¹ Ia ni rao se vosa jikaya vei ira a tamato ko Pita vata kei Joni, era sa lako mai vei rau ki vale ni soro ko ira a turaga ni vale ni soro, kei ira ai lawalawa i setoki. ² Era a burisi vakalevu a tamata boleta ni ra rogoci Pita vata kei Jisu ni rau vakatavuvulitakina ka vunautakina a tucake tale mai na mate i na vuku l Jisu. ³ Era a vesuki rau ka biuji ki na vale ni veivesu, mataka mada, ni sa qai yakavi. ⁴ Ia era lewe levu a tamata era rogoca ai tukutuku era vakabauta ka sa raka vakaikuri taki a kedra i wiliwili, a tagane sa le lina beka a udolu. ⁵ Ia ni sa mataka mai era sa soqoni vata mai ki Jerusalemi ko ira a odra turago, kei ira a qase, kei ira a vunivola. ⁶ Kei Anasa a bete levu, kei Kaiafa, kei Joni, kei Alekisada, kei ira taucoko a mataqali ni bete levu. ⁷ Ia ni ra sa vakaturi Pita kei Joni i na kedra maliwa, era sa taroga, "A kaukauwa cava se na yaca i iei, drau sa valata kina a meca i ei?" ⁸ A sa vakasinaiti ko Pita i na Yalo Tabu ka kaya vei ira. Oi kemunu a odra turaga a tamata, kei na odra qase a Isireli. ⁹ Kera ka keirau sa tarogi i na siga nikua i na cakacaka vinaka sa vala vua a tamata lokiloki, se cava sa qai bula kina? ¹⁰ Me kilai vei kemuni taucoko kei ira taucoko a Isireli, ni yaco i Jisu Karisito, o koya ni a vakota kina kauveilatai, ka sa vakaturi koya cake tale mai na mate a Kalou, sa rawa kina vua na tamata iei me wavu tu e matamuni ka bulabula vinaka. ¹¹ Ko Jisu Karisito a vatu kemunu a cata sara a matai ni vale, koa sa yaco sara me kena i vaka dei a yavu i na tutu ni vale. ¹² Sa segabau a bula ina vukuna e dua tani: ni sa sega sara ni dua tale a yaca i na ruku i lomalagi sa soli kivei ira a tamata, meta bula rawa kina. ¹³ Ia nira sa raica a odrau doudou ko Pita kei Joni, ni ra kila talega ni rau sa sega so ni tamata ruku se vuli, era sa kurabui kina; a ra sa qai vakasovi rau ni rau sa dau jiko vata kei Jisu. ¹⁴ Nira sa raica a tamata sa qai vakabulai ni sa yavu vata tu kei rau, ara sa sega ni vaka jijiqatakina rawa. ¹⁵ Ia ni sa oji a odra vakatalai rau yani ai apositolo me rau biuta a vale ni bose, era so qai soqoni vata mai mera bose. ¹⁶ Era sa kaya, A cava eta na valata vei rau a tamata iei? Nira sa kila ko ira taucoko sa jiko i Jerusalemi, ni sa dua a cakacaka mana rogo erau sa valata; ia eta so sega ni vakajijiqatakina rawa. ¹⁷ Me rawa ni tarovi a kena tete yani vei ira tale e levu a tamata, meta vakaroji rau ni rau na burisitaki ke vaka e rau vakatavuvuli tale vua e dua a tamata ina yaca iei. ¹⁸ Ara sa kaoivi Pita kei Joni ka vakaroji rau me rau kakua tale ni vosa se vakavuvuli ina yaca i Jisu. ¹⁹ A rau sa qai vosa ko Pita kei Joni ka kaya vei ira, mo ni lewa ga se sa dodonu se segai ina mata ni Kalou me keirau vakarorogo vei kemuni ka kua vua Kalou: ²⁰ Ni sa dredre vei keirau me keirau kakua ni kaya a meca keirau a raica ka rogoca. ²¹ Ia nira sa tawa boko rawa e dua a meca me rau burisitaki kina, era sa qai vosa vakaburiburisi tale vei rau, Ara sa qai sereki Pita kei Joni me rau lako ina vukudra a tamata ni ra sa vakarokorokotakina a Kalou ko ira taucoko i na vuku ni meca sa qai vala. ²² Ia a tamata sa vala vei koya a cakacaka mana iei ka bula kina, sa vakasagavulu ka mani vakacaca a ona yabaki. ²³ Ia ni rau sa sereki ko Pita kei Joni, a rau sa lako vei ira a odrau a lawalawa ka kaya a meca taucoko era a kaya vei rau ko ira bete levu kei ira a qase. ²⁴ Ia nira sa rogoca era sa tabalakina cake vata a domodra vua a Kalou ka kaya, kemunu a Turaga, Kemunu a Kalou, ko ni a buli lomolagi kei vuravura, kei na waitui, kei na meca taucoko sa tu kina. ²⁵ Kemunu a vosa i na Yalo Tabu ina gusu i Tevita a omunu tamata ka kaya, Sa dau buriburisi a veimatanitu tani ena vuki ni cava, ka sa vakananuma a ko ivole ko ira a lewe ni veivanua? ²⁶ Era sa tuvai valu a tui ni vuravura, Ara sa soqoni vata a turaga Mera veivala kei Jiova kei na ona Karisito. ²⁷ Ko i rau ko Eroti kei Ponitio Pailato kei ira a veimatanitu tani, kei ira a Isireli, era sa soqoni vata i na Koro i ei mera veivala kaya a luvemunu yalosavasava ko Jisu, ko kaya ko ni a lumuta. ²⁸ Era sa soqoni vata mai mera mai valata a meca ko ni a lesia tu mai mada me vala, me vaka a omunu kaukauwa kei na omunu i naki. ²⁹ Ia, iei kemunu a Turaga, mo ni raica, a odra vosa vakaburiburisi, ka solia vei ira a omu i talatala, mera doudou vakalevu nira vosatakina a omunu vosa. ³⁰ Mo ni dodoka jiko a ligamunu ka ia a veivakabulai, me vala talega a veivakatakilakila eso kei na meca e veivakarabuitaki i na yaca ni luvemunu yalosavasava ko Jisu. ³¹ Ia nira sa masu oui, sa vakayavalaji a vale era sa soqoni vata kina: ara sa dui vakasinaiji taucoko i na Yalo Tabu, ara sa doudou kina mera tukuna a vosa ni Kalou. ³² Ia ko ira a lewe levu era sa vakabauta, era sa lomavata ka yalovata; a sa segabau e dua e kaya me ona duadua ga meca sa tu vua, ara sa taukena vata a ona i yau yadua. ³³ A sa levu a odra kaukauwa ai apositolo ni ra sa kaya sa tucake tale mai na mate a Turaga ko Jisu, a sa vinakaji vakalevu ko ira taucoko. ³⁴ Ni sa sega e dua vei ira me dravudravua ko ira taucoko era sa taukena a vanua se na veivale, era sa volitakina, ara sa kauta mai a i voli ka era sa voli volitakina. ³⁵ A ra sa tovuca kina yavadra a i apositolo: a so vetai vei ira taucoko me vaka a odra dui dravudravua. ³⁶ Ko Josefa, a livai, a kai Saipurusi: O koya era vakayacana ai apositolo ko Panapasa - (a kenai balebale, a gone ni vakacegu). ³⁷ A sa volitakina a ona jiki ni vanua ka kauta mai a kena; lavo ko mai biuta e yavadra ai apositolo.