¹ Pi ageva kakaga kanata kana wema tigetapa. "Ayaema wasana ayigi-atakenava talayo o kakaga kinambi iguguya kamanana -ta asiyoma." ² Nageva ago ugaitau-wema kegivaya pai agunda ena putae kinakava ige pigo ayaema kaisa kanata nageva tala kamata kanau-wema, pigo nageva to uwema, pikanata nage takanakuvopa, nageva kamba itakuwema ige pikina waya wawava fali wakenava. ³ Nage wimuwema tige pikamana nana tige taga kamana aguyosa eka Mesaiya tiyakiyema piyamba nagepindi eliya yopa. Ageva kamba walaloviyema tigeta kamana-ikenava. Pigo, Ageva esegima tigepinda mindi-yema. ⁴ Igeva uyala ita-atataema agepa pikanato agenda ese giena-wa ka witagini, pigo ageva mita ema auma uma Anutu esegi ena-vindisatageva kamba Mesaiyapindi esegienava windiyema, pigo tagendava wikiyema taumava kapi Mesaiyake-va Anutu-nda esegiena-wapindi tige tivaka pipa. ⁵ Tigetipa aogima awaema agaiyoma agama piyamba tigeva timatiti-enavindi mindayo o kambayoma. Tigeti timatiti-enaga atakama agaiyoma. Tigeva agama napeyo piyamba Isu Mesaiya-ka tigepindi mindiyo o kambayomava? Kanala pikanata tigeli walewaema pi atakaenavindi-va. ⁶ Pigo nageva namatiti puwema piyamba tigeva agama napimagili piyamba tagekava wini pugasaema pi atakaena-vindisava. ⁷ Ivava tageva Anututi nunamu uma waunema piyamba tigeva kamba kanala ka tigeguvoenava pikinema. Nageva kamba agama nunamuva uwema piyamba tageva avolama piyamba tage wini pugasaunema pi ataka ena. Piyamba-ne, nageva nunamu uwema, tigeva pikivema ayaema ena ageva alataka ena, uga piyambapaya tageva kamba wini pundunema pi ataka enava. ⁸ Nana-viyema tageva kamba kanata taga kamana kakakena-enava kamba pukunema, pigo ayaema-ena tage pukunombe-ndanava ageva taga kamana-omandaema. ⁹ Piyamba tige esegima mikivepa, pigo tageva kamba esegi enava wikiyema, tageva amu-pugagavunema. Ayaema kanata Anutu-ti tageva nunamu ugagavunema, tigeva esegi timatiti wawalaka avolaiyoma. ¹⁰ Nage kaetaopa ayaema pindana ena pi kanata nageva pagasa mindanda ema tigeta-pa, nanaviyema pikanat kapi tigege mikuvopa nage, nageva kamba kanala esegi kamanapa ukuwema tigetapa pi kanata nage pukuvopa pi-esegiena tave yagalama namima nagekaga eliya yagala avolaoma, pigo nageva tiyo puku wema tigepa asima esegiviyoma pigo kamba tigeka wale-waiyo enava pukuwema. ¹¹ Ai agogotaka yakala yaemava, tigeva amu piyoma! Ti wake pikena eliya pa tigenda asima esegi-viyoma, kaisageva kapi ka tindayiyoma, pasema tindalasa kapi miyiyoma. Pigo Anutu anda palu ena pigo timikenava tigepindi mikiyema. ¹² Aogi kamana otaoma to winape towinape kapi ewasaena-lasa amonama. ¹³ Isu-mesaiya Tave yagalamava paluena pulitakiyema tigepa, pigo Anutu-nda avuwakena ena-wapa tigege mikiyema kapi, pigo awamusa-omava ayaema tigekava ka tindama miyiyoma pulita-kiyema.