¹ Qu sa tolavia na lomalagi vou qa na vuravura vou, ni sa la reva na matai ni lomalagi qa na mata ni vuravura, a sa tikhai na wasawasa. ² Qu tolavia na khoro tabu, Jerusalemi Vou, kha sa la mai lomalagi vua no Khalou, a sa vakharautakhi me odakhi na yalewa me la va welea. ³ Qu varogocia tlia na lio levu mai na nono vakhaturaga kha kwaya, "Tolavia!" na lea i nono na Khalou sa no tu khe na tamata, kho khoya sa no vata qa ni khora khora na tamata sa na lea, qa na Khalou vakhatakhi ni khoya sano vata qe ni kho na me sa ledra Khalou. ⁴ Kho khoya e na khusia khece na wai ni mata mai na mata, sa na tikhai tlia leqwa na mate, se na lolosi, se tagi se mosi Sa na la dei na vikwa makawa. ⁵ Kho khoya kha gatule no vana nono vakhaturaga kha kwaya, "Tolavia!" Qu sa tara khece na kwa me vou. A kwayam "Vola ro kwe baletia na tata kwe khe ri vakhabauti qa du." ⁶ A sa kwaya vekhe au, "Na kwa kwe se Rewa! Kho au na Alifa qa na Omekha, na tautau yavu qa na devudevu. Vakha mu na mata somu qi na solia vekhemu na somu tamu saumi mai na mata ni wai ni cola. ⁷ Kho khoya khe rewatia e na taukhenia na kwa khe, Qi na qei lea klavou, sa na qei ni levuqu kho khoya. ⁸ Ia kho khora na dau matakhu, na tawa vakhabautia, na dau temakhi rewarewa, na dau laba, khora na dau yalewa, na dau drodorti, na dau qwaravi matakhau, qa ni khora na dau rekwa, sa na ledra i nono ga na drano mamaudre va na sulivure khoya gi nai kharua ni mate." ⁹ Tlia vuaru na vitu na Agilosi kha sa la mai, kho khoya sa tau vua na vitu na bilo sinai, vata vitu na mata cakha ca qa kwaya "La mai.qi na vatakhe vekhe ikho na yalewa sa nia na weleni Lami. ¹⁰ Sa qai mei au teni vakha yawa khi na tlia e dela tetelagi, qa vakhatakhea vakhe au na khoro tabu kho Jerusalemi kha la mai lomalagi nia na Khalou. ¹¹ Kho Jerusalemi kha tau vua lea i ukhuukhu na Khalou, qa na khea i serau sa odakhi na caliva ni khoula, vatu tata livaliva qa na jasiva. ¹² Kho sa babalevu, qa cere na khea bai qa na tini kha rua na khea matamata, qa ra le tini khavua muni na Agilosi va na matamata. Khi na matamata sa volai dra yaca na lewe tini kha rua na yavusa na luve i Isireli. ¹³ Khina Tokhalau sa tolu na matamata, khi na vualiku sa tolu na matamata, khi na Ceva sa tolu na matamata qa na ra sa tolu na matamata. ¹⁴ Na matamata ni khoro sa tini kharua na khea yavu, qa sa tau vata qaya dra yaca na tini kharua na Apositolo ni Lami. ¹⁵ Kho khoya kha vakhamacala vakha au sa tau vua na kha i balavu sa khoula me vakharau khe na khoro, khea matamata, khea lalaga. ¹⁶ Na khoro kha sa dara vakhatautauvata na yasa vava na khea lai Tolavi yati; sa tautauvata na khea balavu qa na khea Raba. Kha sa vakharautakhi nia na khoro vana khai balavu, tini kha rua na udolu na khea balavu (khea balavu, khea rabo qa na cere sa tautauvata.) ¹⁷ Kha sa vakharautakhinia muni na lalaga tlia na drau va saga vulu kha va na khiuvikhi na khea vavakhu (Sa nia muni na vakharau vakha agilosi). ¹⁸ Na lalaga sa tara vana Jasiva qa na khoro va na khoula du, da khi na iloilo savasava. ¹⁹ Na yavu ni lalaga kha sa ukhutakhi khi na vimataqali vatu rairai vina. Nai matai ni Jasiva, na i kharua na savairi, nai kha tolu na khalisetoni, na i va na Imerelita. ²⁰ Nai kha lima na Satoni khisa, na i kha ono na Satiusa, nai na vitu na kharisolita, nai kha walu na Perili nai kha ciwa na Tovasa na i kha tini na kharisovirasa nai kha tini kha dua na vatu kharakhara wa qa na kha tini kharua na Amecisita. ²¹ Na tini kharua na matamata sa tau khe na tini kha rua na matani civa; ya tlia na matamata sa tara mai na mataniciva. Na sala ni khoro sa khoula khece, odakhi na di tola bocadrania na iloilo. ²² Qu tamu tolavia tlia na sue ni lotu va na khoro, do na turaga na Khalou qwaqwa qa na lami ea te sue ni lotu. ²³ Na khoro sa tamu lai gadrevi khe na siga qa na vula me rewa ni vakhacedrenia, baletia na serau ni Khalou sa vakhacecetakhinia qa khea cina na Lami. ²⁴ No matanitu e ri na taubale vana cece ni khoro. Na tui ni vuravura e ni na khau mai khe na serau. ²⁵ Na khea matamata khei na tamu sogo va khi siga, khei na tikhai na bogi khe gi. ²⁶ Khei na la mai na serau qa na i ukhuukhu ni matanitu. ²⁷ Na tikhai tlia na kwa tomu savasava khei na rusu khe, se me tara tlia na kwa dukhuadukhali se lawakhi ca, Io kho khora ga dra yaca sa volai khi na i vola ni cola ni Lami.