¹ Mago te Eau ino ta mautu neneki me a tabu ari araba, ira mautu neneki me a tabu ari soko tsi karuvu to, a mago tai karuvu etsi. ² Te Eau ino ta mautu kerira ari makaro a, e Jerusalemu ari araba, oroio te Pago oio a mautu ari neneki, ea gomai mae a tasema e gitou vaitokoromo eia tera ri raragi ra ri taurai e e ruara ³ Mate Eau no o ta tsirora ira oroio a purouro neneki o veivei maei, "Ino! a miraga ra aigogoni te pago oio tomie vava ra, tsi mae eia ga pou tomie fitou. Gitou e vararu a teta ra, te e pago mori ga poui tomie gitou ge eia ga e Pago te gitou. ⁴ Eia ga ii garei a mata sisari gitou, ge a pireo gamma ga garitara rou, a u gogo ra, o a tsirari o a mausaka ra ga ouka tsi. A totsibo ari soko karuvu etsi. ⁵ Taro ari poiupou oata purourou neneki o vei maei, "Ino! Eau igoa totsibo kakara gari a raba." Te eia vera, "Kikesia ri nau ei sotaro ira pepere ra nau arei ea tautauroiro mea sesere ra." ⁶ Eia vei a gaku maei, "Atotosibo arei gari etsi! Eau a vu vura me a Karuvu ra, a siroko ra me a karuruvu ra. Ge a taro ari marou eau ga vainiu eia oio a nanu ari a mapa ra ouka te ra mauri ra o. ⁷ Taro ari vagotaroa vaikue ra muga oio vora ga abia totsibo nau arei, ge Eau ga e Pago tetara, ge eia ga e tarugu. ⁸ Aramori e gitou e vararua ari matutau, gamma tautau rairo, bibiri, tau aro ra toroveri ra, rotu tutavu a kanure pago a kogono ra, me gitari kogono a mautu te gitou to oiro a avi ari oio a pupao a watsi ra salfa or a-ari komuko vau o. A pire o ari vakarua o to." ⁹ Ita oio te engeli ari sagaporo irua ari sautore a boulu sagaporo iru voru ira tema si ra te Pago gomai te gaku, te eia vera, "Gomai omai ei. Wau ga vaino e eme re, riture Sipsipi." ¹⁰ Mago te engelio oiro a vagagari ra Karuru Tabu eia muga Eau soata mapaitsi kerira ari maraurau vau o tsi vaino te Eau ra mautu ra maroka e Jerusalemu oroio te Pago oio a mautu neneki o. ¹¹ Miraga ra vaisare ra te Pago oio oiro e Jerusalemu, ge a mamaga ra ea kaka ri mae a jiweisi o, ea mae tai a a watsi e suie o. ¹² A banisi ra, oata sisae vau, a mamata ra savuru gotaro-iru (12). Te engeli savuru gotaro-irua (12) tsi magigiri oio a mata ita ita. Oata mata ira ita aisa sarerura tura maratatsira re Israeli ari savuru gotaro-irua o. ¹³ Oio e easti a mata iroru, Oio e noti a mata iro ru, oio e saoti a mata itoru, ge oio e westi a mata itoru. ¹⁴ A banisi ra mautu kerira aro a siroko ra savuru gotaro-irua, ge oata re gitou e gitou kikesia aisa savuru gotaro-iru re muraruga ari savuru gotaro-irua te Sipsipi o. ¹⁵ E egili are pepere titomi e Eau o ei a sauto re a mota ra aeni te ra vaitotorao e gitou igo a oio a goulu tera ri ga vaitoto ra mautu kerira, a banisi ra, mea mata ra. ¹⁶ A mautu kerira o e gitou tsigi matata vau a: a marau ra ge tomi mori mae a boboto ra. Ea vaitoto a mautu kerira o tomia mota ra vaitoto ra ari aeni o, ea e 12 taoseni stadia oio a marau ra (a marau ra, a boboto ra, a kerirara ea tomi mori). ¹⁷ Eia maki tai a banisi ra o 144 kiubik o keketu baini butoru rou oio te vararua are gitou mimaki o (mae tai are gitou e engeli vaitoto). ¹⁸ A banisio e gitou tsigia oio a jaspa ge a mautu keri ra eia tsigia oio a goulu, ma e a galasi ari ma a ga vau o. ¹⁹ A siroko ra banisira mautu kerira o e Pago tsigia oio a watsi ari e gitou ago emia oio a aira go are a mapara kerira vau o. Ari soko o a watsi ra jaspa, ari a vakarua ra o a watsi ari bu-u salfa o, ari vaka toruo, a watsi are-sule o ge ari vaka iva rao a watsi ari kesa, ²⁰ ari inimata a o (5) e gitou tsigia oio a watsi ari magegese pakake a ari saga poro ita p (6) e gitou tsigia oio a watsi magegese, ari sagaporo iru a o (7) e gitou tsi gia oio a watsi kekeo, ari sagapror itoru o (8) e gitou tsigia oio a watsi ari kesa beru, ari sagapror iva o e gitou tsigia oio a watsi ari keke o, ari savuru o (10) e gitou tsigia oio a watsi ari kristopase, ari savuru gotaroita a (11) e gitou tsigia oio a watsi ari kaiasini ge ari savuru gotaro-irua o (12) e gitou tsigia oio a watsi ari magegese e a mesti si o. ²¹ A mata ari savuru gotaro iru a o ta a peli ari savuru gotaro iru a o, ta a watsi pakake a e gitou ioigoa oio a gapo ari a mapa ra kerira vau o. Te gitou tsigi ira a mata ita ita o. A gauru ra mautu kerirao e gitou igoa oio a goulu, ari mata rega mae a galasi o. ²² Eau gamma ino a ruma ra kiraka ita oiro a mautu kerira o, e Pago a Taro kerira mori me ratue Sipsipi ta ruma ra kiraka o ²³ A mautu kerira o gamma nidimua aaro a e tai o tera ri ga abia mamaga soio a soio a mautu kerira o ouka ira vagaga ri ra miraga ra te Pago tsi kakari oio o, ge a ramo ra mautu kerira o te Sipsipi o. ²⁴ E vararu a ra ba ra mautu-kakara gatatuga oio miraga ra mautu kerira aro. Kingi ra tabu ei ga vai goio a veisare ra te gitou soiro vora. ²⁵ A mamata ra mautu kerira o gamma ga kapi oio a aro, oio a mautu kerira o a rarogo ouka. ²⁶ Veisare ra me a momogera te vararua ra ba kaka ra ga veisare a mautu kerira o, ²⁷ a tsibo ita bunu gamma ga koramuri vau ari ga garitara oiro a mautu kerira aro o, e vararu tai ari ioigo a tavovuro bunu gamma ga kora muri vau ari ga goiro o a mautu kerira o.