¹ Qu gei tolavia i e lima matau li khoya kha gatule tu ina nono vakhaturaga kha tlia na i vola vivigi kha volai tu e mata ga niya e lobo, ga lei dregati ina drega khei vitu. ² Qu gei tolaviya kha tlia na agilosi gwgwa, kha sa cocovakhi i na domo levu, ga kwaya, "Ko cei khei dodonu me cekhatia na i rola ga vorokhiya na kheya drega?" ³ Kha sa tikhai tlia mai lomalagi se i vuravura se i e rukhu, vuravura kha dolaviya rewa na i vola se me wiliya. ⁴ Qu sa gei tagi vakhalevu baletia kha tikhai tlia boto ro kha bau lei tolavi me yaga, me dolaviya nai vola se me wiliya. ⁵ Ia sa gei kwaya mai vakhe yau kha tlia vuaru na tugwagwa, "khua ni tagi. Tolavia! Na laione ni yarusa kho Juta, na khawa li Tevita, sa revvatia. Khei rewatia kho khoya me delavia na vola ga na kheya drega khei vitu." ⁶ Qu sa gei tokavia kha tlia na lami, kha dure tu i na buto donu du ni nono vakhaturaga, i dra macagwa na vikwa cola khei va, gai khora na tugwagwa. Na kheya i rairai khei odakhi du kha lei vakhamate. Kha vitu na leya. laso ga vitu e mata, sa ni khora gi na vitu na yalo ni khalou kha ra lei vakhatala i vuravura khece. ⁷ Kha la g lei khau mai na i vola vivigi i e lima i matau li khoya kha gatule no i na i nono vakhaturaga. ⁸ Na gauna kha gulumiya mai khe na i vola vivgi, kha va kharuva khece vua kho khora na kwa cola khei va gai khora ga mum na tugwagwa le ruasagavulukhava. Kha ra ya tlia tu na api ga na bilo khoula sinai tu khe na kwa bui vina, kho khaja gi na ledra masu na tamata yalo savasciva ni Khalou. ⁹ Kha ra lagatiya no na sere vou, ga ro kwaya, "kho mu so dodonu mo mu khau nai vola vivigi, go mu cekhatiya muni na khece khe na tamata i vua na khalou, mai na viyavusa, ga na duidui tata, na vimata tamata ga na vimatanitu. ¹⁰ Mu tara vuara kha tlia na matanitu ga na kheya bete me ra gwaraviya khe na leda khalou, ga ra na viliutakhi i vuravura" ¹¹ Qu sa gei tolaviya ga gu varogouya na rorogo ni agilosi khei wara kha ra cowiritiya tu na i nono vakhaturaga, na kwa colo khei va gai khora na tugioagwa. Na khedra i wiliwili kha vakhatinina udolu takhi na tini na udolu ga vakhaudolutakhi na udolu. ¹² Kha ra kwaya i na domo i levu, "Khei dodonu, na Lami, kho khoya kha lei vakhamate, me rewatia khe na lewa, vuhiniyau, vukhu, gwagwa, vakharokhorokho, lagiti ga ha vakharinavina." ¹³ Qu sa gei vakharogoci khora na vikwa buli i Lomalagi gai vuravura ga vukhu i mravura, na waidui ga na vikwa khece khe sinai khe, kha ra kwaya, "vua khei gatule i na i nono vakhaturaga ga vua na Lami, me leya na vakhavinavina, na rokhovi, na lagiti, ga na lewa ga tawa mudu." ¹⁴ Kha ra kwaya na le va na kiwa sola, "Emeri!" ga ru kharuva kho khoru na tugwagwa meni gwaraviya na Khalou.