¹ Koi au ko Paula, nai apositolo i Jisu Karisito ena lewa ni Kalou, kei Timoci na wekaqu, ki vei ira ai soqosoqo lewe ni lotu ni Kalou mai Korinica, kei ira taucoko ga era sa lotu mai Akaia Taucoko. ² Me omudou a loloma kei na vakacegu mai vua a Kalou ko Tamada, kei na Turaga ko Jisu Karisito. ³ Me vakavinavinakataki a Kalou, ko koya a Tama ni weta Turaga ko Jisu Karisito, a Tama ni loloma kei na Kalou ni veivakacegui taucoko ga; ⁴ Ko koya ka vakacegui keitou ena weitou rarawa taucokoga, me keitou vakacegui ira rawa era sa rarawa e na dua a meca. E na veivakacegui keitou sa vakacegui kina mai vua a Kalou. ⁵ Ia me vaka sa yaco vakalevu sara vei keitou a rarawa ena vuku i Karisito sa vakacegui keitou vakalevu sara vakakina a Karisito. ⁶ Ia Kevaka keitou sa vakararawataki, sa ka me kemudou. Vakacegui kina ka vakabulai, ka sa yaco kaiei ni dou a vosota talega a vei ka rarawa keitou sa vakararawataki kina; se keitou vakacegui, sa ka me kemudou vakacegui kina ka vakabulai. ⁷ Ia sa tu dei a weitou muitakini kemudou, ni Keitou sa kila, dou sa votai e na veivakararawataki, dou na votai talega ena veivakacegui. ⁸ Ni keitou sa tawa vinakata, a veiwekani, me kemudou lecacva a weitou rarawa ka yaco vei keitou mai Esia, ni keitou sa bitaki vakalevu sara sa dredre kina a vosota, ka keitou sa sega ni djinata ni keitou na bula. ⁹ Ia keitou sa vaka ni keitou sa lewai me keitou mate, me keitou kakua ni vakararavi kina vei keitou. Vua ga a Kalou ko koya ka vakaturi ira cake tale a mate. ¹⁰ Ko koya ka vakabulai keitou mai na mate lovu maiei ka na vakabula jiko ga: Ko koya talega keitou sa vakararavi kina ni na vakabula jikoga. ¹¹ Ni dou veivuke talega ena masulakini keitou, me lewe levu kina era vakavinavina ka ena vuku i keitou, ena vuku ni ka sa soli vei keitou ena vukudra a lewe levu. ¹² Ia kaiei a meca kaitou a reki kina, nai tukutuku ni weitou lewe e loma, ni sa ia a weitou i valavala e vuravura i ei e na loma e dua buluga. Kei na loma jdina vua a Kalou, ka vaka levu sava vei Kemudou sa segai ena vuku vakavuravura ena loloma ga ni Kalou. ¹³ Ni sa segabau a meca tani keitou sa vola vei Keimudou. Kai qoya ga dou sa wili ka se tkila; ia ka'u sa vakadjinata dou na kila ka yacova na i vakataojioji. ¹⁴ me vaka a omudou kilai keitou ga ena vei meca kaaso; ni keitou sa omudou me kemudou veki kina, me vaka dou sa weitou ka ni veki tale ga, e na siga ni Turagako Jisu. ¹⁵ Ia ni ka'u a vakajdinata iei kau a nanuma me'u lako ki mada vei kemu dou , me yaco kina vakavua vei keimudou ai solisoli loloma. ¹⁶ Ka me'u qai laivi keimudou ka lako ki Masitonia ka lesu tale mai Masitonia vei kemudou, me kemudou kauji au ena qou lako vakaiei ki Jutia. ¹⁷ Ia ka'u a nanuma me vakaiei, au sa qai lomalomarua kina se sega? se na meca ka'u sa nakita, au sa nakita vakavuravura beka, me tu kina vei au na io io, kei na sega sega? ¹⁸ Ia me vaka a on a djina a Kalou , sa vakakina sa sega ni io ka sega ni sega a weitou vosa vei kemudou. ¹⁹ Ni sa sega ni io kasega ni sega a weitou vunautaka vei keimudou a Luve ni Kalou, ko Jisu Karisito, oi keitou kei Silivenuse kei Timoci, ka sa valata ga ko koya me io: ²⁰ ni sa io a vosa ni yalayala taucokoga ni Kalou ena vukuna, me vakacaucautaki a Kalou ena vuku i keitou. ²¹ Ia sai ko koya a Kalou sa vakataudeitaki keitou kei kemudou me keta tu vata kei Karisito, ka sa lumuji keta. ²² Ko koya talega sa dregaji keta, ka sa solia ki na lomada a Yalo Tabu me kenai Sevu. ²³ Ia ka'u sa kaciva a Kalou me lewa a yaloqu kevaka ka'u sega ni djina, ni a qou lomani kemudou ga ka'u sa vakaberaberatakina kina a qou lako ki Korinica. ²⁴ Sa segai ni keitou a veitaliataka a omudou vakabauta, keitoiu sa veivuke ga ena omudou reki : ni dou sa tu dei ga e na vakabauta.