¹ Ravai ra o Pago pepere savevere are tutubu gatou oio te tau aro ra vano parara ra oiro a garu paipai. ² Aramori igo ei, Eia pe=epere a gatou oio te e Ratu ra, are eia vurobo e eia te ra ri muge a totsibo kaka ra. Oiro mori teta ra te Pago taua atotosibo kaka ra. ³ Eia ta miraga ra vagagari ra te Pago, Ea mori te Pago. A vagagari ra oio a pepere ra teta ra ta a totsibo kaka ra gari ira vagagari ra pepere ra. Vamuria ri ge eia ga vui ma age vararua ira tavovuro ari bunu te gitou o, eia ga oio pou to oio a rima re Tamara oio e pirigata mae kingi ra totsibo kaka ra. ⁴ Eia pou oata rou oio te gitou e engeli te tama ra abia rei a aisa ari a vagagari ra oata rou oio a aisere engeli nau o. ⁵ Ire engeli nau o ita e Pago gamma veivei vere, "Eme e Ratugu, "Igo ei Eau ga e Tamamu"? O engeli ita e Pago gamma veivei vere, "Eau ga e Tamamu, ge eia ga e Ratugu"? ⁶ Ge aramori, oio are e Pago bae Ratura aposaragu a tama re sotaro a magasai, te Eia veivere, "Engeli kaka ra ga rubu robo tavue eia." ⁷ Oio te gitou e engeli eia vei vere, "Eia mori ta taro ari ga vuro e engeli teta ra ga mae a aipu o vure re taro, ge gitou e vararua ra aigo goru tetara ga mae a karame a ra avi." ⁸ Ge oio te Ratura atamare, eia vere, "Eme e Pago, a Taro kerira ari ga pou oio a purou rou neneki tame, A kokora ra purorou ta mautu kerira oio a purourou tame o. ⁹ Eme ga masage a tavovuro mori ari kokora ge eme ga sinau ira tavovuro bunu. E Pago mori, e Pago taume, ga vaibaravae me ra risigitaro a aoeli oata taume ga e me ga a momogera ga kerira vau oata te teitamimu e teitamimu ga ouka." ¹⁰ Oio a siroko ra, Taro kerira, eme tsi taua tabu ei, oio a rimamu eme tau a mautu ra maroka ra ma atotsibo ari oio vora o. ¹¹ A totsibo nau ei ga karuvu, ge eme ga pou mori mae o. E gitou ga masire momo mae a matete ra aurarava ari mamuga o. ¹² Eme ga vivie gitou ma e a airarava ari maraurau o ge e gitou ga gari ma e a airara va ari pakakea maraurau o. Ge eme tsi ga pou mori mae o eme gamma ga vuro, a ¹³ Aramori oio te gitou e engelio te engeli ari mavei te Pago veia areia oio a rogo ita vera, "Pou oio a rimague piri gata kara oio are Eau ga vaigotaro e taua ro ari bubunu e eme o ga pou otaro a auruvamu," ? Ouka vau. ¹⁴ Gamma ga a karuru re engeli kaka ra ari igo gougoru, tomie gitari goio terari bomumurie gitou e vararu a ari abi ta mauri ra o?