¹ A taro veia re Jioni vere, eme ga kikesia pepere ra sari tai soio te engeli tera ruma ra kiraka oio e Efesus. Eme ga kikesia pepere ra ari maei, Eau rovia ari sautore a tsimugo sagaporo-irua oio a rimague pirigata eari tai tatuga kabiri golo goimai kabiri oio a miraga ra tsiraurau ra mamaga sagaporo irua o. ² "Eau rovia tavovuro kakara e me ioigoao, a tuavi ra tame, eme magiri vavaga oio a tautaurairo ra tame, te me gamma masage vararua ari bunu, aramori eme tovomurie gitou e vararua ari veivere egitou e eaposeli aramori ouka, ire eme ino anea mae e gitou gama e aposeli. e gitou kogono. ³ Vararua ga ino mae eme ioigoa aigogoru iiso a aisagu tomia tautaurairo ta toutomu,. Eme gamma sinaci ra aigogaru teaku. ⁴ "Aramori eau vera ga veia ume ma ei, soko vauo eme masaga matotomo e au, aramori igoei oika. ⁵ Gabutarea mae rawaira o eme ioigoa tavovuro ari kokora, aramori eme paru etsi. Tsi mae eme ga gabutara rivua tavovuromu ari rawaira eme ioigoa o gae me ga rima misi ge eme ga igo rou ira tavovuro mu ari kikira eme ioigoa rawairao. Arige eme gamma rimamisi, Eau ga gomai tame-e ga abi gareia tsiraurau ra mamaga oio taume re. ⁶ Aramori a tavovuro ita kokora oio taume, em e rovia ari ioigoa: ta tavovuro ari mae eme gamma masaga vau a tavovuro ari bunu te gitou Nikilasi ari mae eau gamma masage a. ⁷ Tsi me ataro ari a gausara oio o eia ga noapepere ra ari mae a Karuru tabu tau pararae oio te muraruga ra a lotu nau ei. Arige taro ari poropepe ta ariirigio, Eau tsiga ino taroe eia ga abia airari oio a aobu ari ga abia maurira ari pou oiro a maute ra marokara oio te pago." ⁸ Taro vei tai mae, "Eme ga kikesi taia pepere ra sari soio te engeli ari bomumuria ruma ra kiraka oio a mautu kerirae Smerna. Eme ga vei maei: Taro ari peo to mago mauri rou o: eia mori ta pepere ra veivei a vere eia morita sirokora te eia mori ta karuruvura o. ⁹ "Eau rovia mausakara me a tsivurara ta mutou, Eau rovi mae eme a totsibo ouka vau. Aramori eme a totsibo komuko. Eau rovia pepere kukumu ra ari mae vararua pipigia soio tame o. Gitou e vararua aro vere gitou tere Juda aramori e gitou gamma tere Juda. Gitou a aeri te Satani mori. ¹⁰ Vamuri vora eme ga borea mausaka ta ge me umara matutau re me ga borea mausaka ra. Ino! E Satani ga pigie mutou sari soiroa tumara kapirobo ra tera ri tovomurie mutou, oiro a rogo savuru (10). Ge bomuri neki e mutou kara oio a pireo mago Eau abi ta amutou a vagagari ra mauri ra. ¹¹ Taro ari a gausara oio o, ga no a arowa a Karuru Jabu veivei a soio ta ruma ra kiraka nauo. Taro ari poro pepea mausakara gamma ga virua oio a vairua ra pireo ra o." ¹² Taro vei a areia maei, Me ga kikesi a pepere ra sari soio tai te engeli ari oio a mautu ra kiraka oirp Pergamum maei: Eau sautorea baenatsi maraurau vau ari mata sesere. Mata ra baenatsi o oio a gare irua tomi. Eau tsi sovea pepere ra arei soio taume ere. Veivei maei, ¹³ Eau rovi emia mautu are eme poupou oio vora o. Eme poupou oio a purouro u te Satani. Aramori eme sautora totomua aisagu, te me tautaurairo totomu ire eau. Te eme gamma taukoukovucatautaurairo ra arere. Ravairao a Taro are Antipasi, eia e taro ra vano parara ea pepere ra teaku, oio are eia ioi pou mutou. Eia tsirimuri emi vau a pepere ra teaku, te biri peo eia oio a mautiu tamutou, are Satani oio vora o. Oio a rogo tai aro eme gama poke taro e eau. ¹⁴ Aramori Eau a pepere ra sari tera ri vei a aume: Eme oio bomurie vararua sari, ari sautora sesere a tavovuro te Balamu are eia ioigoao. A tavovuro ra kogonora, Ravairao eia vainoe Balaki ra tavovuro ari kogono e vararua re Israeli ga paru oio a tavuvuro ra airuru. Te Balaki tsi veimarie vararua ra ti ga aiaria a basi ari mae gitou ga raragia tera airabi te gitou soio te pago a kogonora o tai a tavovuro ra toroveri ra. ¹⁵ Mae mori, vararua sari ari pou titomie eme ere oio so tsitsiria pepere ta re aeri te Nikolasi o. ¹⁶ Arige mutou gamma rimamisi subui vuroa tavovuro mutou ari gamma kokora re. Eau ga gomai vaikue tomie mutou e vararua are re tomia baenatsi ari oiroa areguei, Tsi mae mutou rimamisi. ¹⁷ Taro ari a gausara oio eia ga no emia arowa a Karuru tabu veivei a soio te vararua ra ruma ra kiraka naaei. Ge muga oio a vaikue ra ga vagotaroa vagagarira vaikue ra, neneki ire Eau ga abia areia mana ari taukovu, tai Eau ga abia areia watsi ari pakakea tomia aisa ari araba kikesia oio vora, mae are eita gamma rovia ge eari mori ga abia o-tsi ga rovi a o." ¹⁸ Taro vei totomu tou a areia maei, "Eme ga kikesi tai soio te engeli ra ruma ra kiraka oio a mautu kerira e Taiataira. A pepere ra o tsi maei, "Eau e Rature Pago, a mata gu ea kakari maea avi ari karamame a o, ge a va-agu kakari mae a brasi are gitou polisimua mata rega vau o: Eme ga veia gitou vere Eau tsi sovea pepere ra arei soio tame. ¹⁹ Eau ge rovi ta tavovuro ari mae eme ioigoa o: tavovaro ra masagara ma tautaurairo ra eme rovia ari suri emie vararua, eme poro pepe a mausaka ra. Te Eau rovi mae raivairao eme ioigoa tavovuro ari kokora, tsi mae igoei a tavovuromu gori emi vau. ²⁰ Aramori Eau ga veia me a peperera ita maei, Eme ino totaro e Jesebeli a tasema ari pou titomi e eme re tera arova, Tasema are re veivei vere eia a taro ra vano para ra, aramori eia kogono e tauaro ra aigogoru teaku te eia veimarie gitou terari igo a taovoruo ra toroverira te eia veimarie gitou tai terari ari bunau a basi ari mae gitou tuturua soio te pago a kogono ra o. ²¹ Eau abia areia rogo tera ri rimamisi, aramori eia gama rimamisi ga vuro a mauri ra oio a tavovuro ari bunu eia ioigoa o. ²² No! Eau ga abia re a tasema re airobe ge eia ga abia mausaka ra ita me a tsivurara ga kerira vau. Ge gitoue vararua ari ioigoa tavovuro ari gamm kokora rome eia gamma rima misi poke taroa tavovuro bunu are gitou oiogoa o, Eau ga abia gitou taia Mausaka ra mea tsivurara. ²³ Eau ga viri peo tai e ruratu ra, ge gitou e vararua ra ruma ra kiraka ita ita ga rovi ira mae eau ta taro ari mata eiemi oiroa gabutara ra mea tsia re vararua. Te eau ga abia mutou ita ita avuritsi tsitsiria arowa tavovuro ari mae mutou ioigo a o. ²⁴ Aramori eau vera ga veia mutoue vararua ari bisau oio a ruma ra kiraka ari pou oio e Taiataira ari gama tsirimuria peperera te tasema o, taie mutou gamma rovia pepere ra are gitou veivei a mae, Tauko vu oio te Santani." Eau vei a mutou mae eau gamma ga avia mutou a mausaka ra ita rou. ²⁵ Aramori a tavovuro ari mae mutou sautora tao, e mutou ga sautora vavagoa kara oio are eau ga pirive. ²⁶ Arige taro ari vaikokue, vagoraro a vagagari ra vaikue ra, tsirimuria tavovurogu goio kara oio a rige atotsibo kaka ra ga karuvu, eau ga abia reia vagagarira te ra ri ga mugae vararua ra ba kakara. ²⁷ Eia ga mamuga e gitou tomia vagagari ra ari oata sesere tera ri ga varitu momo a tsibo goro keketu keketu mae taro vari maporea kabarae gitou igoa oio a tabu o. ²⁸ Aigo goru are Eau ga abia areia a o mae moria aigogoru are Tamagu abia gakuo. Eau ga abi taia arei e mata uru ru ra kaivoki o. ²⁹ Taro ari a gaura oio o, ea ga noa arowa a Karuru veivei a soio te vararua ra ruma ra kiraka oio a mautu ita ita."