¹ O yau o Paula ai apisitolo wei Jisu Karisito ena i lesilesi ni Alou vei edra sa lotu mai Efeso, qa sa yalodina vei Jisu Karisito. ² Me umudou a loloma ena vacegu mai vei ea Alou tamada ei na Turaga o Karisito. ³ Me varo'o ro'o tai a Alou a ta mai oya oda Turaga Jisu Karisio, oya sa va'alougata tai eda ena vi va alougatatai tauco'o ga ina vi yasana valomalagi ena vu'ui Karisito. ⁴ Me tatauvata ni sa digitai eda i mada ena vu'una sa qai te 'ivu tai ima o vuravura, meda yalo savasava qa maqa ni cala ina nona mata ina loloma. ⁵ Ni sa lesi eda i mada meda vabau meda luvena ena vu'ui Karisito, me tatauvata a ona lewa va yalo re. ⁶ Me doai ina ena are ni ona loloma, oya sa lomani eda ina, o oya ina vu'una a dauloma ni. ⁷ Oya da sa rawatia ina bula sa vali, io a va bo oci ni valuvaluca me tautauvata ona loloma levu. ⁸ oya sa va levu taini a sara vei eda oya ena ona vu'u eina ona yalomatua tauco'o. ⁹ Ni so vataila vei eda ona lewa e vuni tu, me tautauvata e are vei eyo, sa qa sa na tia va'ai oya ga. ¹⁰ Me yaco ina a sa lewa ina oya nisa oti tauco'o a gauna sa louci me soqonia vata a 'a tauco'o vei Karisito, via mai lomalagi eina vi'a vuvuvura. ¹¹ Eda sa valo leqa ga ina me o da i votavota, ni da sa lesi i mada me tautauvata a na i tia oya sa vele'e a a touco'o me tautauvata ona lewa. ¹² Me do 'ai ina ona are ina vu'ui eitou oitou sa vavavavi i mada vei Karisito. ¹³ Emudou leqa ga ni dou sa rogoi mada a vosa ni vavuvuli dina, ai tu'utu'u re ni emdou bula sai oya ni dou sa vabautia ni dou sa dregati ina yalotabu sa yalotai. ¹⁴ O oya ai matai ni oda i votavota me yaco mada agauna ena rawa ina ina odra a ono sa voli tu, me do a'i ina ona re. ¹⁵ Ina vu'u ni a'ai o ai lequ gu niu sa logo oti omu dou vabauta a turaga o Jisu, ei na omudou lolo ma leqa ga vei edra edra sa lotu. ¹⁶ Au sa maqa ni cegu ni va vinavina 'a ina vu'umudou nu sa cavuti emudou no ina oqu masa. ¹⁷ Vei eya Alou oda Jisu Karisito a vuni a e vai u'u utai me solia vei emudou a yalo vu'u e na vaivu voli ma cala mudou i lai oya ina. ¹⁸ Ni sa vorarama tai a yalo ni mutu mudou mu dou ila ina a inuinui sa tarogi emudou ina oya, na ena levu ni u'u u'u sa tau ena oya vei edra sa lotu. ¹⁹ Eina ena levu sara ni ona kaukauwa vei eda sa vabauta me tautauvata sa dau vauaco'a ena ona kaukauwa vai dina. ²⁰ Sa qisi Karisito ina oya ni sa vatuni oya cae ina mate qa sa va nosi oya ina ona liga mutau ina vi yasana va lomalagi. ²¹ Sa uasivi ca'e sara vei edra tauco'o sa mada ei edra sa lewa, ei edra sa kaukauwa ei edra su tu raga ei na yaca tauco'o qa sa ai tai na gauna ai eina gauna mai mari. ²² E sa vamalumalu mu tai nia a tauco'o ga me tu ma qeteqete ni ona la qasa lesi ea me lewa a tauco'o ga, ena vau ni saqosoqo lewe ni lotu. ²³ O oya ona guu sa sinai sara vei eya sa vasinaitia a atauco'o ga ina atouco ga.