¹ Mago te engeli vaino rou e Eau ra nanu ra mauri ra, magarura mae a kristeli o. Eia sari oroio a porourou neneki te Pago me e Sipsipi o. ² kabiri vau oio a gauru ra mautu kerira o. Oio a pepera a nanu o a obu ra mauri to oio magiri, ea vua a kara ra savuru gotaro-irua, a karara o bisau bisau nau ge oiro a taic kaka ra ea vavu a. A Gagarara aobu o te ra ri veimauri e vararu a kakara te ra baa nau ei. ³ Vaioou bunura gamma ga garita ra rou oio a mautu kerira o. Ra purourou neneki te Pago me Sipsipi tsi oiro a mautu kerira o, ge vararu a ra aigogoru te tara ga rotu tavu e eia. ⁴ Gitou ga ino a nagu ra, ge aisa ra ga e gitou kikesia oata oio a gama ra auto gitou. ⁵ Oio o a mautu kerira o a masori ga ouka; e vararua o gamma ga niaimu a miraga raa ramo o a miraga ra aro ire a Taro Kerira e Pago ga kakari oata te gitou. Gitou ga pou mauri a tapasi ra a karuvu ra ouka. ⁶ E engelio vei a gaku ma ei, "A pepere ra nau arei ea sesere matomo. E Taro Kerira, e Pago te a karuru te tauaro ra vano parara, baa e engeli teta ra terari vaino e tau aro ra aigogoru teta ra ira arova ga agavi garita ra." ⁷ "Ino! Eau a gavi ga goimai etsi! Taro ari tsitsiria pepere ra vano para ra a tava ra kirikesi arei ga momoge." ⁸ Eau, e Jioni, a taro moria ri no oa ino a totsibo nau arei. Oio are Eau no-oa ino e gitou o, Eau toturu sotaro a va a re engeli ari vou oino e Eau ra totsibo nau arei te ra ri rotu tavue eia. ⁹ Eia vei a gaku maei, "Gamma ioigoa ari mae re! Eau a taro ra aigogoru mae me re, tomie gitoiu e tau aro ari tsitsiria pepere ra ari oio a tava ra kirikesi arei. Rotu tavu e Pago!" ¹⁰ Mago te Eia veirou a gaku vera, :Gamma tau koukovu a pepere ra vano para ra ari oiro a tava ra kirikesi e re, ira a rogo ra a gavi etsi. ¹¹ Taro ari ioigoa tavovuro ari bunu mara o eia sosoro a ari ioigo a. Taro ari ioigoa toroveri ra, marao eia sosoro a ari ioigoa toroveri ra. Ea ri ioigo a tavovuro neneki, ga sosoro a ri ioigo a tavovuro neneki. Taro ari maroka, ea ga sosoro a ri pou maroka." ¹² "Ino! Eau a gavi ga goimai etsi. A wurutsi tegaku omai te aku, tera ri abia rivua re taro ita tia tsirimuria tavovuro ari mae e gitou ioigo a o. ¹³ Eau pou ravaira o to ge Eau ga pou vamu ri, a siro kora me a veika ruruvu ra totsibo, a vu u ra totsibo me a karuruvu ra totsibo. ¹⁴ Gitou e tau aro ari vui mage a tokoromo ra te gitou ari maraurau pakake a o e gitou momoge ire gitou tsi ga aria airari ta a o vu ra mauri ra ge gitou ga koramuria ri go ito tai a mata ra mautu kerira. ¹⁵ Tauaro ra posini ra, tau aro ra tomo, gitari biri pepeo e vararua, tau aro ra toroveri ra, taro ari kogono, gitari rubu tutavua kanure pago ra kogono ra, me tauaro ari tsitsiri a tavovuro bunu ioigoa o, e gitou ga pou o gara oio a mautu kerira te Pago. ¹⁶ Eau, e Iesu tso ba e engeli teaku tera ri goio vano para e a mutou ra totsibo nau arei soio a ruma ra kiraka oio a ba a kaka ra. Eau a vu-ura maratatsira te rurubu re Devitsi, a tsimugo ra kaivoki." ¹⁷ Karuru Tabu me riture sipsipi vei maei, "Gomai!" Mara o e eari nono vera, "Gomai!" Ea ri marou, marao e eia gomai, ge ea ri masaga vau a, marao e eia ga gomai abi bunau a nanu ra mau ri. ¹⁸ Eau vei totomua re vararua ari no a pepe re ra vano para ra ari oio a tava ra kirikesi ei vera: Arige eita ga peperea pepere ra te Pago oiro a tavara kirikesi ga tau pepe bai a o pepere bunu oata vora, Pago ga igo a mae are eia igo a o ga temasi re eia. ¹⁹ A rige taro ita gamma vei tsirimuria pepere ra ari oiro a tava ra kirikesi, e Pago ga abi garei a vurutsi teta ra oiro aobu ra mauri me oiro a mautu ra marokara are gitou kikesi a oiro a Tava ra kirikesi ei. ²⁰ Taro ari vano parara ea totsibo nau arei vera, "E e! Eau agavi ga goimai etsi." Sesere! Gomai, Taro Kerira e Iesu! ²¹ A vaibaravara te Taro kerira e Iesu ga pou tomie mutou kaka ra. Sesere.