¹ Isu Mesaiya nage poli-ndeka kegae utae eliya kinawa miyenoma Anutu aumara-kaga pigo Sostenesi, tagando-nemba tage. ² Watae ageva Anutu-nda mono nama windati Korini, ige pitumbi kegivaya Isu Mesaiya-pindi ewasa puma-gini mitae kinambi-takaga, ige waya wawa-ga age kegae-umagina tigeve ewasama mi-iyo i kinatapa. Tageva kaema pi isa aisagataune Tave yagara-ma Isu Mesaiya agera mitae kinambi kumata ayaema aukai, kevaya igenda tave yagarave pigo tagenda tave yagarave-e. ³ Anutu Tavarembanda paruena wake anda Kagoya-enawakeva ataigina wiyeno pigo Isu Mesaiya-ndage ataigina wiyeno tigege. ⁴ Ayaema kanatapa nageva aisa kamana otagavuwe Anutu-kava nageva tigekaga pumagi Anutu-nda paru ena-wakayava age Isu Mesaiya timitai tige. ⁵ Ageva puritatae ayaema-ena tigendaga ayaema kitisaga, ayaema kamana-omanda pigo ayaema agakena-enamanda pigo aogi napi enama-nda. ⁶ Piyamba Isu kamana tige tivakapi esapumagina tagataga-yane. ⁷ Piyamba-kana pigo tigeva kambakovae-e Tave -yagara-manda awamusa-pindisa-enawa-kava pikanata tige aevamag-iri Tave-yagara Isu-Mesaiya amuba avorako-vikaga. ⁸ Ageva ege-ena timitama tigepa wama pi kanata pagivi-kiye, piyambapa tigeva kamba itgeguvo-enava wikie tage taveremba Isu-Mesaiya kanatapa. ⁹ Anutu-va andaraka tamiga-simagina pigo tageka kegae-utae yagara-wambapindi kanama monondana potaiyoma. Isu-Mesaiyava Taverembaema ageva tagenda. ¹⁰ Ivava nageva tave kamana uwe tigeka, nanatava-raga Tave yagarama agera Isu-Mesaiya-pindiva piyamba-nema, tigeva ka tinda-ma mimagiri tigeti tivakapipa kamba timo kamanapa uma mikive-e. Nageva piyamba uwe tigeva ka naienara mindiri kamasa-enara mi-iyoma. ¹¹ Tige nanata-vara, ageva piyamba avorawae nagetapa, tigeke Kloe tumbi-ke tivakapi kinda-ena wiyema. ¹² Nagenda kamana-ndepa piyambane, tige ka-katimbava iyo, "Nageva Dolige minduwe, " o "Nageva Apolosige mindawe," o "Nageva Seposige minduwe," o "Nageva Mesaivage minduwe-ma." ¹³ Piyamba-paya Mesaiyava apako-vakuvaya puwatae? Piyamba poliva kagetaka u yarapa itagitava-yae? Piyamba kageva Poli agera wanipa urita-payae? ¹⁴ nageva aisa kamana-otauwe Anutu-ka piyamba tige Katipisa kamba wani utota ka, kambae, nageva Kripusi-ke pigo Kaiusi-ke wanipa uisitatauwe isige-amana. ¹⁵ Pindana-va ageva ewasa pugai-kenae piyambane-ma kamba Katipisa-va piyamba nemava ikenae, tigeva nage nagera wanipa ure-emava. ¹⁶ (Pigo nagero-va Stepanasi namatasa ayaema tuwava wanipa uitatauwe.) ¹⁷ Nana-viyema, Mesaiya-va wani uitaoma-va nagepa kamba nagaru-wataine, piyamba mono kamana yomae. Weusana-ma napienara sa kamana yomava kamba nagepa nagaruwataine ageva. Mesaiya uyawam-banda esegi-ena wapa kamba kasanoma. ¹⁸ Nana-viyema-gina u yawamba kamanapa ageva piyambane kegivaya ayaema kina purikivepa ugasuga-ena puwakiye. Piyamba kegipaya Anutu ayaema kina ivavikivipa ige ageva Anutu-nda ege-enawane. ¹⁹ Piyamba kamana-pa windiye, "Nageva asore-pugai-kuwema agande kinapa ige, pigo nageva uma mavi kaikuwe-iye aogi napi ena urinde kinambinda tave-ena agandepa." ²⁰ Aogiena agande kinapa aeta mindae? Tave-ena agande kinapa aeta mindae? A-agasi a-agasi kamana ikena kinapa aeta mindae? Piyamba-paya Anutu-va kamba awevutae aogi napiena ma ma ugasuga-ena pikena-va? ²¹ Ige mamavisa waya-wawami-va Anutu-pa kamba agandae, piyamba -kana pigo Anutu-va amupiye ige wasana-mi piyamba monokama-na ekagava ge wasana-mi kamba agandae ima imikena-va kegivaya imatiti-ena pumamiye kinatapa. ²² Nana-viyemae ige Juda0miva egana avoraki-vinda-namada eriyawa pikivi aganoma avigaegana pigo ige Griki-miva aogi napiena-ga aguvo-sagae. ²³ Pigo tage mono kamana yombepa mesaiya uyara puriti-kaga piyamba ige Juda tuwa igisa isavoite pigo ige Griki tuwa kamba aogi napiena peke. ²⁴ Pigo kekava-ya Anutu kegae-ikivipaa, ageva Juda-mike pigo Griki-mike kapine, tage Mesaiya uma awaombepa piyamba Anutu-nda ege-enawake aogi-enawake-e. ²⁵ Nana-viyemae, ayaema Anutu-nda ayaema ugasuga-enawapa ige waya wawa-mitapa aogiena-rakane, pigo pi aukaiva Anutu-va ege enawapa kawitae, ageva waya-wawa mita ege enawapa windiye mevapuma. ²⁶ Tigeka kegae ikiviti agaveve-viyo, ayaema nanata-vara. Tigeva okenaripa ayaema waya-wawami iyovindi-va aogi napiena-va urindae. Kamba okenaripa ege-enava urindae. Kamba okenaripa tave tigiva urindae. ²⁷ Piyamba Anutu-va utagaindiye mamavisa ugasuga-enamava save kinapa kavona-emara eitaga-siyoma-gina igepa. Anutu-va utagaindiyes kamba ege-enawa winda-enagava anindana amenoma ige ege-enawa winda enamakaga. ²⁸ Anutu-va utagaindi-ye timiw-anda-enava-mamavipa kamba ivikiyema, Ageva piyamba putae aogiena-va ugasuga-ena puwano-mamba putae. ²⁹ Ageva piyamba putae ige wasanava agowapa kawiyeno-ma age aorapa igeva. ³⁰ Nana-viyemae Anutu putaindana-va, ivava tigeva Isu-Mesaiya pindi mindae, ke kanataine tagetiva piyamba anutu-tisa aogi ena kanatai-pa. Ageva arataka-ena tagetapa avorataine, tagenda weasa-ena putegina pigo ageva ageva tage ika tavikena yagai-ena putaine. ³¹ Pina agora-kaga, piyamba Anutu kamana-omava iye, "Kevaya tave agi urikenaga kamana ikivipa, age ikivipa tave agi urikenaga Tave-yagara-amanata-sa ureno."