¹ Ia ko Saula so kaya jiko a vosa ni veivakarerei kei na veivakamatei vei ira a tisaipeli ni Turaga, ka sa lako vua a bete levu. ² Ka sa taroga vua a i vola ki Tamasiko, kina veivale ni lotu, kevaka e boka e so era sa muria ai valavala koa, se ra tagane se ra yalewa, me vesuki ira ka kauji ira ki Jerusalemi. ³ Ia ni lakotu, ka voleka ki Tamasiko, a sa kila vakavoliviliji koya vakasauri e dua a rarama mai lomalogi. ⁴ Ka sa bale sobu kina qele ka rogoca e dua a domo ni sa kacivi, I Saula, I Saula, ko sa vaka cacanu au ena vuku ni cava? ⁵ A sa kaya ko Saula, o cei ko iko, na Turaga? A sa kaya na Turaga, "Ko'a au ko Jisu ko koya ko sa vakacacana . ⁶ Ia mo cavutu ka lako kina koro, ka na kai mai vei iko a meca me ko valata. ⁷ Ia ko ira a tamata era lako vata kei Saula, era sa tu ga ka tawa kaya rawa e dua meca, a ra sa rogoca walega a domo, ka tawa raica e dua. ⁸ Ia ni sa tucake ko Paula, me dolava a matana me rai, a sa tawa raica rawa e dua a meca: a ra sa tuberi koya ka kauta ki Tamasiko. ⁹ A sa siga tolu, sa tawa rai rawa, ko tawa kana se unu. ¹⁰ A sa dua a tisaipeli mai Tamasiko ko Anaiasa a yacana. A sa kaya vei koya a Turaga i na raivotu, i Ananaiasa, a sa kaya ko koya, raica koi au Turaga. ¹¹ A sa kaya vei koya a Turaga, mo cavu tu ka lako kina wakolo ka yacona ko bodonu, ka Turaga a kai Tarisu ko Saula a yacana: sajiko i na vale i Jutasa ka masu jiko. ¹² A sa raica ena raivotu e dua a tamata ko Ananaiasa a yacana, ni sa lako mai ka tabaki koya i na ligana me rai rawa ko koya. ¹³ Sa qai kaya ko Ananaiasa, kemunu a Turaga sa levu a meca au sa rogoca me baleta a tamata iei, a levu ni meca ca sa valata vei ira a tamata yalosavasava mai Jerusalemi. ¹⁴ Ko ira a bete levu era sa solia vei koya a veivakadonui mo vesuki ira taucoko a tamata era masuta a yacamuni. ¹⁵ Ia a Turaga sa kaya vua, mo cavutu, mo lako ga, a tamata iei au sa jigitakini koya, me kauta a yacaqu kina matadra a veimatanitu tani, kei ira a tui eso, kei ira a luve i Isireli. ¹⁶ Au na vakaraitakina vei koya a levu ni me ca rarawa e na vosota ena yacaqu. ¹⁷ A sa lako ko Ananiaiasa ka curu ki vale, a sa tabki koya i na ligana kaya, na nekaqu, Saula, na Turaga ko Jisu, ko koya ka rairai vei iko e na wakolo ni ko lako jiko mai, sa talai au mai mo rai rawa, ka mo vakasinaiji talega ina Yalo Tabu. ¹⁸ E vakasauri sa lutu tani mai na matana e dua a meca e vaka a vari ni ika, ka sa rai rawa sara ko koya, a sa tucake ka papitaisotaki. ¹⁹ Ia ni sa kana oji sa kaukauwa mai. A sa jiko ko koya siga vica kei ira era sa lotu mai Tamasiko. ²⁰ A sa vunautakini Jisu i na veivale ni lotu ni sa luve ni Kalou ko koya. ²¹ Ko ira taucoko era rogoci koya era sa kurabui ka kaya, "E sega beka ni ko koya a tamata iei ka vakacacani ira era era sa masuta a yaca iei mai Jerusalemi? ²² Ia ko Saula sa yaco me kaukauwa cake mai, a sa vakayaloqaqatakini ira a jiu era sa jiko mai Tamasiko, ni sa vakajinajinatakini Kisu ni sa Karisito ko koya iei. ²³ Ia ni oji e vica a siga era sa bosea vata ko ira a Jiu mera vakamatei koya. ²⁴ A odra buki vere sa kila ko Saula. A ra sa vakatawa a veimatamata ni koro e na siga kei na bogi mera vakamatei koya. ²⁵ Ia ko ira a ona tisaipeli era sa kauji koya ena boji ka tukuci koya sobu i na dua a sova ki daku ni bai. ²⁶ Ia ni sa yaco ko Jerusalemi ko Saula, sa vinakata me laki jiko vata kei ira sa lotu.Era sa rerevakini koya taucoko ka ra sega ni vakajinata ni sa lotu ko koya. ²⁷ Sa qai kauji koya ko Panapasa ki vei ira a i apositolo, ka kaya vei ira a ona raica a Turaga i na wakolo, ko koya sa vosa tale mai vei vua, kei na ona vunau dodou mai Tamasiko ina yaca i Jisu. ²⁸ A sa sotavi ira ko koya ni ra curu mai ka ra curu yani mai Jerusalemi. A sa vosa doudou ena yaca i Jisu ko koya. ²⁹ ka vosa ka veiba kei ira a Jiu kai Kirisi, ia era sagata ga mena vakamatei koya. ³⁰ Ia nira sa kila ko ira a veiwekani, era sa kauji koya ki Sisiria, ka vakatala yani ki Tarisu. ³¹ Sa qai vakacegu ka tarai cake a i soqosoqo lotu mai Jiutia taucolo, kei Kalili, kei Samaria. A ra sa vakatataki cake; ka sa dau odra i valavala mera rerevaka a Turaga ka sa vakacegui ira a Yalo Tabu, ka yaco ai soqosoqo lotu me tubu ka ra lewe levu mai. ³² Ia ni sa lakova a veiyasana taucoko ko Pita, sa lako sobu ki vei ira era sa olotu mai Lita. ³³ Ka boka kina e dua a tamata ko Inia a yacana ni sa koto tu ga ina ona i mocemoce ka yaboki walu ni sa tauvi koya a mate sautanini. ³⁴ A sa kaya ma ko Pita, Inia ko Jisu Karisito sa vakabulai iko. Mo tucake ka viviga a omu i mocemoce. A sa tucake sara ko koya. ³⁵ Ko ira taucoko era jiko mai Lita kei Sarona ni ra na raica a tamata, era sa saumaki mai vua Turaga. ³⁶ A sa jiko mai Jopa e dua sa lotu ko Tapaica a yacana, ka kena i balebale ko Tokasa. A sa sinai i na cakacaka vinaka kei na cakacaka loloma sa dau valata vei ira a dravudravua ko koya. ³⁷ A sa yaco me baca ko koya ka mani mate sara; ni ra sa vakasilimi koya oji, era sa vakatori koya ena dua ai taba loma ni vale a cake. ³⁸ Ni sa veivolekaji ga ko Lita kei Jopa: ara sa rogoca ko ira sa lotu ni sa jiko kina ko Pita, a ra sa tala e lewe rua a tamata vei koya me masuji koya me lako vakatotolo mai vei ira. ³⁹ A sa cavutu ko Pita ka lako vata kei rau. Ia ni sa yaco mai, era sa kauji koya ki na taba loma ni vale e cake. Ara sa tu voleka vua ko ira a yada taucoko ka tagi, ka vakaraitakina ai curucuru eso kei nai sulu sa cula ko Tokasa ni se bula vata kei ira. ⁴⁰ A sa vakatalai ira taucoko yani ko Pita, ka teniduru ka masu, ka sa vuki vaka kina yago ka koya, Tapaica, tucake. A sa dolava a matana ka raici Pita. Ia ni sa raici. Pita sa qai duri cake ko koya. ⁴¹ Sa qai dodoka vua a ligana ko Pita, ka tuberi koya cake. Sa qai kacivi ira era sa lotu kei ira a yada ka vakaraitaki koya vei ira ni sa bula. ⁴² A kai iei sa kilai mai Jopa taucoko ka lewe levu era yaco mera vakabauta a Turaga. ⁴³ A sa jiko siga vica tale ko Pita mai Jopa kei Saimoni a latai ni kuli ni manumanu.