¹ Ba sa ti mata taki nio no? qi sa vina no vaikemam ba kwaya no ivatikem baletia vica leqwa na veva. Me wetai leqwa va khora leqwa ei sewa, me ba kwa leqwa vaka vica va vatikem? ² O vatikem ga na veva sa volai vali i vatikem ara sa kilatia no ga ra sa tolavia vali khora tamata. ³ Ba sa vacedrenia vali na veva ni kalou ba sa tara vali, a tam volai ina kwa ni veni, sa volai boto ina yalo ni Kalou cola, a sa lala boto ina dela ni vatu. Ina vatilem yalo boto sa malumalumu vali. ⁴ Sa wetai no kwe na vatilemam numia no vua na kalou baletia boto ina vuku i Karisito. ⁵ E ba sa tam rewati vatikemam me baletia ina kwa me tara, se me ba rewatia vaka taki vatikemam e lia na kwa, Ia sa lakha no mai vua na kalou ina vatilemam kaikai. ⁶ O koya sa varautaki vatikemam vali, ei sa dau veivaleqai vali na laba, qa dau vaka colai na kwa vakayalo. ⁷ Maga sa lakha vata qa na lea vina na Kalou ina i serau qa sa yaco ka na veilabati, kara sa laki ni vatolavia rewa e mata o Mosese khora na dridria ni Isireli baletia na cece e mata qa sa qai lakha dei. ⁸ Ei na teni lia no ka na cakcaka vaka yalo ⁹ Maga sa tau no e lia na cece levu baletia no na veiborisi, qa na teni lia mai na lea ceceni lea numia baletia ni lai tara kwa ina kwa lai numi no. ¹⁰ Ia na kwa ei cece, asa tam rewa no ni lai tolavi, qa na teni lia no na cece levu ena uasivi ga no. ¹¹ Maga sa cece no ina kwa sa lei kwai no yati, ei na du ga vakalevu na kwa sa cece levu sa dure vakalia tu. ¹² Ba sa tau no vatikemam na numia, qa ba sa tata no yati vo vatikem. ¹³ Mera kua ni vakatolavia vakabi na driadria ni Isireli, me baletia na i otioti ina kwa sa lai numi no. ¹⁴ Ia asa vayalokaikaitakinia medra yalo, ni sa nodoki ga no na i ubi me yacovia na siga ni kua, tam rewa ni kikha dei. Ina vuku i Karisito sa lakha dei ka na ubi a tau no. ¹⁵ Qa sa lakha mai na gauna kwe qa wili qa ko Mosese, sa tau tu ga imedra yalo na i ubi. ¹⁶ Aru sa veivutuni mai vua na kalou, qa na dei kha na i ubi ¹⁷ Na deda kalou sa nia ga na leda yalo tabu, sa gwalala okoya qa so no vali vo au na yalo ni turaga. ¹⁸ Vatiketa kece, asa tam ubi no na vatileda mata, qa ra sa tolavia na cece ni turaga me wetai na iliolo, qa me wetai na turaga na yalo tabu.