¹ 'O 'oya e, sa qai maqa na veiva'acacani vei 'edra sa tu vata 'ei Karisito Jisu. ² Na lawa ni Yalo ni bula nei Jisu Karisito, sa serei 'eda mai na lawa i valavala ca 'ei na mate. ³ Amu na 'a ma maqa ni ca'ava rawa na lawa baleta na malumalumu ni tovo va'ayago, e sa mai ca'ava na Alou. Ma solia na Luvena e dua ga me bau na tamata : valavala ca, me i soro ni valavala ca, sa qai va'amalumalutai'na o 'oya na i valavala ca 'ina yago va'atamata. ⁴ Ma ca'ava e o 'oya me va'ayacori vei 'eda na gagadre va'alawa o eda, eda maqa ni muria na i tovo va'ayago ia, 'eda muria ga na Yalo. ⁵ 'O 'edra na muria na i tovo va'ayago edra va'ananuma ga na a va'ayago, ia, 'o edra na bu la ina i tovo va'ayalo, e na va'ananuma ga na vei 'a va'ayalo. ⁶ Ni va'anananu ina vei'a va'ayago na mate, ia na va'anananu i na vei'a va'ayalo na bula ei na va'acegu. ⁷ Na va'anananu ina vei'a va'ayago e veicati ei na Alou, nidra maqa ni va'arorogo ina lawa ni Alou, edra maqa viroga ni ca'ava. ⁸ 'O edra na bula ina i tovo va'ayago e cata na Alou. ⁹ Ia 'o i'o 'o maqa ni bula e na i tovo va'ayago, i na i tovo ga va'a Yalo, ni sa ti'o vata ei i'o na yalo ni Alou. E bau e dua e maqa ni ti'o vei 'oya na Yalo nei Karisito e maqa ni nei Karisito. ¹⁰ E bau sa bula vei i'o o Karisito sa mate na yago e na vu'u ni valavala ca, ia, na yalo sa bula 'ena vu'u ni yalododonu. ¹¹ E bau sa bula i lomamu na yalo i 'oya ma va'aturi Jisu viro mai na mate, 'o 'oya ma va'aturi Karisito viro mai na mate, ena solia vei i'o na bula, e na yago e maqa viro ni mate rawa, ena vu'u ni Yalona sa bula i lomamu. ¹² 'O 'eda na veiwe'ani, 'e da sa bobula maqa i na vei'a va'ayago me bula'ina i tovo va'ayago. ¹³ E bau 'o bula ti'o 'ina vei'a va'ayago, 'o i'o sa volea ni mate, ia ebau o bula i na vei'a va'a Yalo, 'o sa va'amatea ua veitovo va'ayago, 'o sa bula. ¹⁴ Me ba'u sa lewe levu e dra sa liu ta'i mai na yalo ni Alou, edra sa luve ni Alou. ¹⁵ Ma maqa ni soli vei eda na yalo ni tamata bobula meda bula rere voli ina, io, sa soli ga vei eda na yalo ni yaqiti, 'o oya eda sa tagi 'ina "Apa Tamaqu!" ¹⁶ Na Yalo va'a i 'oya sa va'adina dina i yaloda ni da sa luve ni Alou. ¹⁷ E bau eda sa luvena, eda sa tau'ei viroga, na i tau'ei ni vei'a va-Alou. Ni da sa tau'ei vata ei Karisito, e bau eda sa sotava vata ei 'oya na rarawa, eda na va'acerecerei viro ga vata ei 'oya. ¹⁸ Au dei 'aya ga ni vei'a rarawa 'o sotava ina gauna e, e maqa ni yaga me va'atautauvatata'i 'ei na lagilagi e na va'araita'i vei 'eda mai muri. ¹⁹ Na nodra nanama'i tu na vei'a bula, nodra wara'ina tu na nona rairai viro mai na Luveni Alou. ²⁰ Ni sa va'amalumalumuta'i 'o vuravura, maqa ina vu'u ni nona gagadre ga, ia, e baleti 'oya ma ca'ava na i nuinui, ²¹ me rawa vei vuravura me sere'i mai na veiva'abobulata'i ina rusa, me qai basi'a na galala 'ei na nodra lagilagi na luveni Alou. ²² Ni da sa 'ila nio vuravura tauco'o e sa tagi qai rarawa e na vu'u ni mosi me yacova na gauna e. ²³ Maqa ni'o 'oya walega e, 'o eda mada ga va'ataini 'eda ma rawata na i sevu ni Yalo Tabu, 'eda vutuga tio i lomada ina noda wara'ina ti'o na noda susugi, ina va'abulai ni yagoda. ²⁴ E na vu'u ni nuinui e eda sa va'abulai. Ia na i nuinui e 'unei votu e maqa ni nuinui. 'O cei me va'anuinuitaina e dua na'a sa unei rawa tu. ²⁵ Io, e ba'u e da vuita'ina ti'o e dua na'a 'e da maqa ni raica, 'e da na waraina ti'o ina yalo ni vosota. ²⁶ E tautauvata viroga e ni Yalo Tabu e vu'ei 'eda nida malumalumu. Ni da maqa ni ila meda masu va'acava, ia na Yalo Tabu sa masula'ini 'eda ti'o ina yalo e vutugu. ²⁷ 'O 'oya e raica na yaloda e ila viro ga na nanuma ni Yalo, 'o 'oya e masula'ini edra ti'o na tamata ni Alou me bau na loma ni Alou. ²⁸ Ni da sa 'ila ni sa ca'ava na a asia tauco'o o 'oya, me nodra o 'edra sa lomana na Alou, Io 'edra sa 'acivi me bau na nona i na'i. ²⁹ Baleta 'o edra sa ila taumada o 'oya sa lesi edra me dra tautauvata 'ei Luvena, me ulumatua 'o 'oya vei 'edra na tacina tauco'o. ³⁰ O edra sa lesia 'o oya, sa acivi edra viroga. O 'edra sa aciva 'o 'oya, sa va'adonui edra. 'O edra sa va'adonuga o oya sa serauni edra. ³¹ Na cava meda qai 'aya ena vu'u ni 'a tauco'o e? Ni sa to vata ei eda na Alou, 'o cei me na eda meca? ³² O 'oya ma maqa ni buroga na Luvena dina, io ma soli 'oya me mate ena vu'uda tauco'o, me qai maqa ni rawa va'acava vei oya me solia vei eda na'a tauco'o eda si'ata? ³³ O cei me beitaini edra sa digitaina na Alou? Na Alou ga e na veiva'adonui. ³⁴ O cei e veiva'acacani? O Jisu Karisito ma mai mate, tuca'e viro, sa tio ena liga i matau ni Alou, 'o 'oya e masulaini eda ti'o. ³⁵ O cei me na tawasei eda mai na loloma i Karisito? Na 'a rarawa be'a se na yalo bibi, na dau veiva'acacani, se na dei 'ana, se na maqa ni sulu, se na a rerevai, se na seleiwau? ³⁶ Me bau sa volai; "E na vu'umutou 'eimami sa va'amatei e na veisiga. Eimami sa wili me sipi me va'amatei." ³⁷ E na vei'a tauco'o e, e da sa gu matua ina ve 'oya sa lomani 'eda. ³⁸ Ni'u sa ila ni maqa ni rawa vei mate, se o bula, maqa ni o 'edra na agilosi, se na matanitu, se dua na a ina gauna e, se dua na'a sa bera ni yaco, maqa na kaukauwa, ³⁹ maqa na cecere, se dua na a yawa i bulu, se dua viro na'a e buli me yadi au tani mai na loloma ni Alou; eni vu'u i Jisu Karisito na noda Turaga.