1 O Paula, a dauveigaravi i Jisu Karisito, sa acivi mei apositolo o oya sa lesi me vunautainia a Kosipeli ni Alou. 2 Ai tu`utulu re ai e sa yalatainia dede sara tu a Alou ma gusudra a parapita me tauvata ni a Volai tu ina i Viola Tabu. 3 Sa aitai no a a e baleta a Luvena, a Oda Turaga o Jisu Karisito, O oya ga mamai sucu Vatamata ina awa i Tevita. 6 4 I`a ina ti`ina Vayalo sa Varaitai ina a xau xauwa levu ni sa Luve ni Alai ina ora Vatuca`e tai lega mai na mate. 5 Ina Vu`ura ga sa solia ina vei eitou a Alo`u a toloma. Savu ei na i lesilesi vaiapositolo me eitou varaitainia ina a sala ve edra a lewe ni veivanua tauco`oga medra vabautia ga talairawarawa ve`ea a Alou. Omiau sa oati lega ga ina mai Roma, o emiou sa acivi emiou a Alou mo miou sa wei Jisu Karisito. 7 Au sa volavola wage ina ai ve emiou tauco`o mai Roma, o emiau sa lomani emiau a Alou ga acivi emiau mo miau ona tamata: Me sobuti emiau a loloma eina vacegu ni Alou a Tamada eina oda Turaga a Jisu Karisito. 8 Taumada au sa vavinavina`a ve`ea a ogu Alou ina vu`u i Jisu Karisito me baleti emiau tauco`o sara, baleta ni sa rogovai i vuravura tauco`o a omiau vabauta. 9 Sa agu i vadinadina a Alou, o oya au sa garavia ina ogu yalo tauco`o ina ena vunautai ai Tu`u`tu`u re me baieta a Luvena. Sa ila a Alou ni`u sa dau nanumi emiau no ga 10 ina veigauna tauco`o ni ogu masu. Au sa erea no ve`ea a Alou me bau solia e olua a gauna, e tauvata erawa meu siovi emiou ina. 11 Ni`u sa godievia valevu me`u unei emiau ga wase vei emiau eso a ani veivaalaugatatai vayalo me vakaukauwatai emiau. 12 A era i balebale ai me da vuei vata vatautauvata ina veia vayalo, ona mo miau vuei au ina omiau vabauta, ga me`u vuei emiou lega ga ina agu vabauta. 13 Au gutia mo miau ila oi emiau a weagu, ni sa levu a gauna au naitia ina me`u la`i siovi miay wage, ia e gai dau yaco ga e dua a a meu tarovi ina au gadievia tu me bau so lega ga ve emidu medra vui medra vabauta a Turaga a Jisu ina vu`u ni agu edaca`a me tauvata e sa yaco ve edra eso lega a ai matanitu tani. 14 Ni sa tu e dua a ogu i tavi ivei edra a tmata tauedoga, ve edra sa raramo e edra sa butobuto, ve edra a vuli ei edra lega ga a lecaia. 15 Sai oya ai au sa gadrevia valew ina me`u vunautainia lega ga ai Tuutu`u re vei emiau o miau no tu mai Roma. 16 Ni`u sa maga ni maduatainia ai Tu`utu`u re; ni Sai oya ai a rau rauwa ni Alou me vabulai ina a odra tauco`o ga sa vabauta; sa matai ve edra a Jiu, ve edra lega ga a ai matanitu tani. 17 Sa varaitai ina i Tu`utu`u re a sala sa vadonui eda ina, a tamata a Alou; ni sa Vayacori ai ina vu`u ni vabauta duadua ga. Me tauvata sa volai ina i vola Tabu, "Ina vabulai o oya sa vadonui oya a Alou ina vu`u ni ona Vabauta." 18 Sa varaitai mai lomalagi a civo ni Alou me baleta a odrai Valavala ea ei eina odra i tovo duradurali tauedoga a tamata edra sa dou tarova a eng ilai a i vavuvuli dadonu ina odra i valavala. 19 Sa totogtia odra a Alou baleta ni sa matata vare tu ve edra a vi`a tauco`o e rawa ni ila a tamata me baleta a Alu, ga ni a vatailai ga ve edra a Alu a vi`a ana. 20 Me teivu mai na gauna sa buli ina a vuravura, sa igavi vare tu a vi`a vuni ni Alou ina ona Raurauwa so maga ni vaiyalayala ei na ona i toro ni bula va Alou, go dina ga ni dia su maga ni unie rawa ina mata vayago. Edia sa rawa ni igava ana ina vi`a sa bulia a Alou, ga sa maga ina a adrai ulubale! 21 Edra sa ila no a Alou, ia edra maga ga dodonu, ga dra maga lega ga ni vavinavinala ve ea. I`a sa yoco me lialia ina a odra van`ananu, ga butobuto a odra vaasama. 22 Edra oya ni dra sa vu`u ia edra sa lialia ga. 23 Edra sa maga ni garavia a Alou dina ia edra sa arava ga a veivataaraara e ca`a me tanata a tamata se manumanu vua, se a manumanu yava i va se a via sa sau gasi. 24 Sai oya ana a vuna sa biti odra ina a tamata a Alou me dra Voyacora a vi`a duaduali e gadrev`aa lomadra, ga ca`ava vatai edra a vi`a e veivamaduatai. 25 Edra sa b`ut`a ai vavuvuli dina me baleta a Alou ga mararo me odra a vi`a seni. Edra sa cuva ga goravia a a e bulia a Alou ga maga ni soalou ve`ea a Douniveibuli, o oya sa dodonu me vacoucoutai ga maga ni mudu. Emoni. 26 Ina vu`u ni odra sa vayacora a veitovo ve ai, sa biti odra ina a Alou medra Vayacora a Vigagadre ca e veivamaduatai. O odra sara mada ga a yalewa edra sa voyogatainia vatani a yagodra vayalewa. 27 Sa touvata ina o odra a tagane ni dra sa bitia toni a i valavala iliili me dra veidomoni ga ei odra a yalewa, ga dra sa veireti ga vatai odra. Edra sa voyacora vatagane a vi`a e vevamaduatai; o oya ai edra na sotava ina a i totogi sa dodonu me tau ve edra. 28 I`a ni dra sa rita ni ila a tamata a vivavuvuli dina e baleta a Alou, sa mani biti odra ina a Alou medra vele`e a vi`a ca vasisila taucdoga edra rawa ni vasamatainia. 29 Edra sa vasinaiti ina vi`a ca tauco`oga, a Vi`a duaduali a ocooco, a veicati, a vuvu, a laba, a vivala, a seni, a yalo eivocivo eina dou vaaucaca. 30 Edra veiaseti vatai odra, edra oatia a Alou, vivasewasewani, doadoa ga gacigacia i edra sa dou Vasamataini e levu a sala me dra ve`e`e ina a a ca, ga ora sa maga ni muria a odra vosa a odra i tubutubu. 31 Edra sa yalowai; edra maga ni dau Vayacora a odra vosa ni yalayala, ga maga ni dau veiauwaitai se lomani odra a tani. 32 Edra sa ila a lewa ni Alou ni sa dodonu me dra mate o odra a tamata ve ai. Ia e maga walega ni, dra ca`ava no ga, edra vadonui odra lega ga a tani edra vayacora no.