sisa o kamba-yoma?" ²³ Pigo Is-va ago agagai-tegina ige napi ena-vindiva, pigo ageva utaema igekava piyamba, ²⁴ "Tigeva nayakiya-ma nagepa ka-ate. Ageva amake pigo ke ageva-ya winda-kivi pi ate-oma avovola?" Pigo igeva utaema, "Sisiema." ²⁵ Pigo Isu-va oimita-ema igepa piyamba, "Tige amikivepa Sisa nana-ena ageva Sisa-ndaema, pigo Anutu amikive-ndanava, nana enava ageva Anutu-ndaena-ema." ²⁶ Igeva kamba aguyosa-taema ka kamba aogi kama-napa pi Isu utaipindi-sava. Igeva palama potataema nana Isu bekima imitagini pigo igeva iwamu akuma mitaema. Pikanata age mitaginiva ayaema waya wawa-ge igepa hati ivu wataema age amiyo-pikenava. ²⁷ Aindi ige kaisa sadiusi kanataema Isu-ti. Pi ayaema kinambiva agama ugavema wasana puwandapa ageva kamba kanala tova asikivema, ²⁸ Pigo igeva avigata-ema Isu-pa piyamba "Posenda yagala-oma, Moseseva piyamba kaendi-ema, piyamba ka yagala-ma aga-ndowa-mbanda ageva wayapa mindi-ema, pigo kamba yagala minda-tasa pigo ageva puwatae-ma. Piyagalama age-ianando-wamba waepa wenama, pigo yagalava atanoma. Pigo yagalava age agando-wamba yagala misuma. ²⁹ Kanala paipa 7-niwa agana mitaema. Amala yagala-mava waya uma pigo wayamava ageva kamba yagala atanda-gina pigo ageva puwataema. ³⁰ Aindi sekeni yagalama-lo ulitaipa pi wae pigo isigeva kamba yagala mindatasa pigo agelova pulitae-ma. ³¹ Pigo aindi teti yagala-malo ulitaipa age piyamba waya-wakanda-mato ageva, pigo agelova kamba yagala mindata-sa pigo ageva pulitaema. Ayaema 7-niwa aganava pi waepa ulitae-pa ulitae-pa pigo igeva kamba ka yagala-enava punda pigo ayaema-va puewata-ema. ³² Aindi piwaeto-lova pulitaema. ³³ Kanala pikanata ige wasana puwande-pa to asikivema, piwaepa ke wae-taka avolaki-ema? Nana-viyema ige 7-niwa aganami ulitaema pi waepa." ³⁴ Isu-va awaevu-taema ige kamana-pa piyamba, "Ma-mavipa ayaema wage pigo wayakeva mareti-vema wage pigo wayakeva mareti-vema, ige wasana-miva imema alaga yagala-wipa igekava wama maleti-viyoma ige wala. ³⁵ Pigo ayaema aogi wawa-va Anutu asita-kiyema igepa wasana aluvindisa, igeva kamba kanala maleti-enava pikivema. ³⁶ Igeva kamba kanala tova puliki-vema, igeva mikivema kamasa-puma piyamba ige ankelo-mige, nana-viyema Anutu asi-itakana igepa wasana aluvindisa pigo igeva mikivema Anutu yagala. ³⁷ Pigo Mosese-lova tayakita-ema tagepa piyamba ige wasana puwanda-pa toasita-ema wasana aluvindi-sava. Pi storila-sa amana kavu yaku tataema, ageva utaema Tavelaka kageva Abra-hamu Anutu-gaema, pigo kageva Aisaki Anutu-gaema pigo kageva Jekopu Anutu-gaema. ³⁸ Pindanava ageva ayaki ema piyamba, ageva kamba ige puwanda kinambi Anutu-viyema, ageva ayaema ima uma minde kinambi Anutu-ema. Anutu aovindiva ayaema-va ima uma minda-ema." ³⁹ Kaisa wali kama-naomanda napi kinambi awae-vutaema Isu kamana piyamba, "Posenda yagala-oma, kageva awaevenema aogima pikama-napa." ⁴⁰ Pigo igeva kamba-lo napita-ema age aviga kamana avigakenava. ⁴¹ Pigo Isu-va oimitaema igepa piyamba, "Hayamba ige waya wawa-miva eyema Mesai-yava ageva Deviti yagala-emava? ⁴² Deviti-va agewa utaema ini isapisa piya-mba, Tave yagala-malova utaema nagenda Tave yagala-ga, 'Kageva malami-ndanema nage naya-takandi, ⁴³ Pigo nageva pukuwema ayaema kagenda tupu kinapa igisa avovola atakena yavena avolaita-kuwema.' ⁴⁴ Deviti kegae utaema Mesai-yaka, Tave yagala-oma, pigo hayamba-to ageva Deviti yagala-ema?" ⁴⁵ Pi kanata ayaema waya wawa mima pigo avimamitae-gana Isuva oimitaema ige disaipeli-waka piyamba. ⁴⁶ "Tigeva aogima agama-aevavi-yoma ige wali kamana-omanda napi kinaka, igeva agama atagavema e-ela Kolosi, pigo ivuwa-ema ayaema kina mbi-kava ilakavima igigasanaga akaena kina waya wawa-mi iyovindi, pigo amalu sia mono nama andavi-naisage, pigo amalu kuma tave nasana pikive-tasave. ⁴⁷ Igeva kambali ugaga-vema pigo ayaema nawi kundana pikenaga ayaema iwaegi puwanda waembinda igeva, pigo igeva ayaema kaisa kina kaga igama igama amupiyo-ma igepa, piyamba-kana pigo igeva e-ela nunamulaka ugagave-ma igeva. Ayaema piyakinapa tave kundu-enalaka ulikivema meva pu-malaka."