¹ Nageva nagende asaguyo-pa, nageva kamba kanara ka-enava wukuwema. Pigo nageva ayaema amonda kamana unda pigo ayaema tave yagalama-nda kakanda kamana-amana ukuwema. ² Nageva aganduw-ema ka yagala Mesaiyapindi naya talamu pulitegina taletalae kavu wagainda, Anutu avavulitegina agepa kakago manda kumata ita ema. Uga ageva andavipindisa auta mindiyo o aveisa auta midiyo, agepa nageva kamba aganduwe-ma, pigo Anutu agandiyema. ³ Pigo nageva piyamba agauwema pi yagalava, uga andavipindi-sa autano o aveisa autanova, agepa nageva kamba aganduwema, Anutu-mana agandiyema. ⁴ Yando igindu mawanda kuma pindi imagina pigo avita ema payaema-ena ige wasanami kamba kanala ayaema kakanda-enagava emanda-navindi. ⁵ Piya yagalama agela, nageva mevapuma umamu-kuwema, pigo nagende nagelapa, kamba kanala meva pumava umamu-kuwema nageva. Piyamba-ka pigo nageva meva puma umamukuwema ayaema-enama kamba nage esegiena punatainda-naga. ⁶ Piyamba nage napima meva puma nagendeka umamu-kuwopa, nageva kamba kanala avolaku we-ma piyamba aivo kina kandamava, nana-viyema nageva ukuwema ayaema taga kamana. Piyamba-ka pigo nageva kamba kanala pulkuwema ige waya wawami okaenala napi napima-gini ayaema enaga igeva nage nagandini pigo nagendaenaga avindini-vekaga. ⁷ Pigo kamba nagende nage asagumamikenava nageva uma avolanoma aya ema-ena kakama windindana. Nageva nau igikilisa ena nappindiva ulutauwema nageva alu yagalama eliya kina-wambi iyapisa. Piyamba-ka pigo nageva kamba nageva asagumami-kuwema. ⁸ Kakaga kanata Tave Yagalagava avigatauwema nageva, piyamba ageva ukasanoma pi kunduena nagetasava. ⁹ Pigo ageva unamitaema nagepa, "Nagenda palu enane-mbava kandasaki-yema kagetapa, nana-viyema esegi-enanembava nagenda aogi eilya pugagaviyema pikanata kagenda esegi ena kawinda-ginava.: Piyamba-ka pigo nageva amu puwema kamana meva puma ikenava ayaema nausugu-ena nage ulokava, Mesaiya-nda esegiena-wapa nage pindi wiliyema. ¹⁰ Piyamba-ka pigo nageva amu pugagavuwema Mesaiya-kava pikanata nagenda kamba esegienane wigavitapa, ayaema akaya kamana-pindiyo, ayaema kunda ena-vindiyo, ayaema akendana kana-pindiyo, pigo ayaema kamba aogi kana-pindiyova. Nana-viyema, pikanata nagenda esegiena ka wiga-veginava pikanatapa nageva to esegiena ukavuwema. ¹¹ Nageva aivo yagala avolatauwema pi kanata tave nagi ulitaopa nage, tige esegima namitae nagei Tigeva pavi awala nageva asagu-yiyoma nagepa, nana-viyema nageva ugasuga-enanaema. Ige aminda ki na meva-pumava mindaema, uga nageva ugasuga enanaema. ¹² Tagasuma ayaema makiva avolata ema ige amonda kinambi-nda tivakapi tige kapi inda paluenage, ayaema makive pigo kaisa enave pigo ayaema esegi eliya pe. ¹³ Nana-enama pegili tigeva amanata-pa tume-ema ayaema kaisa monopa, ageva piyamba igala nagetasa kunda ena avolasana-ga tigetato? Tigeva unaga- saiyoma nagenda pi nageguvo enanepa. ¹⁴ Agaiyoma, nageva yoke puwa to kanakena tigeti kakaga kanatato, kamba kanala piyamba kunda ena-gandamapa avolakiyema tigetapa, nageva kamba naviyema age nana-enavaya tigenda ikivipa. Nagepa navuwaema kageka. Piyamba ige yagalamiva ha akiviyoma ayaema enava ige i wawimba-ke pigo inowimba-kenava, pigo ige wiwimba-ge pigo inowimba-geva ayaema yagalamind-aena akiviyoma. ¹⁵ Pigo nageva amikena-enavindi amu puwakuwema, pigo tigenda age amikena-enava. Piyamba nagenda awitawa-kivipa kapi tavela navuwa-kena ena tigekaga, tigeva kamba kanala kamasamba-pa tivikiyema nagekava? ¹⁶ Pigo kamasa puma piyamba, nageva kamba piyamba kundaena-gandamapa avolanomae tigetapa. Pigo ageva taganema piyamba nageva aganoma-ema tigenda kambalienalipa, age ivava nageva tigenda kambali-enali-pa aguyosaka-sauwema tigeva. ¹⁷ Ayamba nageva ulukuwema aogiena puma meva puma aogima avolakenava tigeta, pikanata nage kaisa yakala tigeti isagakana kanakivepa? ¹⁸ Nageva Taitukisa navuwagi piyamba pigo nageva aisagauwema agepa kanaoma kapi kamasige tigepisa. Pigo Taitusiva meva puma aogima avolata ema tigetapa? Pigo tageva kamba kamasa kipindiva wanoma? Pigo wakenava ka kisalapa? ¹⁹ Pigo tigeva nape-ema piyamba tagekava kakawaema tagete pindi tigekava? Tageva Anutu aola kamanapa unema Isu-Mesaiyapindi. Piyamba tage pombepa ayaemaena tige esegi pulitakena-ema aogi ena wambanda-ga. ²⁰ Nageva kalu puwema igalu pikanata nage kanama tigeta amba avolasana-ga, pigo tige tigama nage kamba napukuvo avala minda-sanaga. Pigo igalu tigelo nage nagama kamba napikive avalato minda sanaga. Nagelova kalu puwema piyamba igalu timo kamana usa naga tige, kamba aogi tiu agate, tave tinda tisuguena pute, timo kamana uma pigo akendana pute, akaya kamana ute, amana amana kamana-andondo tue, kagekaka napi wakena-ena pute, pigo ayaema ena ige kaisaminda asole ena pikena enava. ²¹ Pigo nageva kalupuwema igal-u pi kanata nage kanasa-nagava, Anutu-nemba nagenda mala natasanaga tige tiyevindi nage. Pigo igalu awamusa-ndemba nagenda kundaena ulisanaga okaena ige wasana waya wawa kieifaya agunda ena pai putae. Pigo kamba ndala kamanapa utaema ayaema agundaena wikave pigo menku ena wikavo pigo ayaema -ena ma iuta amundana pumamita endana-gava.