¹ A taro vei totomu maei, "Eme ga kikesi taia pepere ra sari soio te engeli ari pou bomumuria ruma ra kiraka oio mauta kerirae Sardisi. Me ga vie maei, Eau a karu tabu ie pago ari saga poro irua (7) o omai tegaku. Te eau tsi sautorea tsimugo ari sagaporo-irua (7) o. Eau rovia tavovuro ari gamma kokora tame are eme ioigoa. Vararua ga veivei vera a ruma ra kiraka are re mauri," Aramori ouka, eme peo tsi. ² Eme iritsi iritaro a nauta ra ire, eau gamma ino a tavovuro are eme ioigoa o ita oio sogamma matata oio a mata re pago tegaku. Tavovuro kakara are eme ioigoa, oio pou marui, gamma peo, te eme ga vaivava gea tavovuro are eme ioigo o. ³ Gabutare a peperera ari mae eme abita oio are eme no ta o. Tsirimuria, rimamisa, Arige eme gamma iritsi, Eau ga gomai mae a taro ra pakarira, ge eme gamma ga rovia rogo ari mavei eau ga gomai. ⁴ Aramori e vararua sari oio e Sardisi sosoku, egitou e vararua aro gamma igo parakurua tokoromo ra tegitou, e gotou ga tuga tome eau, tovoa tokoromo ra ari paka kea, ire gitou maroka. ⁵ Taro ari vagotaro a vagagarira vaikue ra, Eau ga vaitovoe eia oio a tovorobo ra ari pakakea maraurau vau o ge Eau gamma ga sububu garei a aisara oiro a Tavara kirikesira Maurira, Eau ga vei para ea aisara oio a mara re Tamague Pago me engeli. ⁶ Taro ari a gausara oio ga no a arowa a karuru veivei a soio te vararua ra ruma ra ruburobo ra nau o." ⁷ Taro vei rou a areia vere, Eme ga kikesia pepere ta sari soio te engeli ari bomumuria ruma ra kiraka oio a mautu ra kiraka e Filadefia. Me ga kikesia, vei maei, "A pepere ra te taro ari maroka eia sesere-eari sautore a ki-i te Devitsi, eari ga kopea ge eita gamma ga koramuria ari kopia, are eia kapiroboa eita gamma ga koramuriea ri ga kopea. ⁸ "Eau rovia tavovuro are eme ioigoao. No, Eou kope ta mata muga oio tame, ge eita gamma ga kapi robo a. Eau rovi mae eme a vagagari ra tautau rairo oio o te eme tsitsirie eau te eme gamma poke taro e eau tai gamma igo bunua aisagu. ⁹ No! Eau ga igo bunue gitou e vararua ari te Satani o, Egitou veivei vere gitou tere Juda. Aramori e gitou gamma tere Juda. Gitou a tau aro ra kogonora __ Eau ga igo e gitoiu ga gomai toturu muga oio a vamu, te gitou ga rovi ira vere Eau masage eme. ¹⁰ Ira mae eme tsirimuri emia pepere ra tegaku, mae eme magiri vavaga oiro a tautaurairo ra oio a mausakara ari vera ga gari oio taume o. Tsi mae Eau ga bomune me ira arigea tovomuri ra ari mae re vera ga garitara tera ri tovo murie vararu kaka ra tera ba ra tabuei, gamma ga koramuria ri garita ra. ¹¹ Gamma ga taba Eau ga subui somai tame. Arowa tsibo are eme sautorea, eme ga sautora vavagea. Souka taro ila ga gomai abi garei a vurutsi tame. ¹² Arige taro ita ga vagotaroa vagagari ra vaikue ra eau ga vaimagirie eia mae a posi tera ri vaivavage a ruma te Pago teaku. Ge eia gamma ga eretaro rou ira ruma te Pago. Te eau ga kikesia aisare Pago oio tetara aisara mautu kerira te Pago teaku (e Jerusalemu ari araba, ari oro ata gotaro oio a mautu ra marokara te Pago) tomia aisagu ari araba. ¹³ Taro ari a gausara oio o, ea ga no a a rova a Karuru veiveia oio rumara kiraka nau ei." ¹⁴ Taro vei totomu a aiei a maei, "Eme ga kikesia pepere ra sari soio tai te engeli ari oio a ruma ra kiraka oiroa mautu kerira e Leodisia. Pepere ra are eme ga kikesia o tsi maei: Eau a taro ari veivei vera "Ea Sesere" oio a pepere ra kakara mea promisi ra te Pago, te eau rovia ri vano matatea pepere ra te Pago ari sesere. Eau a vura atotsibo kakara are Pago igo a o. ¹⁵ Eau rovia tavovuro are eme ioigoa ge eme oio maigi kua eme oio tsivura. Eau gabu mae eme gamma maigi o gamma tsivura! ¹⁶ Aramori ouka. Eme tsivura bakisi mori--eme gamma tsivura matomo--eme gamma maigi maigi matomo Tsi mae Eau ga muke taroe eme oio a aregu. ¹⁷ Ire eme veivei vere, "Eau taokea totsibo komuko, te eau ga bobo ira atisibo tia. "Aramori ouka. Eme oio pou bunau, te vararua oio ugogo ire me. Eme pou mae ome a totsibo ouka vau o te eme gamma ino ge eme pou bunau vau. te eme mori eme gamma rovia arere. ¹⁸ Tsi mae eme no a vaterira tegaku: Neneki ire emega roto a goulu moai tegaku ire Pago teaku, eia ta avi tera ri turu gogo a atotsibo nau ari bunu nau o, tsimae eme ga rotoa goulu aro ire eme ga abi ira watsi komuko, Mea tovorobo ari paka kea terari ga igo roboa vovumu ge vararua gamma ga inoe eme pou bunau, Maeaera. Eme ga roto taia garaurau ra mata tera ri taua oio a matamu gae me ino ira. ¹⁹ Eau kaka terari veimatata e vararu a are eau masaga e gitou. Tsi mae, eme ga vavaga tera ri veimatatea tavovuromu, rimamisi. ²⁰ Ino, Eau magiri oio a mata ririgia. Arige eita ga ino e eau ga kopea mata ire eau, Eau ga goiro a ruma teta ra ga ari tome eia, ge eia ga ari tomie eau. ²¹ Arige eari vagotaro a vagagari ra vaikue ra, eau ga vaipou eia oio a purou ra maroka ra te Tamagu oio a mautu teta ra. ²² Neneki ire taro ari a gausara oio o, eia ga no a arowa a Karuru veivei a oio a ruma ra kiraka nau ei.