¹ Sa bogi visa sa qai ruai leqa Kapenaumi o'oya sa qai rogovai ni sa no tu e vale. ² Sa lewe vuqa sara era sa soqoni vata mai. A sa maqa a hina me rauti edra, e maqa ena mata ni taari: A sa vunautainia a a vosa ve edra o'oya. ³ A sa lao mai ve eya eso edru sa dia voli mai e tila sa tauvi paralasi a sa dru uti eya e dru lewe va. ⁴ Ia ni edru sa maqa ni taravi oya rawa ena vuudra a lewe-vuqa, edru sa va abasitainia a dela ni vale, asa no tu ina o'oya: Ia ni dru sa basuia sara, Edru sa tuuca sobu ai mosemose sa oto ina o'oya sa tauvi paralasi. ⁵ Ia ni sa igavia o Jisu a dru vabauta sa tovelee ve eya sa tauvi-paralasi. Na luvequ, sa booci a omui valavala ca. ⁶ Ara sa so no tu ina eso ve edra a vunivola. Era sa vananuya e lomadra, a qai veai. ⁷ Sa vosa cacatainia o'oya ai ena vuu ni sava? O sei leqa sa booca rawa ai valavala ca, a Alou tilatila ga. ⁸ Sa ila sara ena ona lova qao Jisu ni dra sa veina nu yai vaai edra ena odra lavaga. A sa tovelee edra, a sava dou sa veinanuyainia ina aai ena omudou lovaga. ⁹ A sava ve edra e rawarawa cadra me tovelee ve'eya sa tauvi paralasi sa booci a omui valavala ca; se me tovelee. Mo tu cadra, qa qai dia a omui mosemose, a lao? ¹⁰ Ia mo modou ila ina ni sa rawatia a luve ni tamata e vuravura me booca ai vala vala ca. Sa qai tovelee o oya ve eya sa tauvi-paralasi. ¹¹ Au sa tovelee vei io, mo tu cadra, a dia a omui mosemose a lao ina omu vale. ¹² A sa tu cadra sara o'oya a dia a onai mosemose, a lao waqe ena odra mata taucoo ga idra sa urabui taucoo, ina a vaaroorootainia a Alou, a aya, Eda sa maqa ni igavia i mada ga a'a ve ai me veai e na i vaavala. ¹³ In ni sa lao voli waqe, o oya i matasawa. Ara sa lao ve 'eya a odra taucao ga a lewe vuqa, a sa vatavulici edra o 'oya, ¹⁴ Ia ni lao voli waqe, sa igavi Livai a luvei Alifio sa no tu ena vale ni soli vacavacava, a sa aya ve eya Muri au. A sa cavutu a oya a muri eya. ¹⁵ Ia ni sa no tu ena ona vale me ane, Era sa lewe vuqa, sa umuna a vacavacava ei na tamata i valavala ca, era aso no tu me dra na aniani vata ei Jisu, ei edra a ona tisaipeli, era sa muri oya. ¹⁶ Ia ni dra sa igavia o odra vuni-vola ei edra Farisi ni dra sa ana vata ei eyci, ei edra sa umuna ai vacavacava, ei edra a tamata i valavala com edra sa tovelee ve edra a ona tisaipi. A sava sa kani kanim qai somi, vata ina ei edra, o o'dra sa dau umuna ai vaacavacava ei edra a tamata i valavala ca? ¹⁷ Ia ni sa rogo o Jisu sa qai tovelee ve edra; sa maqa ni yaga a vuniwai, ve edra sa bula re, ve edra ga sa tauvimate. Au sa maqa ni lao mai meu tarogi edra sa yalo-dodonu, o odra ga ai valavala ca medra veituni. ¹⁸ Ara sa dau lolo o'dra a tisaipeli i Joni kei na odra tisaipilia Farisi: ara sa lao a tovelee ve e'ya. A sava dra sa lolo ina a odra a tisaipeli i Joni ei na odra tisaipeli a Farisi, ia o'dra a omu tisaipeli, o'dra era sa maqa ni lolo? ¹⁹ A sa tovelee ve edra o Jisa, Edra sa lolo rawa a li a wea ni tagane sa qai vakawati? Ni dra sa no vata no gai er edra a tagane sa qai vawati? O odra edra sa maqa ni lolo rawa. ²⁰ Ia ena yaco mai a si ga. Ena di tani ina ve edra tagane, sa qai vaawati, Odra edra na qai lolo ena gauna ana. ²¹ Ia sa maqa a tamata sa cula vata a tini sulu vou, enai sulu maawa: ena sa ve ana, ena basia a ena vuca a ena ti ina vou, sa botani ina, a sa abasi valevu sara. ²² Sa maqa leqa a tamata sa vatawania a waini vou i na tavaya ni uli ni manumanu vuca, e sa ve ana Ena vaacabotetainia a tavaya waini vou, a sa dave waqe a waini, a rusa a tavaya e are ga me taloca a waini vou ina tavaya vou. ²³ Asa lao o'oya ena lona ni veiwere ni sila ena siga ni vacecegu, ia ni ra sa lao voli odra a ona tisaipeli, Era sa betia a vei sola ni sila. ²⁴ A sa tovelee ve'eya o'odra Farisi, 'Igavia, a sava dra sa velee ina o odra ena siga ni vacecegu ena veika sa maqa ni vatarai? ²⁵ Sa qai tovetee o'oya ve edra. "Dou sa maqabea ni wilia na a sa velee o Tevita, ni sa maqa a ena, a sa mata aniani o'oya, ei edra e'dra sa no tu vata. ²⁶ Ni sa rusu o'oya ena ona vale a Alou, ena gauna i Apaiaca a bete levu, a sa ania a madrai dauigavi. Iare sa maqa tara me ani a madrai. A sa tara tilatila ga ve edra bete, a sa soliadeqa ga ve edra era sa no tu vata. ²⁷ Sa tovelee leqa ga ve edra, o oya. Sa dau vala ena siga ni va cecegu ena vuudra a tamata, E maqa ni vala a tamata ona vuu ni siga ni vavacegui. ²⁸ Ia na Turaga leqa ni siga ni vacecegu a luve ni siga ni vacecegu a Luve ni Tamata.