¹ A vaatelivu ni tuutuu re ei Jisu Karisito, a Luve ni Alou. ² Me tauvata ni sa vola o Aisea a Parofi "Igavia, au sa tala a oqu talai me tamai ina omudou mala, E na caramainia o'oya a omu salevu ena o mu mata ³ E tila a domo sa dau tarotaro ena loma ni velacuacu? "Dou caramainia a ona salevu a Turaga; velee me dodonu a ona salevu." ⁴ Ma lao mai o Joni, na dauveipapitai sotai ena vei'acu'acu ba vunatainia, a veivutum me booa ina a valavala, ca. ⁵ Edra sa lao, waqe ve ea a lewe ni veivanua taucoo o Jutia, ei edra a tamata tauco'o e Jeruisalemi, edra a papitaisotai mai na bati ni wai o Joritani. Edra sa vatusa a odra i valavala ca. ⁶ Sa vaisulu o Jioni ena sulu vuti ni Kameli, a sai vau i tolona a wa-uli ni manumanu, ia sa ena a vodre ei na oni ni veiacu. ⁷ A sa dauvunau, a tovelee, e tila sa muri au mai sa levu cadra ve eirua, ia a wa ni ona i vava au sa na maqa ni yaga meu cuva sobu me'u serea. ⁸ Edina au sa papitaisotaini emudou ena wai' ia ena papitaisotaini emudou o'oya 'ena yalo Tabu. ⁹ A sa yaco ena gauna ana sa lao mai Nasareci e Kalili o Jisu, A sa papitaisotainia o Joni e na Joritani. ¹⁰ Ia ni sa cabe sara o'ya mai na wai; sa qai igavia a lomalagi ni sa wase rua, ei na yalo tabu ni sa lao sobu mai vei e'ya me vaa a ruve. ¹¹ A sa rogo mai lomalagi etila vasa: O io a oqu driadria ni toko, au sa dau reti o'ya valevu. ¹² Asa va' di e'ya vasa uri a Yalo Tabu i veiaou. ¹³ Asa no tu e loma ni veivacu qa bogi vasaqavulu a sa dau veretaini ey'a o Setani, a sa no vata ei edra a manumanu ila. A sa qaravi eya o o'dra a agilosi. ¹⁴ Ia ni, sa dai i valeniveivesu o Joni, sa lao mai i Kalili o Jisu, a sa dau vnautainia ai tuutuu re ni matanitu ni Alou. ¹⁵ A aya. Sa qai yaco mai a gauna, a sa volea a matanitu ni Alou, Dou veivutuni, a vabautia a i tuutuu re. ¹⁶ A sa lao voli oya ena baravi mai Kalili, a sa igavi Saimoni ei Adriu, a tasina edru sa viritainia a lawa i wai, ni dru sa dauqo liva tamata. ¹⁷ A sa tovelee ve edru o Jisu Mudru muri au mai au na digitaini emudrua mo mudru uaco me gone dau ni tamata. ¹⁸ Edru sa dainia sara tu a odru lawa a muri oya. ¹⁹ Ia ni sa lao valailai imada o'oya sa igavi Jemesa a luvei sepete, ei Joni a tasina, edru sa no tu mai waqa ka oneva na lawa. ²⁰ Asa tarogi edru sara o oya: edru a sa dainia a tamadru o sepete ena waqa, ei edru a tamata, a muri oy'a. ²¹ Edru sa lai i Kapenaumi; ia ena siga ni vace cegu sa rusu sara o ya ina valenilotu, a veivatavulici. ²² O'o dra sa urabuitainia onai vavuvuli, ni sa vatavulici me vaa e tila sa tu veuya a lewa, a maqa ni tautauva ei edra a vuni-vola. ²³ Asa no tu ena odra vale ni lotu, e tila a tamata e rusu vei ey'a e tila yalo valavela a sa qoqolou, ²⁴ A sa tovelee Ulei a sava ve edatou i Jisu a ai Nasareci? O sa lao bea mai mo rawai emudou? Au sa ilai io, a sa lao tani mai ve'eya ²⁵ A sa vunauci o'ya o Jisu, a tovelee ino galu ga a sa lao tani mai ve'eya. ²⁶ Ia ni sa bitaraini eya a yalo velavela a sa qoqolou ena domo levu, sa qai lao tani mai ve eya. ²⁷ A drau urabui taucoo ga, a veitarogi ina va a i edra a tovele, A a sava bea ai? A sava bea ai vavuvuli vou ai? A ni sa varota vaturaga o'oya ve edra a yalo velavela, era sa talairawa rawa ve eya. ²⁸ Asa rogo vai waqe a enai rogorogo i na veivanua taucoo sa vavolivoliti Kalili. ²⁹ Ia ni dru sa lao tani e valenilotu, edru sa rusu sara i na vale oi Saimoni ei Adriu, o odru ei Jemesa si Joni. ³⁰ Asa oto tu o Tinaai wati Saimoni; a sa tauvi a taata, a ra sa tovelee sara ve eya. ³¹ A sa lao ve eya o'oya sa tauria, a ligana, a sa vaturi eya cadra, ena ona loga, a vaduria cadra a sa reva vasauri a ona ataata, a sa qaravi edru o'oya. ³² Ia ni sa taranavi mai, ni sa dromu a siga, a sa di mai ve eya o odra taucoo sa tauvi mate, ei edra a rusu tu ve edra a yalo velavela eso. ³³ Ara sa sosqoni vata a lewe ni oro ena mata ni taari. ³⁴ A sa vabula o oya a lewe levu sa duidui a mate sa dui tauvi edra, a uti edra a tevoro edra sa lewe levu. Asa maqa ni daini eda a tevoro me dra vasa, ni ra sa i lai oya. ³⁵ Ia ni sa roaroa caca sa cavu tu o o'ya a sa lao i tautuba a sa lao ena tila a yasana lala, a masu ina. ³⁶ Edru su muri eya o Saimoni, ei edru sa no tu vata aya. ³⁷ Ni dru sa qai igavia, edru sa tovelee ve e'ya, o Saimoni ei edru a no tu vata aya. Sa vaigavi emiau a tamata taucoo ga. ³⁸ A sa tovelee ve edra, "Tou lao ina veioro savolea, mau vunau leqa ga ina a ga ai au sa lao ina. ³⁹ A sa dau vunau o'oya ina na odra veivale ni lotu mai Kalili taucoo a uti edra tani a tevoro. ⁴⁰ A sa lao mai' ve eya e tila sa tauvi vuavua, a vamasuti eya, a tekiduru ve eya, a sa tovelee ve eya. Eo sa na retia mo lau vasavasavataini au rawa. ⁴¹ A sa yalo loma o Jisu a sa dodoa, a ona liga a sa tarai eya, a sa tovelee ve eya. Au sa retia mo savasava mai. ⁴² Ia ni sa devu a ona vosa, a sa reva vasauri ve eya a vuavua, a savasava mai. ⁴³ A sa varota matua ve'eya o 'oya di sa vatalai eya waqe. ⁴⁴ A sa tovelee ve e'ya; Igavia me ua ni o na tovelee vei tila; Ia mo na lao ga mo na lai varaitaini iko vei eya bete, qai vacabora, a a sa tovelee o Mosese me ona qai vaasavasavatai me onai vadin'adina ve edra. ⁴⁵ A sa lao waqe o'ya a vateivu, me tovelee a caacaa, asa dredre sara vei Jisu me rusu vata ina oro, a sa no tu ga mai enai bili ena yasana lala. Ara sa lao mai odra veiyasana taucoo ga ve e'ya.