¹ Vau'a nai avositolo lei Jisu Karisito ina lewa ni Kalou, qani Timoci na tacivaiketa, ivo kora na lotu ni Kalou mai Koronica, qani kora kece ere lotu mai Akaia taucoko. ² Me iem na vakacegu, qa na loloma mai vua na Kalou o tamada qa na momolevu ko Jisu Karisito. ³ Me lea ga no na Kalou qana tamada o Jisu Karisito na vakavinavina. ⁴ Na Kalou i taqomaki ni keta ina vivakatovolei kece, so kwe te reni taqomaki nira muni ka na vakatovolei tu. Me te taqomaui nira me wetai na Kalou i taqomaki ni keta tu. ⁵ Na du ni vaka rarawa taki me wetai sa yaco vakalevu no vo vatiketa na rarawa ina vuku i Karisito sa vakacegui vatiketa vakalevu sara qana Karisito. ⁶ Ia, maga te vararawataki, sa kwa ni vatilem taqomaki ka qa vakacolai, qa sa yaco kwe nio vatikem sa vosotia leqa na vikwa rarawa vatikemam sa vararawataki ka se o vai kemam ba vakacegui; sa kwa mo ba vakacegui ka qa mo ba vakacolai ka. ⁷ Sa tuaei na vatioimam nuitaki ni vatikem, ni ba sa kilatia, o ba votai ina vivakararawataki, o ba na votai muni ka ina vakacegu. ⁸ Ni o da tam vinatia na viwekani, mo ba numidei nia na vaileman rarawa sa yaco mai vaikemam Esia, ni vaikemam beitaki, sa dredre ka na vosotia, qa ba sa tam du tia ni ba sana cola. ⁹ Ia, vaikemam sa wetai ni ba sa lewai me ba mate, me ba kua ni vaka tuku vaikemam, vua ga na Kalou o koya sa vakaturi kora cake leqa na mate. ¹⁰ O koya a vaukacolai vaikemam mai na mate levu sokwe, qana vaka cola no ga: O koya muni ba sa vakatuku ka nina vakacola ga. ¹¹ O koya na tara na kwa wetia oiko vukei keta ina lem Masu. ina qei bi ka ere vavinavina ina vuku ivaikemam, ina vuku kwa sa soli vo vaikemam ina baletiara nai lawalawa bi. ¹² Ko kwe ilia na kwa ba sa gadretakinia nai tukutuku ni vaikemam lewa i buto ko kwe vailemam ivalavala i vuravura ko kwe ina buto ni lia ga, qana yalo du vua na Kalou, qa vaka bibita sara iva vaikem sa lala ina vuku vaka vuravura, ina loloma ga ni Kalou. ¹³ Sa lala na kwa teni vaikemam sa vola iva vaikem ko kwe na kwa ba sa wilikia se ba sa kilatia maga qisa vakadudutaki nia o ba na kilatia ka me yacovia na kea icavacava. ¹⁴ Me wetai na vailem kilati vaikem ina vica na kwa, nio vaikemam ba sa vailem qa mo ba gadre muni ka. Me wetai nio ba sa vailemam kwa ni gadre muni ka, ina sigo ni momo levu o Jisu. ¹⁵ Maga qi sa vadudutakinia ko kwe numia mequ laka imata naikem, me yaco vakaruavovaikem nai votavota ni loloma. ¹⁶ Qa mequ deini mo ba laka i Masitonia qa mo ba lesu leqwa mai Masitonia iva vaikem, Mo ba mei au ina lequ lakalaka i Jiutia. ¹⁷ Maga qi numia me wetai kwe qusa qei lomaloma rua ka, sa ilala? Se na kwa qu nakitia me wetai lequ inakinaki vakavuravura me naki ga no va au na io na io na lala na lala? ¹⁸ Maga me wetai na lea du na Kalou, na vouleda tata vo iko isa na tam io lala. ¹⁹ Na driadria ni Kalou, ko Jisu Karisito, o dilivenuse, Timoci qani au qu vecei iko, i tam 'io' qana 'lala' me wetai, o koya ma vaka io tuga. ²⁰ Na ira du taucoko na Kalou ina 'io' ivua. sokwe ere vaka "emeni" ina cecere vakalou. ²¹ Ko kwe na Kalou okoya i vadonui keta qani iko vua na Kalou qasa lumuti Keta. ²² O koya sa vakarautakinia lea vitasaqomaki na keta, qa solia ime da loma na yalotabu me kea iseru na kwa sa laka mai. ²³ Ia qu covia na Kalou me lewa qu yalo maga qu sa tam au, ni sa lequ lomani vaikem qa qu sa vakaberebere taki nia na lequ laka i Koronica. ²⁴ Ko kwe tam nia baletia ba vavitalia na vailem vabautia maga basa vivuko ga ina voulem gadre ni i ba sa tudei ga ina vabautia.