¹ Ni sa oti a veia ai, au sa qai igavia e va a agilosi ni dru turae tu ina itutu i vuravura e va, qa dru verua tu a matanicaqi e va me ua ina ni liwa a capi ina dela ni vuravura, se na wasawasa, se liwavia edua a vuniacu. ² Au sa iqavia sara e tila leqa a agilosi ni sa lao cadra mai na toalau, qa sa tauria tu a vatu ni drega wei oya a Alou bula. Sa qai aci waqe vadomoilevu o oya vei odru a agilosi e va, o odru sa lesi mai vei ea a Alou me dru na ia na caacaa vacaca ina vuravura ei na wasawasa. ³ A ca aya a agilosi, "Dou ua mada ni vacacana a vuravura, se a wasawasa, se a veivuniacu, me yacova mada a qauna eitou sa vatailailataa oti ina ena drega ina yadredra a dauveiqaravi ni oda Alou." ⁴ Sa qai aya vei au ni edra iwiliwili sa drepati eolra sa lewe 144,000 mai na odra veiyauusa taucoo a Isreli. ⁵ Mai na yavusa i Juta sa dregati, edra sa lewe 12,000, mai na yavusa i Rupeni edra sa lewe 12,000, mai na yovusa i kata edra sa lewe 12,000. ⁶ Mai na yavusa i Aseri sa dregati, edra sa lewe 12,000, mai na yavusa i Nafitalai edra sa lewe 12,000, mai na yavusa i Manasa edra so lewe 12,000, ⁷ Mai na yavusa i Siminoe sa dregati, edra sa lewe 12,000, mai na yavusa i Livai edra sa lewe 12,000, mai na yavusa i Isikari edra sa lewe 12,000, ⁸ Mai na yavusa i Sevuloni sa dregati, edra sa lewe 12,000, mai na yavusa i Josefa edra sa lewe 12,000, mai na yavusa i Penijamina edra sa lewe 12,000. ⁹ Ia ni sa oti ai, au sa qai iga waqe qau igavia e tila ai binibini tamata levu sa maqa ni wiliia rawa e tila a tamata a edrai wiliwili! Edra sa lao mai ai ma na veimataqali tamata taucoo, a voca taucoo sara, qa dra sa tu cadra tu ina mata ni nono vaturapa ei na mata ni Lami, edra sa vaisulu ena isulu vulavula, qa dra tauria tu i ligadra a itaba ni niusawa, ¹⁰ Edra sa acivainia mai ena domoilevu, "A veivabulai sa vu pa mai vei ea a eda Alou, o oya sa no voli ina inono vaturapa, ei oya a Lami!" ¹¹ Edra ea tu vvavoitia tu ai nono vaturapa o odra taucoo a agilosi, ei odra a matua, ei odru a veia bula e va, da dra sa bale sobu qa cuva vatobolcu ena mata ni nono vaturaga, qa varoorootainia a Alou, ¹² ka dra aya, "Emeni! Sa ona ga a oda Alou qa Tawamudu a vamolimoli, ei na lagilagi, eina vuu, eina vavinavinaa, ei na varooroo, ei na kaukauwa, ei na qaqa! Emeni!" ¹³ Sa qai tarogi au veai e du a matua, "O cei bea o odra ai sa vaisulu vulavula, qa dra sa lao bea mai vei?" ¹⁴ Au sa qai aya vei oya, "Au sa maqa ni ila. E sa ila ga oi emiau." Sa qai aya vei au, "Sai odra ai edra sa bula mai na veivararawatai levu Edra sa savatia a odra isulu qa vavulavulatainia ina dra ni Lami. ¹⁵ Ari a vuna edra sa tu ina mata ni nono vaturaga ni Alou qa qaravi oya ina siga eina bogi ina loma ni ona vale tabu. Ia o oya sa notu ina inono vaturapa sa taqomai odra ni sa notu vata ga ei odra. ¹⁶ Edra na maqa ni mata ana se mata gunu lega; qa na maqa leqa ga ni ati odra a ataata ni siga, se tila tani leqa a mataqali ataata, ¹⁷ baleta ni sa odra ivatawa a Lami qa sa notu ina loma ni nono vaturapa, qa na mataitai odra o oya ina ivurevure na wai ni bula; ia a Alou ena qusia tani a wainimata mai na matadra taucoo."