¹ A qu sa vakataulewa me baletia au me qu kua leqwa ni leka mai i vatikam ina tulugu. ² Ma ga qu vakemosi ni vatikem o ei mana vakamarautaki ni au ia o koya sava ga aqu vakatulugutaki ni koya? ³ Qu sa vola yati me wetai qu sa tara niqu laka yati i vatikem me rewa ni qu kua lei vaka mosi mai vuata mere vakamarautaki ni au. Qi tam yavala du baleti vatikem coko na lequ mavau me wetai muni vetilem. ⁴ Qi volavola no yati nina madila ei tadrasama sama, ina mavoa ni yalo, qa drosa tu qu wai ni mata. Ia, qi vinatia mo ba Kilatia na nubu ni lequ loloma baleti vatikem. ⁵ Maga ei lia ei vakarunia na mosi, ei vakam mosi, tam ni au talia boto, ia ina sewa na kea i vakarau-me kua ni vakai dagidagi ni vetikem- o vatikem coko. ⁶ Na kea i totogi na tamata so kwe mai ei bi coko sa reutia vina. ⁷ Ia no kwe mo ba sa kwa ni toto giteki nia, moba vosotia qa vakacojutia. Ba tara kwe me kua ka ni talasoso lea mosi. ⁸ Qi vaka mosati vatikem vakai kai mo ba vakatania vatilem loloma i ma. ⁹ Ko kwe e vu qu volavola, na i vatikem mequ vakatovelia i vatikem me qu Kilatia maja oba tem dau dua kara ina vikwa coko. ¹⁰ Maga oba vosotia ei liaga, sa wetai muni e lequ tam borisitia. Na lequ vivositi- qu sa vosotia na vikwa coko- ei sa vosoti me baleti vatikem i e mata o Karitiso: ¹¹ Ei tara kwe me kua ni rewati vati keta o Satani. Ni tera sa Kilatia vina muni lea i moimoi, ¹² A Sevania i va au na Momo Levu a lia na mata niwere na lequ laka mai ina koro o Tiroa mequ covaki nia nai tukutuku vina i Karisito so keni ¹³ Qu tam yalo vekaceju beletia qu tam tolavina lequ Kabani so keni. Qu sa ma dei niru ta qa qu sa laka sara i Masitonia. ¹⁴ Ia me lea na Kalou na vakavinavina, i va Jisu Karisito koya e dau teimatataki ni keta mete qwaqwa. Iva keta ei vatakie na i garu kamikamica ni kilakwa me baleti koya i na vi vanua coko. ¹⁵ O keta i vua na Kalou nai garu kamica kei Karisito, i vuara vuarua ko ere sa cola qa i vuara mni ere sa nisa. ¹⁶ I vuara ere sa rusa no nai gam vu mate ki na mate. I mare ave sa vakacolai, ei tia i jaru i na cola ki na cola. O ei ei rewatia na vikwa kwe? ¹⁷ Ni tam wetai na tamata ere maketetaki na tata ni Kalou me tawa ka ledra taga. Ia, i na naki matamatakwa, te tata baleti Jisu, ni te lei valatala mai vua na Kalou, i na mata ni Kalou.