¹ Sa vodo ko koya ki waqa ka lako ki na tabana kadua ni wai me yaco kina koro. ² Ka raica sa kau yani vei ko koya e dua a tamata sa tauvi paralasi, ka sa koto no i na dua ai mocemoce. Ni sa raica ko Jisu a odra vakabauta, sa kaya kina tauvi paralasi, na luvequ, mo vakacegu sa bokoci a omu i valavala ca. ³ Ka raica, eso a vunivola sa kaya e lomadra, a ona iei sa vosa vakacacatakina a Kalou. ⁴ Sa kila a odratou nanuma ko Jisu ka kaya, a cava dou sa nanuma ca kina e lomamudou? ⁵ A cava e rawarawa vei i ko me ko kaya, sa bokoci a omu i valavala ca, se me daya, mo tucake ka lako. ⁶ Ia, me kemudou kila kina ni sa rawata a luve ni tamata e vuravura me bokoca ai valavala ca. Sa qai kaya ko koyo kina tauvi paralasi, mo tu cake, ka kauta a omu i mocemoce ka lako kina omu vale. ⁷ Sa tu cake ko koya ka lako kina ona vale. ⁸ Ia, ni ra sa boka ko ira a lewe levu, era sa vakarokorokotakina a Kalou, ni sa solia ko koya a kaukauwa voi ira a tamata. ⁹ Sa lako laivi mai na vanua mai ei ko Jisu, sa boka e dua a tamata a yacana ko Maciu, sa jiko ina vale ni soli vakacavacava, sa kaya kina, muri au, sa tacake ko koya ka muri Jisu. ¹⁰ Ia ni sa kana jiko mai vale ko koya, raica sa lewe lovu a kumuna ai vakacavacava kei ira a tamata i valavala ca, era sa lako mai ka jiko me kana vata kei Jisu kei ira a ona tisaipeli. ¹¹ Ia ni ra sa boka ko ira a Farisi, era sa kaya vei ira a ona tisaipeli, a cava era sa kona vata kina a omudou i vakavuvuli kei ira a tamata i valavala ca. ¹² Ni sa qai rogoca ko Jisu sa kaya vei ira, sa tawa yaga a vuniwai vei ira sa bula vinaka vei ira ga sa baca. ¹³ Ia dou laki vulica ai balebale ni vosa kaiei. "Au sa vakabauta a yalo loloma." ¹⁴ Sa qai lako mai vei Jisu ko ira a tisaipeli ka kaya, a kava sa lolo vakalevu kina koi keimami kei ira a Farisii, ia a omu tisaipeli era sa tawa lolo? ¹⁵ Sa kaya vei ira ko Jisu, era sa tagi rawa li a weka ni Tagane sa qai vakawaji ni sa jiko vata kei ira a tagane sa qai vakawaji? E na jiko a gauna e na kau laivi kina vei ira a tagane sa qai vakawaji, ka'a na qai lolo. ¹⁶ Ia, sa tawa dua a tamata sa cula vata a jiki ni sulu vou kei nai sulu makawa ni na dresuka ga ai sulu a jikina sa bono kina, ka sa qai kadresu vakalevu kina. ¹⁷ E segabau talega e dua sa taloca a weini vou kina tavaya kuli ni manumanu makawa, da ka kacapote a tavaya, ka tasova yani a waini, ka sa ca a taraya. Ia era sa vakataloca a waini vou kina tavya vou, ka sa maroroi ruarua kina. ¹⁸ Ni sa kaya jiko vei ira a meca kaiei ko koya, raica sa dua a turaga sa lako mai ka cuva kina ka kaya, sa qai mate a luvequ yalewa, mo lako ga mai ka tabaki ko koya e na ligamu sa na bula. ¹⁹ Sa qai lako ko Jisu ka muri ko koya kei rau talega a ona tisaipeli. ²⁰ Ka raica, sa dua a yalewa sa turuvidra balavu ka yabaki jinikarua, sa lako mai dakuna ka taura a bele ni ona i sulu. ²¹ Ka sa vosavosa i yalona ka kaya, "Kevaka walega au na tara a tutu ni ona i sulu, au na vakabulai." ²² Sa qai vuki ko Jisu ka raici ko koya, ka kaya, "luvequ, vakaukauwa; sa vakabulai iko a omu vakabauta." Ka sa vakabulai a yalewa ina auwa maiei. ²³ Ni sa lako mai ko Jisu ki na ona vale a i liuliu, ka sa raici ira a dau uvu i vakatagi kei ira a lewe levu ka ra mamake jiko. ²⁴ Sa kaya vei ira, "nu lako yawa, e tawa mate a gone yalewa, e moce ga." e ra sa qai dredre vakini ko i koya, ka manukitakina. ²⁵ Ni ra sa lako ki tuba a lewe vuqa, sa curu yani kina rumu ka taura a ligana, ka sa mata cake a gone yalewa. ²⁶ Sa qai rogovaki yani ki na vanua maiei a ona i tukutuku. ²⁷ Ni sa takoso mai na vanua maiei ko Jisu, rau sa muri ko i koya e rua a mataboko. Rau sa qai kaci jiko mai ka kaya, "ina luvei Tevita, nu lomani keirau mada!" ²⁸ Ni sa yaca mai ko Jisu ki vale, rau sa lako sara yani kina a tagane mataboko. Sa qai kaya vei rau, "Drau vakadjinata niu rawa ni valata iei?" Rau sa qai kaya kina, "Io, Turaga." ²⁹ Sa qai tara na matadrau ka kaya, "me yaco vei kemudrau me vaka ga a omudrau vakabauta," ³⁰ sa qai rai a matadrau. Sa qai vakaroji rau matua sara ko Jisu ka kaya, "Raica me kakua sara ni dua e kila a meca iei." ³¹ Ia e rau sa lako a tagane ka vakatetea ai tukutuku kina vanua maiei. ³² Ina e rau sa lako yawa yani kina a tagane, raica sa kau mai vei Jisu e dua a tamata curumi jimoni. ³³ Ina gauna sa wacarai kina a jimoni, sa vosa sara, a tamata galu. E na sa qoroqoro a tamata ka kaya, "Kaiei e sebera vakadua ni bau laubo i Isireli!" ³⁴ Ia ko ira a Farisi e ra kaya, "sa vakawacarai ira a jimoni ina kaukauwa ga ni odra tui a jimoni." ³⁵ Sa qai lako yani ko Jisu kina vei koro lelevu taucoko kei na vei koro lalai talega. Ka vakuria a ona veivakavulici i na veivale ni soro, ka vunautakina a kosipeli ni matanitu ni Kalou, ka veivakabulai ina vei baca taucoko kei mate taka. ³⁶ Ni sa boki ira a lewe vuqa, sa lomani ira, ni ra sa vakaleqai ka yalolailai. Era sa vaka a sipi ka tawa dua a odra i vakatawa. ³⁷ Sa kaya vei ira a ona tisaipeli, "sa levu a meca me tamusuki, ia sa lewe lailai a tamata cakacaka. ³⁸ Ko i koya maiei, me kemudou masuji ko i boya a i taucei ni were me talai ira yani a tamata cakacaka me ra lai tatamusuki ina were.