¹ Pol, e aposeli tere Iesu Karaesi oro io amasagara te Pago, soio te vararua anemekira le PAgo oio e Epheso, ari tautau rairo soio te IEsu Karaesi. ² Momogera soio laume toma mauria oroio te Pago tama gatou tamie Iesu Karaesi. ³ Mae Pago tomie tamare Iesu Karaesi ga vaisare, eari veimaurie tatou tomia veimaurira tera karuru tau cioa mautu a maro Kara te Iesu. ⁴ Pago turie tatou oroio tetava otaroa vura totsibo ra magasai, tsi mae tatou ga matata gama ioigoa tavovuro ari bunu oioa anoinora tetara tomia masagara. ⁵ Pago tautau rairo ire tatou ire ratura mori ita Iesu Karaesi, soio a neinekira mea momogera Sagegera tetara. ⁶ Tatou e ratura taro ita mori oio a vura vai sarera ra tsi rogo ra kiraka tsi mae eia abi bunau agatou are eia masageao. ⁷ Ire Iesu Karaesi mori te tatou maurira oroia a kasosora tai sabubu gareia a tavo vuro ra rigo io bunau aba teita, tsitsiria totsibo komuko ra Kiraka tetara. ⁸ Eia vaigari roua Kiraka tetara somai tegatou tomia gabutarara kokora mea gabutarara. ⁹ Pago igo tatou gama rovia totsibo sari-i oioa masagara tetara, soio atsibo ari igo momoge eia, tomia tsibo ari eia igo matagagea soio te Iesu, ¹⁰ tomia tsibo ari tatou inoa soioa tsirauraura aigogoru ra rogo, terari abia tsibo kakara gomai tomi, totsibo ari oata marokara tomi ari otaroa magasa, otaro autora ita mori, te Iesu. ¹¹ Oio te Karaesi tatou abia tsibo oroio te gitari peo, maeari tautaurairo soioa tsiraurau tetara eari igoa aigogoru kakara soio a vura masagara tetara. ¹² Pago turie tatou mae gitari bomuria paga ira mae tatou ga, te gitari mugea gabutarara oio te Iesu, tsi terari vaisare oioa tsi rogo. ¹³ Oio te Iesu, eme tai, arige eme noa apeperera ira seserera, vanera surira tauma. Tautau rairora taumesoio tetara ga peivoru eme tomia vei seserera kaururu tabu. ¹⁴ Erei tsi veisesere tatou ira airabi kara surira mae are tatou oei vorai, soio a vaisarera tomia Kiraka. ¹⁵ Ira vura rei, soio to are eau noa tautau rairora taume oiro te Iesu Karaesi tomia masagara soio te vararua te Pago. ¹⁶ Eau gama karuvu irari vei neineki soio te Pago ire eme ire eau kaka tautavu eme oioa kiraka tegaku. ¹⁷ Eau kaka mae Pago tegatou te Iesu Karaesi, te Tamara a tsirogo, ga abia aume a karuru ra gabutarara kokora tomia ainoinora ciroa gabutararaire eia. ¹⁸ Eau kaka vera matamu ra atemu ga baia aume a mata gagara tauwaro, ire eme ga rovia gabutarara soio ari eia tora ire eme ira totsibo komukora tsi rogora mea airabi kabiri tegitou e vararua te Pago. ¹⁹ Oio kiraka tegaku eau tagia mae eme ga rovia neinekira tawarara vagagarira tetara somai tegatou ari tautaurairo, soio a aigogovura vagagarira tomia gabu murira tetara. ²⁰ Arei ta vagaga rira ita mori are eia igoa aigogoru ioro te Iesu oio arogo are eia apuritsi oroio apireo vaipou eia oioa piritaga oata mautura marokara. ²¹ Eia vaipou e Iesu abua oata apeperera tomia vagagarira mea aigogoru tomia apeperera ari oata matomo, tomia aisa kakara ari teiao. Iesu ga mugea, gama oiei mori arei, ouka oio tai arogo ari go imai. ²² Pago pepere tomia totsibo ari otaroa vare Iesu matsi abie eia soio a ruma ra vaisarera iraga mugea tsibo kakara. ²³ A ruma ra vaisarera ta vovora, a vaivorura tetara tari vaivorua atsibo kakarao.