¹ Au sa tataunai vive waqe vei emiau, a weada qa sa veiqaravino ena i soqosoqo lotu mai Kenikina. ² Miau ciqomi oya ina yaca ni Turaga, me tauvata a ena i valavala ve edra sa lotu. Miau qai vu ei oya ina vu'u ni vi'a sa gadrevia, qa ni sa dua a i toani re oya ve edra a le levu qa tauvata ina vei au. ³ Au sa loloma wage vei virisila ei Akuila o odra a oqu i toani re ina ca'aca'a i Jisu Karisito. ⁴ Qa di'u a bole a mate ina vu'uqu. Au sa vavinavinaa ve edrau, qa maqa ni io au taucua ga, edra sa vaninavinaa leqa ga ve edra o odra a lewe ni vei soqosoqo lotu tauco'o vei odra a veimatanitu tani. ⁵ Au sa loloma leqa ga ina i soqosoqo lotu edra sa dau soqoni no ina odaru vale. Au sa loloma waqw ve' ea a oqu i toani dredre a Avenito, o oya ai matai ni tamata me vabauti Karisito ena yasana o Esa. ⁶ Au sa loloma vei Meri, o oya sa ca'aca'a vakaukauwa sara no ina vuumiau. ⁷ Au sa loloma vei Adroniko ei Junia, o odru a weaqu Jiu eitou ma. Biu vata i va'eniveivesu; edru ilai odru vare a i apositolo qa dru ma lotu vaKarisito i mada ni bera oi au. ⁸ Au sa loloma waqe vei Abilia, a oqu i toani re ina vu'u ni Turaga. ⁹ Au loloma waqw vei urubeni a oqu i toani ena vu'u ni ca'aca'a ni Turaga, qa tauvata ina a oqu i toani re o Sateki. ¹⁰ Au sa loloma vei Epeli, o oya sa vadinadinatai a ona yalodina vei Karisito. Au sa loloma waqe re edra a lewe ni matavuvale i Arisitopulo. ¹¹ Au loloma waqe vei Erotiani e dua a oqu i toani Jiu, ei odra a oqu i toani vaKarisito ina vuvale i Narikiso. ¹² Au sa loloma wawe vei Taraivini ei Taraivosa, edru sa ca'aca'a ina ca'aca'a ni Turaga; ei na qou i toani o Perisi, o oya sa levu sara a ona ca'aca'a ina vu'u ni Turaga. ¹³ Au sa loloma leqa g'a vei Rufu, e dua a dau ca'aca'a yalodina ena ca'aca'ani Turaga, ei na tinana, o oya sa dau oati au me tauvata e dua a luvena. ¹⁴ Au loloma waqe vei Asinikirito, Felekoni, Erimi, Patinopa, Emasi ei odru. ¹⁵ Au loloma waqe vei Filoloko ei Tublia, vei Neresi eiraganene, vei Olimipia ei odra tauco'o a tamata lotu edra notu vata ei edrau. ¹⁶ Miau vei idavai vai emiau ena i regu savasava vaveitaomi. Edra sa loloma tauco'o tu waqe a veisoqosoqo lotu tauco'o i Karisito. ¹⁷ Au sa vamasuti emiau a veiweani mo miau qarauni emiau mai ve edra edra dau vavuna a veisei qa vacacana a odra vabauta a tamata; o odra edra dau Saqata a i vavuvuli o miau sa ciqoma oti. Miau tawasei emiau tani mai ve edra. ¹⁸ Ni o odra edra dau ca'ava a vila taucvata ana edra sa maqa ni qaravi Karisito no a oda Turaga, ia edra sa va alou ga ina odra ete. Edra sa vacalai odra a tamata yalododonu ina odra vosa re ei na vei cavilai. ¹⁹ Edra sa rogoca a tamata ece a omuau yalodina inai tu'utu'u re; oya a runa au sa eita'a no ina. A gutia mo ni yalomatua ena a re, qa yalowai ena a ca. ²⁰ Ia a Alou, a vu ni oda vacegu, ena butuqaqi Setani ena ni'u ni yavamuni. Me notu vata ei emudou a loloma savu ni oda Turaga O Jisu Karisito. ²¹ Sa loloma waqe vei emudou o Timoci, a oqu toani vaca'aca'a, qa va'a ma o odru a weaqu o Lusiu, ei Jesoni rata ei Sosipeta. ²² O au o Tentui, o oya a vola a ivola ai, au sa loloma waqe nei emudou. ²³ Sa loloma waqe o Kelo, o oya ma mai tio oqo vua qa dou qarau leqa ga na lotu ena ona vale. Oani sa loloma tu waqe o Erasito, dauniya'u ni oro ei na weada o Kuantu. ²⁴ Me notu vei emudou tauco'o sara a loloma savu ni oda Turaga o Jisu Karisito. Emini. ²⁵ Me da ralagilagia a Alou, Isa rawa vei eya me vadeitai emiau ena omuau vabauta, enaru'u ni tu'utu'u re qau sa runauta'a me baleti Jisu Karisito, ena wa ni ena sa qai va'atailai mai na a vuni dina sa tabonai tu ena dua a gauna balavu sava. ²⁶ Ia sa qai varaitai mai a'a dina ai ena odra volavola a parofita: A sa vatailai ina veimatanitu tauco'o ga mai na lewa ni Alou tawamudu, me rawa nidra vabauta qa talairawarawa ina na tamata ecega. ²⁷ I rei eya a Alou duabau, o oya sa tu duadua ga vei sa a vu'u ecoga me la a vara'too ena vu'u i Jisu Karisito va soga ni mudu. Emeni.