¹ Ia ena vu'u ni soli me odra o odra sa lotu, me tautauvata a'a au sa varota vei edra a vei soqosoqo lewe ni lotu mai Kalatia mu dou vele'e leqaga veana o emudou. ² Enai matai ni siga ni macawa, Mu dou dui Maroro a iau e so metu, me tautau vata ni sa vei va'a lougatatai ina o oya, dou vele'e ai me modou ua ni qai soli na gauna au na lao waqe ina. ³ Ia niu sa lao waqe vei oya mudou vadonuya au na talai edra waqe me dru dia ai vola eso ei na omu dou loloma leqaga i Jerusalemi. ⁴ Ia eva'a sayaga meu lao leqaga o'yau, edru na lao vata ei au. ⁵ Eva'a au na lao waqe vei io ena gauna au taoso waqe ina i masitonia. ⁶ Io au na notu vata ei io veta ei na gauna ni liliwa, me rawa nio vu ei au ena sala, ena vanua cave ga au na lao ina. ⁷ Niu sa maqa ni igavi io ena gauna au sio waqe ina. Au nui tai nia ni na levu a gauna au na vayaga tainia vata ei io. eva'a sa gutia a Turaga. ⁸ Io au notu mai Efeso me yaco mada a siga ni Penitiko. ⁹ Sa ta dola vei au a ta'ari levu qa levu leqaga edra dau vei saqati. ¹⁰ to eva'a sa lao mai o Timoci dou iga via me ua ni rere ni notu vata ei emu dou, ni sa vele'e o oya ca'aca'a ni Turaga. Me tau vata leqaga ei au. ¹¹ O ya me ua ina tamata me beci oya. Ia mudou qai di oya e na ona lao e na vacagu, Me lao mai nina vei au, niu sa warai ou vata ei odru a vei weani. ¹² Ia ena vu'u i Apolosa a tacida, au sa masuti oya valevu me lao waqe vei emudou ena gauna ai ia ni dua gauna ve vei oya, ena qai lao waqe. ¹³ Dou vatawa, dou tu dei ena vabauta, dou tamata qaqa, dou gumatua. ¹⁴ me vele a atauco'o ga dou vele'e ena yalo loloma ¹⁵ Ia au sa masudi emudou, a vei weani dou sa ila a lene ni vale ni Sitifane, ni sai sevu mai Akaia, qa dru sa soli odru e dru qaraji odra sa lotu. ¹⁶ Mu dou vamalu malumu tai emu dou vei edra sa ve ai, vei edra yadua leqa ga edra sa veivue qa dau ca'aca'a. ¹⁷ Ia au sa marau ena odru lao mai o sitifana, Tonituneto ei Akoiko ni dru sa vele'e a'a sa maqa ni vuwa vei emudou. ¹⁸ ni dur sa vabulabula tainia a yaloqu vata womudou, o oya mudou qai ilai edra sa vei ai. ¹⁹ Sa loloma waqe vei emudou a soqosoqa lewe ni lotu ma Ema. Sa loloma valevu waqe vei emudou o Akuila ei Pirisila ena turaga, e edra soqosoqo lewe ni lotu ena odru vale. ²⁰ E dra sa loloma waqe vei emudou a veiweani tauco'o ga: dou dui vei yabati ya dua oi emudou ena yalosavasava. ²¹ Oi au o vaula, au sa vola ena oqu liga dina a oqu loloma waqe. ²² E va'a sa dua sa maqa ni lomania a Turaga o Jisu Karisito, me civoti oya. Sa lao mai a Turaga. ²³ Me tu vei emudou a loloma ni turaga o Jisu Karisito. ²⁴ Me tu vei emudou tauco'o ga a oqu loloma ena vu'u Karisito Jisu.