¹ La ni sa cece rani ai a vitu ni drega, sa qai varomodi o lomalagi, e rautia bea ni veimama ni yauwa. ² Qau igavia e lewe vitu a Agilosi ni dru tu voli ina mata ni Alou, qa sa soli vei edru e vitu a davui. ³ Qa sa duo toni leqo a Agilosi sa lao mai qa lai tu ina mata ni cabocabo ni soro, qa sa tauria a miqa Koula, qa solia valevu vei oya a vei a boire, me caboria vata ei na masu ni tamata yalo savasava, taucoo ga i nai cabocabo ni soro Koula sa tu ina mata ni nono vaturaga. ⁴ La sa uvu cae vato ei no ubou ni a boire, ei na masu masu ni tamata yalosavasavo, mai na liga ni Agilosi i na mata ni Alou. ⁵ Sa qai dia a miqa a Agilosi qa vasinaitia ina quto rea ni cabocabo ni soro, qa dai ria i vuravura qa sa tubu a rorogo ni vosa, ei na uruuru, ei na tavui ni vanua. ⁶ La o odru a Agilosi lewe vitu, e diu sa tari a davui e vitu, qa dru uvia. ⁷ O oya ai matai ni Agilosi sa uvia a ona biukila ni vatagi, qa muria mai a uca cevata ei na buawaqa sa veiwai vata ei na dra, qa sa dai mai vuravura, qa vayavuni ina ai a tolu ni wase ei vuravura ei na i a tolu ni wase ni vuniacu qa va yavuni tauco o a coco droadrop. ⁸ Ai arua ni Agilosi sa qai uvia a ona biukila, sa qai tautauvata e dua a ulunivanua sa basia tumai ina a yameyame ni rea, sa qai viritai i wai, ai a totu ni wasewase ni wasaliwa sa qai vui me dra. ⁹ Sa qai mate ino i a tolu ni wasewase a vei a bula taucoo, qa varusai leqa ga ina i a tolu ni waqa. ¹⁰ Sa qai uvia leqa ai a tolu ni Agilosi a ona biukila, sa qai vea mai lomalagi e dua a aloalo, sa tautau vata saraga e dua a una a ena varama. ¹¹ ia a yaca ni Aloalo o aagaduva duva; qa sa gaga ina ai a tolu ni wasewase ni wai ;e dra lewe levu a tamata e dra mate ino ni wai ni dra sa vagagai. ¹² Sa qai uvia leqa ai a va ni Agilosi a ona biuleila, sa qai cila rarama mai ina ai a tolu ni matanisiga, qa ala mai ina ai a tolu vula, ei na i a tolu ni Aloalo, qai a solu ni vei wasewase sa tavui me iloilo, Nai ni siga sa maqa ni qai varama, sa tautauvata leqa ga ina nai a tolu ni bogi. ¹³ Au sa qai igavia qa rogo e dua a Jkeli ni vua voli ina maliwa lala, qa sa aya ina domo i levu, "E ca, e ca, e ca, vei edra sa notu vuravura, ina domo ni odru davui a Agilosi e lewe tolu, o oya e sa bere ni uvi!