¹ E na lewe ni Alou ma Tarogi Paula ina o Jisu Karisito mei apositoli, ei Sosiceni a taci eimami. ² E nai soqosoqo lotu va'alou mai Koronica ve edra sa tu vata ei Karisito Jisu edra sa vatoai medra tamata vasinaiti ei edra mai na veivanua tauco'o ga, edra sa aciva a yaca ni oda Turago o Jisu Karisito o oya sa odra Turaga qa oda leqaga. ³ Me omiau a loloma ei na vacetu mai ve eya Alou o tamada ei Jisu Karisito a oda Turaga. ⁴ Au na dau vavinavina'ano ga ve eya a oqy Alou baleta a ona loloma a Alou ve i'o sa solia ve i'o o Karisito Jisu. ⁵ Sa vavutuniyau taini io ena vei'a tauco'o ga, ena veivosa tauco'o ga eina omu ila'a tauco'o ga. ⁶ Me tautauvata ni sa vadinadinatai a ona vosa a Karisito ena emudou maliwa. ⁷ O oya ai sa maqa ina ni rawa ni biutia ai solisoli vayalo ena omu sa warainia no a ona lesu leqa mai a oda Turaga o Jisu Karisito. ⁸ Ena vakaukauwa tai ni io no ga me yacovia ai vataotioit mo na u'a ni beita'i ina ina siga ni oda Turoga o Jisu Karisito. ⁹ O oya a Alou yalodina, O oyua sa tarogi emudau mo dou ona i toani o Jisu Karisito a oda Turaga! ¹⁰ I ai au sa qai na masuti emudou ina veiweani, ena yaca ni oda Turaga o Jisu Karisito, ni mudai sa va'adonua, me ua ni dua a veiva'aduiduitai e na emudou maliwa. Au sa vamasu ti emudai mo dau veilomani sara qa dai mo dou qai lomana ¹¹ No sas qai toveli mai vei au a veia baleti io, emudou a veitacini, mai vei edru a tamata i Kiloi ni mudou sa veicacati no ga va'ai emudou. ¹² Niu sa aya: Vei emi'au sa dui aya "Au sa muri Paula." Se "Au sa muri Apolosa." Se "Au sa muri sepesa" Se "Au sa muri Karisito." ¹³ E sa tawase bea o Karisito? E a mate bea na vu'u muday o Paula? Omudou a Papitaiso bea na Yacai Paula? ¹⁴ Au va'avinavina'a tainia a Alou niu a maqa ni papitaiso taini dua vei emudou, o odru ga o Kirisepo ei Keio. ¹⁵ Oya ai e maqa ni dua e rawa ni tovele ni o ma papitaisotai na yacaqu. ¹⁶ Au papitaiso tai edru leqaga a vuvale oi sitipana. Ia au maqa ni ila e u papitaiso tainia leqa eso. ¹⁷ Ni maqa ni talai au mai a Karisito meu veipapitaisotai, a meu vunautainia ga a Kosipeli, ia me ua ga no vosa vu'u, de va'atani tai vei au a Kauveilatai. ¹⁸ Ni sa a lialia vei odra a tamata a ena virautai a Kauveilatai, ia o odra ga sa va'a bulai na Kaukauwa ni Alou. ¹⁹ Sa volai. Au na va'arusa a odra vu'u a yalomatua. qa va'atawayagatainia a odra daunivu'u. ²⁰ I vei o odra vu'u? I vei o odra a yalomatua? I vei o dra a daunivolavola? Sa maqa li ni vui ca a Alou a vu'u me lialia? ²¹ Me arua a vuravura ni vu'u dra maqa ni ila Alou, qai yalololoma a Alou me vabulai edra edra vabautia a vunau lialia. ²² Edra ere a vatailaila ni ve'a veivau'vabuitai o odra Jiu, qa dra ere a vu'u o odra ai Kirisi. ²³ Eda vunautainia no a ona mai vao'ti na kaurelalai a Karisito, veivatarabe ta'i vei edra Jiu qa lialia vei edra ai Kirisi. ²⁴ Iya vei odra e acivi edra a Alou, vei edru a Jiu ei Kirisi, eda vunau tai Karisito ni sai oya a vuri Kaukauwa ei na vu'u va Alou. ²⁵ A lialia ni Alou sa vu'u cae mai ua tamata, ei na malumanumu ni alou sa kaukauwa ca'e mai na tamata. ²⁶ Igavia a omu aci vi emudou a taciqu. Maqa ni le levu vei emudou e vu'u va'a yago. Maqa ni levu vei emudou e sucu va Turaga. ²⁷ A Alou e digitainia a vei'a lialia ni vuravura me vamaduatainia ina a vei'a e kaukauwa. ²⁸ A Alou e digitainia a vei'a lolovira eina vei'a e beci e vuravura. E bau digitainia leqaga vei'a e va'ato'ai me maqa ni dua a, me diya mai a' maqa ina dua a e yaga. ²⁹ E vele'e a vei'a tauco'o ai me ua ina ni dua e di'ado'ai oya e matana. ³⁰ Ia mai vei oya ga dou sa tu vata ina ei Karisito Jisu, oya sa velee a vuni vuu vei eda, qa vuni vei vadonui, qa vuni vasavsavatai, qa vuni bula. ³¹ Ena vu'u ni a e ca'ava a Alou, o sa dati mo wei KArisito Jisu, o oya sa vuni vu'u va Alou.