¹ A pepere ra geremuri re e Iesu e Kraisti ge tauko vu ge e Pago masaga vera ga tau para ea ga gari para, tsi mae eia bae engeli tetara soio te taro ra aigogoru tetara e Jioni, ² taro ari vano parara ea pepere ta te Paga ma geremurira Iesu e Kraisti mea atotsibo kakara are eia ino a. ³ Eari gia pepere ra arei, tomie vararua ari noa, me vararua ari tsirimu ria, e girou ga momoge ira a rogo a gavi etsi. ⁴ Jioni kikesia pepere ra ari oroio te Karuru sagaporo-irua ari bomumuria purou ra maokara soio te vararua ra Mautu sagaporo-irua (7) tera mautue Eisia mae: a kokora ra Mea tsia magogo ra ga oroio te eari mori itao, eia mori, ge eari ga gomai, ⁵ tai oroio te Iesu e Kraisti a taro ari pepere matasea pepere ra te Pago. Eia mori ta taro ari apuritsi soko oio a ruru, te eia mori ta taro kerira oio oata oio te gitou e tauaro ari mamugae vararua oio a tabuei. Eia ga surie mutou ga sabubu gareia tavovurao bunu tamutou oio a kasosora --- ⁶ eari ga igoe tatou gari e vararua ra mautu kerara tetara tai e tarou ga mae pristi te Pago e tama gatou --- oio tetara ari a momogera mea vagagari ra ari a karuvura mea tapasira ouka. Sesere. ⁷ Mutou ga inoe, eia ga gomai oio a karu; e vararua kakara ga ino e eia, tomie gitoue tauaro ari ubie eia ra remusi ari kue eia o ga tari ugogo re eia, oio a are gitou ga inoa arowa ga gari oio a rogo a ro. Serere. ⁸ E Pago a Taro Kerira ga vere, "Eau a siroko ra Mea karuvura," "Taro ari mori, eia ita mori, ari ga gomai, Eia a vagaga ri ra keriria." ⁹ Eau e Jioni, e tua mutou ari pou tomie mutou mae titamire Iesu. Mutou me Eau ga borea Mausaka ra mea tsiva ra ra oio a aigogoru te pago oiro te Iesu, - Eau pou oio a Aelani e Patimosi tera ri kikesia pepere ra te pato mea geremuri re Iesu. ¹⁰ Karuru Tabu gomai tegaku oio a rogo te Taro Keriria, Eau no a mae a tsirari ra mae a biugeli vamuri tegaku. ¹¹ veivei vera, "Kikesia arowa eme ino a oiro a Tava ra kirikesi e re, mago sovea soio te gitou e vararua ra mautu ra kiraka sagaporo irua-- oio e Efesusi, Smena, Pergamum, Taiataira, Sardisi, Feladelfia me Laodesia." ¹² Eau vuro maei vera ga inoe ere tsi pepere a gaku ei, oio are eau vuro eau ino a Miragara tsiraurau ra mama ga ra sagaporo-irua oio Magiri. ¹³ Kabiri a miragara tsiraurau na mamaga ra o eita magiri mae rature Taro, tovoa tovorobo ita maraurau vau gotaro igo roboa vara, te eia kisia retsi ra goulu vaiviria gegera. ¹⁴ Autora ma aivura pakakea vau---maea wulu mae a karu --- a mata ra o maea karamea ra avio. ¹⁵ A vara kakari vau mae avi ari karamea o, ge a goru ra o tari mae a tsirarira nanu ari orei oroei gomai vaikapopo tomio. ¹⁶ Eia sautorea tsimugo sagaporo irua oio a rimara e piri gata ge a bae natsi ari mata vau oio tomia gare irua o gogara oio a are ra ge a nagura o mamaga vau maea aro ari paga kenasi vau o. ¹⁷ Eau ino e eia te eau paru sotaro agavi a vara mae a taro peo. Eia tau a rimarae pirigata oata tega ku te eio vei maei, gamma mautau. Eau a siroke me a karuvu ra, ¹⁸ me a mauri ra, Eau ga peo aramori ina, Eau a mauri ra ari pou mori mae o! A ki ra pireo tomi ta ato-tsibo ari koko ra tera tabuei. ¹⁹ Tsimae eme ga kikesi torea arowa eme ino a, a rowa gari igoei, me a arowa ga gari tara vamuria arei. ²⁰ Mae are eme ino a arowa taukovu mae a tsimugo sagaporo-irua (7) oio a rimara e piri gata mea miraga ra tsiraurau ra mamaga ra sagaporo irua o a masovara tsi maei, Atsimugo ari sagaporo irua o te engeli ari sagaporo irua tsi tegitou a ruma ra kiraka sagaporo irua o, ge a miragara tsirauraura mamaga ra o ta ruma ra kiraka sagaporo irua o."