¹ Iesua ua a'a aramiki ei voana u akapu upai 'inue. Ua pava liri ave lekomere, u aivara iki oro ena oie. ² U ani aue omoro 'ipa ekei, ou kurua, ³ Onomo'e rurupu a'a oro ima omu 'ei'ei u koia pairi'i imei a'i ⁴ Umu vepea iki oro ima, oro paieka vaka. ⁵ Kekepa iki oro ima, oro ei kae upa miaka. ⁶ Anana aia nemu navai mo kamuri lavere lia a'a oro, evopoa eiaka. ⁷ Umu arau miki a'a ori, umu aru mia ekuaka. ⁸ Umu akuru a'a oro ima, oro Eloi oiaka. ⁹ Airu kaika iki oro ima, Eloi u, u ukua laeia erauak'a. ¹⁰ Anana aiai oka kani kani enu'a iki oro ima, omu 'ei 'ei kaia pairi'i imeiai. ¹¹ A'a u ima, anana aiai, voa lipi lipi mo oka kani kani mo vou 'e'e 'e'e namea pei ai ai, 'euae 'e voa okia a'a. ¹² Kopai ovara miki lii kuku ni umu pei ovara miaka Ime'ia, ei oprai 'i ene paku mere rokoe peroveta a'a oroko, oka kani kani mie. ¹³ Ni soro ei kae upai ai soro ua u mera eria liane, oi peia ane ama okama'o u mera mo oko evere 'eai? U ima mo eria, ai kaea ere ai'a oini ai a'a nu aria. ¹⁴ Ni parea ei kae upai. Akapu upai pokoi'a pairi ovara uama vauki aka'a pea. ¹⁵ Ai li a'a oro lamepa i'au ai'aia vo'o a aruaiai ama aike, o lamepa pa'okake iki, ai u marea a'a uririau parea. ¹⁶ Ni parea ekere moki a'a nu paku'i uku oro ni parea ima mo ni mai imeiai kepuoi ako'a. ¹⁷ Naia vupu 'uavai onea lae pa koravai, o peroveta iki, na 'uavai ma 'ane pea ai miki eai. ¹⁸ Miki miki naia kurua voa paru mukui mo kae upa u ena liviai eria liaka. Mau mo a monu mo miki miki ama eria liaka'a pea, vupu mere ema liviai pei urivia na eria liane. ¹⁹ Ou ei ai ekeia a'a na vupu ma'u miki vake ama vepe 'e oi liaka a'a liai ama ipa ekima kei'i ;ou a'a u a'a ovara kovia pairi imeia'i.. ²⁰ Naia kurua ni anano ua evopoa liaia pi ape liane-kikiria ipa iki mo parise iki, e'epe ape liane. Ni ama ikiri oka'a pea kaia pairi imeiai. ²¹ Ni ou virie pinai airunu pani'i oroa ekie, ekeia a'a ua a'a 'a 'e, u lipi'i enavaka'a voa veve'eai. ²² Ai naia kurua, ekeia a'a u lae lari u ovake mo aira vake ane au, u lipi'i voa ve ve eca'i, ekei a'a ua u ovake mo airake 'ei voama eki'i, ni miki eria a'a, u lipi'i oi aka voa veve'ea a'a'u, mo ekeia a'a ua ni lavava voa ama kurui u lipi laru ai iau'i i'au pairi'i. ²³ Ou ai ou'i rua vu umu pei ama ai'i epia pei pakarai mo oura nia ni ovake airavake lae ama kora oi'i, u pei mo ni ae, ²⁴ ni umupei epia pei pakarai ave'e. Ena pivua ou pei anana kama ni ovake o airavake aue, ai leko mere ou umu pei ai. ²⁵ Ima ovi ai ni vaa nikia a'a ane ema mikia mo uone vou veve 'eai ena livai o ni voa veve'e nimia a'a u voa veve'ea a'a anu eve'e oi nimiaka'a mo voa veve'ea a'a u ovara iki nu eve'e ainimi aka'a ai oi lio tipura'i kae nimaka'a. ²⁶ Miki miki ni ama eremane ala'a pea, oura'a mere, ai nia ni ika moni ai ane mono'u. ²⁷ No ou virie pinai kurue, inamu inamu pa liai. ²⁸ Naia makia, ekei a'a ua a'e oi'aia lae lipi korane, u inumu inamu ou karikie, lae laru ai uane. ²⁹ Ni inamu miki mekaia lipi ima ainimi, 'ua aia kae, niau mere, u ima kape mako mo eria lia, ai ni kape uriria iau'i ama kae aka pea. ³⁰ Ni eve miki mekai u a lipi li ane, 'ei 'oua kae niau mere, u ima niau kape mako mo eria, a ni kape uriria u iau pairi'i ama kae aka pea. ³¹ U kuru keia ekei 'a'a ua u a'e ama ave 'e'e ou a'a u owea pepa mia oku moki. ³² Ai na ei voa kurua, ekei a'a ua u a'e ama ave'e'e ua inamu inamu liaiai, u inamu inamu a'e liaka. Ekei a'a nama mi'i 'ou a'e aveea roko ane, u inamu inamu o kaikie. ³³ Mo oko ni a virie, airu pwnu mere avea vou 'riae upa kuru ai, ni avea voa miaoku Eloi au. ³⁴ Ai naia kurua, avev omoro mo papa kuruai, imeia pouri'i no'e'e, uku u Eloi nu pakara. ³⁵ O kae upa nu no'e 'e, uku u Eloi nu ari pokora o Ierusalema nu no'e'e, uku u Amu'a ovara nu pairi ovara. ³⁶ O ni uku nu no'e'e, uku ni kimari uru moroa o urupu mono'u mo a kariki pea. ³⁷ Ai ni omora u e, e o ai, ai Ai pei mo u 'e'e poara ei pei mere, u onomo lipi au mere. ³⁸ Ni ou virie u kurue, inamu u inamu aiai, mo ni ire u ni'iri aiai. ³⁹ Naia kurua, a'a lipi vake pa la'a oiai, ai o'o ua ni variri amo vaki imi'i mekai oko ipoki. ⁴⁰ Ekei a'a ua niane voa veve'e ai ama lae li'i, mo ni tapua ama mi'i, ou a'a u ni tapua oko mi moki. ⁴¹ Ekei a ua 'ka ama monou ama enavai ma niki, oka ama pani leako ena. ⁴² Mia oku ekei aua nanuku li ane, mo ni pei mi ni mi ai li aka a'a leko pa oku ai. ⁴³ Ni ou virie u kurue, ni are kamu a'a umu oka mo ni mane a'a lari li. ⁴⁴ Ai naia kurua, ni mane a'a umu oka mo noki liei oka kani kani nikua iki. ⁴⁵ Uku noro nomu Mai nu ukua liaka u imei ai lare 'inamoki aka'a, lipi nu up ai mo ima, mo lai oiviri aka, ima mo lipi iki nu upai. ⁴⁶ Nia umunika'a iki umu eka ane oi umu pei ma mi ma'o? Li moni mia a'u u ei 'opara monu oma li ma'o. ⁴⁷ Nia ni ovake o airavake voa ima ama eka'e ni a'a varomo a'u oi ma li ma 'o? ⁴⁸ Oi aiai ni anana liai, uku ni Mai imeiai u anana.