1 Isu-va Jerikoi-sa tauni-vindi wama asuvasitegina pigo Jerikoi kaikena-ga pigo wakala keti wataema. 2 Ka yagala agewapa ageva Sakiya-siyema ageva mitaema Jerikoisa taunivindi. Ageva anoyambau yagala-ema ige takisi una kinambin-da pigo ageva okaena-enawa windiema. 3 Ageva meviga mepiga vuta ema Isu agakenaga ageva haya yagala-vaya-ema. Pigo okaena kina waya wawa mitaegana, piyamba-kana pigo ageva kamba kanala agataema Isu-pa nana-viyema ageva alogu yagala-gana. 4 Kanala ageva inata paitama wagaita-ema ige waya wawa-mitapa, pigo inati itaema fiki yali Isu-pa agasuwa-ma. Pi kanata age keti kanakina-va. 5 Pi kanata Isu pi avala avolanda-nava, ageva piyaoma inati agama-gina pito utaema, "Saki-yasioma, kageva avagata-ka tumoma, ma ivasa deiva mikuwe-ma kage namapi." 6 Kanala avaga-taka Sakiyasiva tumimagina pigo ageva amupuma pigo avavulite Isu-pa wataema age nawati. 7 Pi kanata ayaema kinabi pindana-ena agategini-va, igeva imokama-na umagini pigo utaema piyamba, "Ageva waema ka-agunda yagala-ma nama-lindi." 8 Pikana-ta ayaema nata mindiniva Sakiyasiva asima utaema pigo Tave yagalaga piyamba, "Avoma, Tave yagala-magava, nageva ayikiku-wema nagenda ayaema-ena nepa tala avala pigo imuku-wema ka-avava ayaema kavona kina. Pigo piyamba nage kambali kamana umagi ka-wina-nda pigo kundana putaku-vokagava ayaema-enawa agenda, kanala nageva bekim-vuku-wema agepa 4-wa kanata. 9 Pigo Isu0va omitaema agepa piyamba, "Iva ma deiva Anutu-va to ivaviema ayaema waya wawa ma nama-pisava. Nana-viyoma agelova Ahbrahamu yagala-gana ema ageva. 10 Wama Yagalava kanaema ayaema kina ka-kawanda pigo to ivavikena ige." 11 Ayaema waya wawa Isu utai kamana avimami-taegana, pigo ageva ka-ama kamana imitaema, nana-viyema ageva Jerusalem-ui wakala kanagai-ndanaema. Pigo ayaema waya wawa-miva napi taema iva wakala-samava-ya Anutu kumapa avolakena-vaya peginaema. 12 Pigo Isu-va utaema, "Ka tave yagala wataema ka pagasai-sa kantrili igeva utakena agekava kini avolanoma, pigo aindiva tokana-kivika age mago-wata-ga. 13 Pi kanata age wakena-ga napindana-va ageva 10-niwa agenda eliya kinawa-kaga kegae umagina pigo imitaema igepa 50-wa Skeli kaka, pigo ageva oimitaema igepa piyamba, 'Tigeva wamagili pigo bisnisi-ena piyoma ma atetasa, kanala nage tokanakuvo kanata.' 14 Pigo ayaema agenda ka tuwamiva kamba ivutaema agekava, piyamba-kana pigo igeva kaisa kina isama age aegama wamagini pigo omitaema agepa piyamba, 'Tageva kamba taviyema piyaga-lama tagenda kini avolasa-nagava. 15 Pigo igeva utagai-taegana agepa kini avolalite-gina pigo ageva tokana-taema. Pigo ageva kegae utaema ayaema agenda eliya kina ate imitai ige. Ageva napima agakena ayaki ama atepa ka-kambiva peva-yaema. 16 Ka yagala paitama kanama-gina pigo utaema, 'Tave yagala-oma, nage bisnisi popa 50 Sekeli kage namita-mbetasa nage pigo nageva 500 sekeli ama atepa avolau-wema.' 17 Pigo kini-va omitaema agepa piyamba, 'Kageva aogi eliya yagala-gagana pigo kageva aogi eliya penema. Kageva amana-enalasa alaketa eliya putambe-kana, piyamba-to pigo kageva 10-ni wa tave tauni aevavikive-nama.' 18 Pigo toka yagala-malo kanama, pigo utaema, 'Tave yagala-oma, nage bisnisi popa 50 sekeli namita-mbetasa nage pigo nageva 250 sekeli ama atepa avolauwe-ma. 19 Pigo kini-va omita ema agepa piyamba, 'Kageva 5-fuwa tave tauni aevavi-kivenema.' 20 To ka eliya yagava kanama pigo utaema, 'Tave yagala-oma, ma windi-ema 50 Sekeli kagenda-va. Nageva tavelave-lasa aogima ilalikae-tama atanda-wema, 21 nana-viyema kageva yaku-tavi yagalaga-ganda pigo nageva kageka kalumagi. Kageva agama ukuagave-nema ayaema-ena kaisa kinambi-nda, pigo kageva agama isoso-pugagave-nema ige kaisa kinabi nasana amalaenda-na.' 22 Pigo kini-va oitaema agepa piyamba, 'Kageva kamba aogi eliya yagalaga-ema, kageka kamana-tasa nageva ayigi-katakuwema kagapa. Kageva aganda-nema piyamba nagekava ka yakutavi yagalaga-ema, nageva agama ayaema-ena ige kaisaminda ulinda, pigo isoso pugaga-vuwema ayaema nasana nage kamba amala-ndaena. 23 Nanala-kaga kageva kamba napima nage-nda atepa ata nema benkivindi-va, pigo pikanata nage to kananda=pa nageva pi ateke kapi ama atekeva ulikena-va? 24 Pigo kini-va oimita-ema ige wasana-ga wakala asiyiyoma, 'Tige pi 50 eskiliva agenda umagili, pigo amiyo-ma eliya yagala kevaya 500 sekeli ama atge avolaina.' 25 Pigo igeva omitae-ma agepa piyamba, 'Kini-oma, pi eliya yagala agenda-va to mevapu-ma 500 sekeli ate windi-ema!' 26 Pigo kini-va awaema utaema piyamba. 'Nageva ulimu-wema tigepa, ige wasanami kaisa-enawi windakivipa nageva imukuwema to meva-puma igepa kaisae-na. Pigo ige wasana-mi kamba kaena winda-kivipa, nageva ukaiku-wema igenda nana amana-enalo winda kivipa. 27 Ige pi nagenda tupu-nembiva kamba iviyema igeva nageka aevavu-latakiemava, tigeva ayaema ivavulite kanama-gili mata pigo iyeguma igpa ivuliyoma pikanata nage igama-minda-kili." 28 Pi kanata Isu piama kamana ugaitegina-va ageva to agovima itaema Jerusale-mailo. 29 Isu-va Betfeij-ige pigo Betani-ge wakala avolata-ema, igeva olivi-e amuta, pigo ageva tala disaipeli isigalu-wataema, 30 Pigo igepa piyamaba oimiyoma, "Tisigeva wandilisiva pi kuma windakiva agola. Pikanata tige asuvasi-ndilipa, tigeva agakivema ka masima-vi donki igeva ugu atanda-kive iganala. Kamba ka yagala-mava pi donki-oma avovolapa mala-mindinema. Iyovaulite iganava age kitandepa kanaoma nageti. 31 Piyamba ka-wina tivagagili-pa tige piyamba 'Nanalaka iganava, iyovaema pi donki-mandava?' Omoma agepa piyamba, 'Tave yagala-manda eliya windi ema pi donki-omandava." 32 Isu-va isisaga-taema tala, pigo talava watasema, pigo igeva agataema pi donki piyamba Isu-isige oisimiti-sapuma-gina. 33 Pikanata isigeva igana iyovama-mitasagana donki agu-malanda, donki-oma avawamba ilosa-atamagina pigo ivigatae-ma igepa piyamba, 'Nanalaka tisigeva iganava iyovasema donki-omandava?" 34 Pigo isigeva awaevu-tasema kamanapa piyamba, "Tave yagala-manda eliya windiema pidonkiva." 35 Pigo tala disaipeli-lalamisiva u-ulite pidonkiva watasema Isu-ti. Pigo igeva e-ela kolosi akumagini igeva pigo ama agutaema donki-oma avovoli, pigo Isu avovola malamitaema. 36 Ageva donki-oma avovola malamima-gina pigo wataema, pigo ayaema waya wawamiva igeva e-ela kolosi akumagini igeva pigo ama agutaema keti. 37 Olivisa amuti tumina kioma Isu-va wakala kanata-gina, pigo ayaema tave kina disaipeli-miva amu puma pigo kegae uma pigo Anutu age aisesata-ema ayaema tave eliya ige agataepa Isu putagini. 38 Pigo igeva utaema piyamba, "Anutu-va amu potakie-ma pi kini kanai-kava Tave yagalama agela! Asaguyo-ma Anutu age inatata-ka, pigo palu andava wikiyema manda kumati!" 39 39 Kaisa ige Farisi ige tave kina waya wawa mitae ivakapisa omitaema Isu piyamba, "posenda yagala-oma, kageva oimoma ayaema kagenda disaipeli-gakava tiwamu akuma miyiyoma." 40 Pigo Isu-va igepa awaema piyamba oimitaema, "Nageva ulimu-wema tigepa, piyamba ige iwamu akuniki-vepa igena, kanala ayaema ma yava-omava andale-ikivema." 41 Pikanata Isu avolatai-pa Jerusale-mui, ageva kuwe atataema pitauniga. 42 Pigo utaema piyamaba, "Ma deiva, piyamba tige agaepa tige aogima mikena-ena. Pigo ayaema pindana-enava kakama windikili pigo tigeva kamba agakive-ma. 43 Ka-kanatapa avolaki-yema, pigo ayaema tupuga-mbiva kagenda kasaga-kokoima pigo kainkiki-kivema kagepa, pigo akendana ulite kana-kivema kageti ayaema taunioma konala. 44 Igeva kaeva-kaema kagepa mavi katamagini pigo asolesale pugata-kivema kagepa kapi ayaema yagala-gake kagenda. Pigo igeva kamba kanala kaikive-ma ka yava wikivipa ka winda avovola, nana-viyema kageva kamba agama-napitanema pikanata Anutu napima kaopikena putaipa kage." 45 Isu-va wama asuvai-magina mono namapi-ndi pigo igalu-wataema ayaema waya-wawa ayaema-ena aisaga-kena eliyata mitae-gana andavi-pindi. 46 Pigo ageva oimita-ema igepa piyamba, "Anutu isapindi-va kamanapa windiema piyamba," Nage namapa ageva nunamu, ikena nama-nema, 'Pigo tigev pendanamava ageva ige kukina-mbi namakanda piyamba avalaema." 47 Ayaema kanata-pa Isu-va mono namapindi agama kamanapa uma avolataema. Pigo ige tave-eliya kinambige pigo wali kama-naoma-nda napi kinamb-ge pigo ayaema ige waya wawa-minda anoyambu kinambi-ge napita-ema aeguku-naga age. 48 Pigo igeva kamba kanala ka-kepa aguyosataema. Nana-viyema ayaema waya wawa-miva amu puma havita-ema age utai kamana.