¹ Ia 'o io mo vosa ti'o ina vei'a e 'ili'ili ei na i va'avuvuli dina. ² Vaavulici edra na matua medra yalo:matua, medra yalo qaseqase, me asia na nodra va'abauta e na loloma ei na dau vosota. ³ O edra viro ga na yalewa sa matua me dra va'avulici me dra va'aitovota'ina na i tovo e 'ili 'ili, me dra ua ni dauveibeitai va'aveitalia, me dra 'ua ni bobula ina waini, me dra i va'araita'i ni va'avuvuli sia. ⁴ Me dra va'avulici viro ga na yalewa taba yaqiti me dra lomani edra na watidra, ei edra na luvedra, ⁵ me dra loma savasava, me da vu'u, me dra radini vale sia, me dra dai talai rawarawa vei edra na watidra me 'ua ni vosa va'acacatai ina na Alou. ⁶ Me dra va'ayaloqaqat'ai viro ga na qiti tagane me dra yalomatua. ⁷ I na vei'a tauco'o, mo sa i va'araita'i ni veica'aca'a sisia, mo yalo matua e na nomu i va'avuvuli, mo yalo dina viro ga, ⁸ mo dau vosa va'adodonu, me 'ua ni dua me va'alewai io ina, me dra madua 'o edra na dei beitaini io, ni maqa ni 'a edra na tovola rawa me baleti i'o. ⁹ O edra na bobula me dra talairawarawa vei edra na nodra turaga 'ina vei'a tauco'o, me vei'ayalo siataini edra, me dra ua ni veiba vata ei edra. ¹⁰ me dra ya ni butao mai vei edra, me dra va'araitaini edra ni dra yalo dina, me dra va'arogosiataina na i va'avuvuli ni Alou na no da i Va'abula. ¹¹ Ni sa rairai na loloma ni Alou, 'o 'oya sa vunibule vei edra tauco'o na tamata. ¹² 'o 'oya sa va'atavulici e da me da biuta tani na 'o e maqa ni va-Alou ei na vei gagadre va'avuravura, ia meda bula e na bula ni yalomatua ni yalo dodonu, ei na bula va'alotu i na gauna e. ¹³ Ni da waraina ti'o na 'ani veiva'alougatata'i e da nuita'ina ti'o, na nona rairai vaai u'uu'u mai na noda Alou levu ei Jisu Karisito na noda i Va'abula. ¹⁴ Ma solia na nona bula 'o Jisu e na vu'u da me voli eda mai na i valavala ca tauco'o, me va'asavasavata'ini eda me da nona tamata talei, me da loma 'ata'ata e na ca'aca'a sia. ¹⁵ Mo vosataina na vei 'a e, va'auqeti edra na tamata me dra ca'ava, qai veiva'adodonutai ina kaukauwa tauco'o. Me 'ua ni dua me beci io ina.