¹ Qu tolavia na gauna kha dolavia khe na lami kha tlia vuara na vitia na diega ga gu vakhanogocia kha tlia vuaru na kwa cola e i va kha kwaya i na doma khei odakhi na norogo ni khurukhuru, "la mai !" ² Qu tola ga gu tolavia kha tliana ore sesevu. Kha sa gulumia tu na dakhai titi kho khoye kha vodocia tu, ga sa loli vua na, sala vakhatui. Kha la mai me te gwagwa me ma virewai khe. ³ Na gauna kha dolavia khe na lami na i kha rua ni drega, gu vakharogocia sara na leya kwaya na i kha rua ni kwa cola, "La Mai!" ⁴ Kha sa tlia legioa na ose driu vakhamatakhu kha sa soli vua kha voda no khe na dodonu me khau dei khe na vakhacegu mai vuravura, me ra vivakhamate vakhai khora na tamata. Kha sa soli vua kha vodo no kha tlia na i seleiwau batirua. ⁵ Na gavina kha dolavia khe na lami na i kha tolu ni diega, gu vakharopgocia na i kha tolu ni kwa cola kha kwaya, "La mai!"Qu tolavia kha tlia na ose lolo, ga sa gulumia tu e lima khu khoya khei rode tu khei tlia na i vakharau. ⁶ Qu varogocia kha tlia na domo mai dra macagwa na kwa cola khei va, kha kwaya, "me volitakhi na i vakharau witi i na tlia na veni, ga tolu na i vakharau parile i na tlia na veni, ia mo khua ni eakhacavia na waiwai se na waini. ⁷ Na gauna sa clolavia khe na Lami na i kha va ni drega, qu vakharogocia e domo na i kha va ni kwa cola, kha kwaya, "La mai!' ⁸ Qu gei tolavia kha tlia na ose sesevu siyawa. Khokhoya kha vodocia no khaniya e yaca kho mate, ga takhuci khoya tu kho Etesi. Kha sa soli vuaru na lewa ni tlia na i kha va m vuravura, me ru vivakhamate i na i seleiwau, na matakhana, na mate calchaca, Qo na manumanu raukhawa ni vuravura. ⁹ Na gauna sa dolavia khe na Lami na i kha lima ni drega, qu tolavia i na rukhu ni ea bocabo ni soro, dra yalo kho khora kha ra lei vakhamate me baletia na tata ni khalou ga na ledra i tukhutukhu. ¹⁰ Kha ra tagi i na domoilevu, "me odakhi i vai na kheya yawa, turaga ni vuravura, yalosarasava ga du, na lemu na lewai khora na khoi vuravura ga na lemu saumia vuara na tiri ni mamu dra?" ¹¹ Kha sa gei soli vuara me ra ya tlia na i sulu sesevu balavu, ga sa lekwai vuara mera wawa vica legwe boto me yacovia ni rewa khece nakhedra wiliwili na leya tamata gai khora na vivekhani khadodonu me ra lei vakhamate me odakhi kho khora sa mate i mata. ¹² Na gauna sa delavia khe na Lami na i kha one ni drega, gu tolavia ni yaco kha tlia na uneune levu. Kha sa lolo na matanisi ga me odakhi na i sulu vuti ni manumanu lole ga sa vukhi na vula me dra. ¹³ Kha so lutu mai vuravura na vikhalokhale ni lemalagi me odakhi ni khuretia na cagi gwagwa. ¹⁴ Kha sa reva na lomalagi me odakhi nai vola vivigi sa vivi vata. Kha sa vitosoyakhi mai na kheya i tutu na vi yanuyanu ga na vi ulunivanua. ¹⁵ Kha ra sa cu i na vi vatu ga na vi gwara kho khora khece na vi tui ni vuravura, kho khora na turaga yalevu, na turaga ni valu, na vutuniyau, na gwagwa gai khora khece. bobula se taukhei. ¹⁶ Kha ra sa kwaya vuara na vi ulunivanua ga na vivatu, "Lutua mamu mai! Vunitakhi ni mamu mai e mata li khoya sa gatule tu i na tutu vakhaturaga ga na leya yalo ca na Lami. ¹⁷ Ni sa gei soso mai na siga ni leya yaloca levu. Kho cei khei na yatedei revua?"