¹ Dou vaigavia a loloma, qa mo dou gutia ai solisoli ni yalotabu, qa dou sa ga mo dou parafisai. ² Vei oya e dau vosatainia a vosa ni vi vanua tani, e maqa ni vosa ve edra a tamata, ve oya ga a Alou. ³ Io ve eya sa parafisai e na vosa ve edra a tamata, qa tuberi edra cae qa vavulia edra qa vacegui edra. ⁴ E dua a vosatainiya a vosa vu vi vanua tani e tara cae a ona bula, qa dua e parofisai e tara ca'e ai soqosoqo lotu. ⁵ Au nuitainia ni dou na vosata inia a vosa ni vi vanuatania. Ia e dua a a me uasivi sara vei emudou mo dou parofisai, ni o oya e parofisai e bibi cae mai ve eya a vosatinia no a vosa tani e so a vosa leqa eso e rawa ni vadewatai me rawa ni dra vauqeti ina ai soqosoqo lewe ni lotu. ⁶ Io iai, ve emudou a taciqu, e tautau vata meu lao waqe qa lai vosa tainia a vosa ni vi vanua tani, Au na yaga vacava ve emudou? e na maqa ni rawa, va vo e usa varai tainia ai vatailaila ni Alou, se a ou ila, se oqu parofisai, se oqu vivatavulici. ⁷ E tautau vata leqa ga ina, ai yaya ni vatagi, e dou solia a vi mataqali rorogo me tautau vata a bitu ni vatagi se api, e maqa ni dra solia a duidui ni rorogo, ena rawa ni ilai vacava ni o oya ou a bitu ni batagi qo oya ai a api? ⁸ E ena ivei ni sa rorogo a davui ni valu qa maqa ni ilai a ena rorogo, e dra na ila vacova a gauna madra varautai ni edra ina ina i valu? ⁹ E tautau vata ina ni dou maqa ni vosa tainia va re a vosa me matata, ena ilai vacava a a dou aya, ¹⁰ E levu tu a vi mataqali vosa ina vuravura, e maqa ni dua me maqa a ena i balebale. ¹¹ E, u maqa ni ila a i balebale ni dua a vosa, ena dredre meu vadewa tainia, qa dredre ni vadewa tainia mai vei au. ¹² E tautau vata ina ve emudou. ni dou gutia a vi a vayalo, dou na va ure modou uasivi cae, na odra vatatai cae ai soqosoqo lotu. ¹³ qo dua e dau vosatainia a dui vosavosa me masu leqa ga me rawa ni vadewa tainia a ena i balebale. ¹⁴ Eu masu ina dui vosavoso, a yaloqu e masu leqa ga, qa maqa ni vavuana a oqu vaasama. ¹⁵ A cava au na vele'e? au na masu mai na yaloqu, qau na masu leqa ga no oqu vaasama. Au na sere leqa ga ina yalogu, qau na sere leqa ga ina oqu vaasama. ¹⁶ E tautauvata mada mo vavinavina a na omu cavu tia edua vosa e maqa ni ilai, e da na qai va "Emeni" va cava o odra mai tuba, ¹⁷ Na omu vavinavina a o io o ila no a ena a re, qo oya e notu na omu tutu e maqa ni tarai cae. ¹⁸ Au vavinavina a ve eya a Alou ni sa uwasivi vei emudou ina atuco'o ga, ei na vosa ni veivanua tani. ¹⁹ E na gauna ni lotu erawa niu covutia e lima a mataqali vosa erawa ni ilai, meu vavuli ci meudou ina, qa a ca ga meu cavutia e tini a udolu a vosa ni vei vanua tani. ²⁰ O mudou a taciqu dou uwa ni dau va'asama vagonegoneya, mo dou lecava ina a ca'aca'a ni butobuto, me tautau vata a gone lailai, me tuba cae a omudau ila a merawa ni dou matua ina ²¹ Ni sa volai tu ina i vunau, "Au na voso vei edra a tamata ai mai vosa ni odra gusu a tamata kaukauwa, mai na vi vanua eso, e dra na maqa ni rogoi au" sa aya a turaga. ²² Io, a vosa ei vatailaila, ni omu vabauta se, maqa ni vabauta. Qa parofisai ai vatailaila ni omu vabauta se maqa ni vabautia. ²³ Io edra soqoni vata tauco'o mai ai soqosoqo lutu qo odra vosa tainia a duivosavosa, o odra mai tuba e i edru a tawavabauta ni dra lao mai edra na maqa li ni aya ni dou sa lialia? ²⁴ E miau sa parofisai tau co'o, qa cuvu mai e dua mai tuba qa tawa vabauta, ena ciqomia tauco'o o koya ni sa ila a ona cala, a ona vaatulewa e loma ena batai oya mai na ona rogo. ²⁵ E na basia ga mai a avuni sa tu i lomana. ena cuva sobu qa vavinavina'a tainia a Alou. E na vatu sa ni Alou ni so notu vata ei eya. ²⁶ Sa qai ena i vei omu dou a veiweani? No dou sa lao vatamai, dou sa dui tauria yadua a sere, a i vavuvuli, ai vatailaila, a vosa eina lave vosa. ME ca'a a'a ai mo dou tai ai cae ina. ²⁷ E dua e vosatainia a vosa ni vanua tani, me lewe vua, se lewe tolu me dra veitaravi yadua ga me notu e dua me vadewa tainia a vosa. ²⁸ Io e maqa ni dua e vadewa tainia, me dra va gagalu ai soqosoqo lotu, me dra vosa ga ve edra qa ve eya a Alou. ²⁹ E lewevua se lewe tolu a parofita me vosa, o odra a ena vo me varogo, qa valewa vare a'a edra aya. ³⁰ E sa varaitainia a Alou e dua a ve eya e notu ina omu tutu, a ena vo medra varorogo. ³¹ E sa rawa ve emiau mo miau parofisai va yadudua, ena rawa ni mi au vulicia qa vi vaualoqaqatai. ³² A yalo ni parofita sa rawatia ga a parofita. ³³ A Alouu e maqa ni Alou dau lomaloma rua.e Alou dau vi vacegui. me tautauvata sayaco ina i soqosoqo lotu ni tamat sa vabulai. ³⁴ Ina loma ni soqosoqo lotu medra dau varorogo a lewa. Ni maqa ni vatarai ve edra medra vosa ia me dra yalomalumalumu ga me tautau vata a vosa ni vunau. ³⁵ E dra mata ila e dua a'a me dra qai lai tarogia: i vale vei watidra. Ni sa a vamaduwa ni dra vosa no a lewa ina i soqosoqo lotu. ³⁶ Sa vu li mai ve emudou a vosa ni Alou? Se na vu'uvudou sa yaco mai ina. ³⁷ E dua e nanumia ni o oya a parofita se yalotabu, me ila sara no ni sai varo ni turaga sa volai no waqe ai. ³⁸ E dua e maqa ni mata ila ia ena maqa ga ve eya a ila. ³⁹ O oya ai mo dou gutia valevu mo dou dau parofisai, io a vosa ni ui vanua tani eso modou aa ni tarovia. ⁴⁰ A a tauco'o me vela vare, qa va i tuvatuva.