¹ Au sa tovola na'a dina ena matai Karisito.Au maqa ni daci ei na noqu va'anananu sa i va'adinadina viro ga vei au e na vu'u ni Yalo Tabu ² Io vei ay, na rarawa ei na mosi e maqa ni eti rawa i lomaqu. ³ Au ma diva walega ma'u tawasei tani mai vei Karisito, en a vu'u dra na taciqu vata ei edra na weaqu va'ayago. ⁴ O edra na Isireli 'o edra sa susu gi, sa nodra na lagilagi, na veiyalayalati, na i solisoli ni lawa, na veiqaravi i loma ni vale ni lotu ei na vosa ni yalayala. ⁵ Sa no dra 'o edra na patiriaki 'o 'oya ma basi a mai ina na Karisito, 'o 'oya me do'ai ina na yagona, 'o oya, na Alou va'ataini 'oya. Me va'acerecerei 'o 'oya me tawa mudu. Emeni. ⁶ Io, e sa maqa va'adua ni sa bau dru'a na vosa ni Alou ena dua na gauna. A maqa ni'o edra tauco'o na ti'o mai Isireli medra ai Isireli dina. ⁷ A maqa viroga ni awa nei Eparaama tauco'o me dra luvena. Ia, ena vu'ui Aisake miau sa wili me luvena. ⁸ 'O edra na luvena va'ayago e dra maqa ni luveni Alou ia 'o edra ga na yaqiti yalatai edra sa wili me nona 'awa. ⁹ Baleta ie na vosa ni yalayala, "Ena gauna vata e, au na la'o mai ena qai soli vei Sera e dua na luvena tagane." ¹⁰ Maqa ni'o 'oya walege e, o Repeka viroga ma va'asucuma e dua na tagane, na tamada 'o Aisake. ¹¹ Ni sa bera mada ni sucu na yaqiti, ni sa bera viroga ni ca'ava e dua na asia se aca sa tu rawa nai nai ni Alou me baleti 'oya, ¹² maqa ena vu'u ni ca'aca'a, ia ena vu'ui 'oya ma veiacivi- ma tovoli vei 'oya, "O edra na matua edra na qaravi e dra na yaqiti." ¹³ Me bau ma sa volai, "Au sa lomani Jekope, au cati Iso." ¹⁴ Na cava me da qai aya? E tu be'a vei 'oya na Alou nai tovo maqa ni dodonu? Me ua sara. ¹⁵ Ni aya na Alou vei Mosese, "Au na lomani edra au lomana, au na siati edra au siata." ¹⁶ Sa qai maqa ni yaco vei 'oya sa siata, se vei 'oya sa ada, ia ena vu'u ga ni yalo loloma ni Alou. ¹⁷ Me ba'a e 'aya na i vola tabu vei Fero "Ie na vuna au ma tuberi i'o ca'e mai'ina, me'u va'araitaina vei i'o na noqu kaukauqa me rawa ni tovoli i vuravura tauco'o na yacaqu." ¹⁸ 'O 'oya 'e na Alou sa yalosia vei edra sa va'anananu ina, io sa va'ayalo levuta'ini edra sa va'anananu ina. ¹⁹ 'O na qai 'aya vei au, "Na cava na vuna e raica ti'o 'ina na cala 'o 'oya? 'O cei sa vorata rawa na nona lewa? ²⁰ E na vu'u ni 'a e, 'o i'o na tamata 'o cei 'o io mo vorata na Alou. E na 'aya be'a 'o 'oya na dau bulubuli vei 'oya ma bulia, "Na cava na vuna 'o ma buli au 'ina bau e? ²¹ E na maqa ni tu na dodonu vei 'oya na daubulibuli, mai na drea vata ga, me bulia ina e dua na bilo me va'ayagatai ina a e do'ai, e dua viro na bilo 'ina na a e maqa ni doai? ²² E na va'acava be'a e bau sa dei va'araita'ina na nona nene na Alou, me unei ina na nona kaukauwa, me sa vosota ssara mai va'awalili na beibilo ni nene va'arau me va'arusai. ²³ Va'acava e bau e ca'ava 'o 'oya e, ni siata me va'ata'ila na butuniyau ni nona lagilagi ina beibilo ni loloma e sa va'arautaina oti tu oya. ²⁴ Va'acava e bau e ca'ava viroga vei eda na a e 'o 'oya; 'o edra sa 'aciva 'o 'oya maqa mai na edra maliwa walega ni Jiu, ia ena edra maliwa viro ga na veimatanitu tani? ²⁵ Me bau e ayo o 'oya ina i vola nei Osea, "Au ma acivi edra me noqu tamata 'o edra ma maqa ni noqu tamata, ei edra ma maqa ni lomani medra daiu lomani." ²⁶ E na qai bau ma tovoli vei edra, "O mutou maqa ni noqu tamata; mai arai edra na acivi: na luve ni Alou bula." ²⁷ Ma tagi 'o Aisea me baleti edra na Isireli "Me ba'a ni edra i wiliwili na Isireli e ba'a na wiliwili ni nu'u i sawana edra na va'abulai ga na ena vo. ²⁸ Ni na ca'ava na nona Vosa na Turaga me va'aoti i vuravura tauco'o e na maqa ni bebera. ²⁹ Me bau sa aya oti 'o Aisea, "E bau e maqa ni solia vei eda e dua ma awa na Turaga ni lewe vuqa, eda na qai ba a o Sotoma, eda na yaco viroga me bau 'o Komora." ³⁰ Na cava meda qai aya? O edra na ai matani tu tani edra maqa ni muria na veiva'adonui ia sa yaco medra va'adonui ena vei va'adonui e na va'abauta. ³¹ 'o edra na Isireli e dra muria na lawa ni veiva'adonui, e dra maqa yacova na lawa arai. ³² Baleta na cava? Baleta edra maqa ni muria ina va'abauta, ia mai na nodra ca'aca'a. Edra sa tarabe ena vatu dau veiva'atarabeta'i. ³³ Me baa sa volai, "Raisa au sa va'otora i Saioni 'e dua na vatu dauveiva'atarabetai ei na vatu ni vei va'acalai. 'O 'oya e va'abauta e na maqa ni madua."