¹ Oi au 'o Paula, na i talatala ni Alou ei na apositolo i Jisu Karisito, e na vu'u ni nodra va'abauta na tamata digitai ni Alou ei na ilai ni va'avulivuli dina sa va-Alou; ² ei na i nuinui ni bula tawa mu du, amu sa sa yalataina taumada na Alou, 'o 'oya sa maqa va'adua ni dau daci e na dua na gauna. ³ E na 'ena gauna donu, sa va'araitaina na nona vosa ena ena vunautai, 'o oya au sa lesi ina me ba'o na nona i vaaro na Alou na noda i Vaabula. ⁴ Vei Taito na luvequ dina, ena vu'u ni va'abauta sa tu vei eda. Me nomu na loloma ei na va'acegu mai vei 'oya na Alou na Tamada, ei Jisu Karisito na noda i va'abula. ⁵ E na vu'u ni a e au ma biuti io ti'o mai ina i Kiriti, me rawa ni'o va'adodonutai'na na veia masa maqa tu ni vaa oti, mo va'atabui edra viroga na i talatala qase ina veivanua me bau au sa va'araitaina vei io. ⁶ Na i talatala qase sa dodonu me ua ni beitai ina dua na a, me dua ga na watina, medra yalodina na luvena, me dra ua ni beitai ni dra sa'asa'a se talaidredre. ⁷ Sa dodonu vei 'oya na i talatala qase, me baa ni'o 'oya nai liuliu ni matavuvale va-Alou, me ua ni cala. Me ua ni dau viavia levu, me ua ni dau neno va'arawarawa, me u a ni dau unu waini, me ua ni dauveiba, me ua viro ga ni tamata dau 'oco'oco. ⁸ E dodonu me da veiva'acegui vei edra na tamata, me dau lomana na asia, me yalo matua me yalo dodonu, me yalo savasava, me dau lewa na yalona. ⁹ Me dau tara dei na i va'avuvuli dina sa va'atavulici ina, me rawa vei 'oya me va'ayaloqaqataini edra viro eso e na i va'avuvuli dina, me va'adodonuta'ini edra viroga 'o edra na veisaqasaqa vata ei 'oya. ¹⁰ Ni sa levu 'o edra na tamata dau i tovo kaukauwa, edra dau vosa wale qai dau veivakaisini, va'abibi 'o edra na cili. ¹¹ Sa dodonu me dra tarovi. Edra sa va'ayavalata ti'o e levu na matavuvale, e na nodra va'atavulica tio na vei 'a e maqa ilii'li e na vu'u ni yau va'asisila, amu e dodonu me dra 'ua ni va'atavulica. ¹² E dua vei edra na parofita ma 'aya, "Na nodra i tovo ga na ai Kiriti na dau daci, edra manumanu ca, e dra qai tamata dau ana qai vucesa." ¹³ E 'a dina na i tu'utu'u e. 'O 'oya e mo qai vunauci edra va'akaukauwa me rawa ni dra yalodina ena vodra va'abauta. ¹⁴ Ua ni auwaitaina na nodra tu'uni matua na Jiu se na nodra i va'abubuli na tamata edra sa biuta na dina. ¹⁵ Sa savasava na'a tauco'o vei edra na yalosavasava. Ia vei edrana yalo du'adu'a ei na tawa va'abauta, e maqa vei edra na yalo savasava, ia na nodra va'atulewa ei na nodra va'anananu e maqa ni savasava. ¹⁶ Edra va'atusa ni dra ila na Alou, ia edra caita'ini 'oya ena vei 'a edra ca'ava. Edra sa tamata va'asevai, talaidredre, qai maqa ni yaga ina dua na asia.