¹ Vei eda sa kaukauwa ca'e meda nanumi edra sa malumalumu, ia, me da 'ua ni ca'ava ga na 'a sa 'asia vei eda. ² Ia me da va'alomasi'ata'ini 'edra na ai noda e na 'asia me rawa n tarai ca'e 'ina na nodra bula. ³ Na Karisito ma maqa ni ca'ava na 'a e si'ata ga na lomana Ia, me bau sa volai, "Sa tau vei au na ca sa nodra na vosa va'acacata'i." ⁴ Baleta na 'a sa volai oti, ma volai me i dusidusi vei 'eda me rawa ni noda na i nuinui e na vu'u ni doda vosota vata 'ei na vei va'ayalo qaqata'i mai na vosa ni Alou. ⁵ Na Alou ni vei va'ayaloqaqata'i ei na vosota me solia vei emudou na veiyaloni va'ai emudou e na vu'u ni Karisito Jisu. ⁶ Ni sa ca'ava eni o 'oya me dra duarata e na nodra va'alagilagia na Alou e na nodra nanuma ei na vosa ni Alou na Tama ni noda Turaga o Jisu Karisito. ⁷ O 'oya 'ina eni mudou veiciqomi va'a i emudou me bau sa ciqomi emudou na Karisito, me va'aro'oro'ota'i ina na Alou. ⁸ Au sa 'aya 'ina ni sa yaco na Karisito me dauveiqaravi nodra na cili e na vu'u ni dina ni Alou me na va'adei ni vosa ni yalayala ni Alou vei edra na tubuda, ⁹ ei, edra na 'ai matanitu tani me dra va'aro'oro'ota'ina na Alou e n a nona loloma levu. Ni sa volai, "Au na va'aro'oro'ota'ina na Alou ena 'edra maliwa na 'ai matanitu tavi. Au na sere au na laveta na yacamiau." ¹⁰ Sa tovoli viroga, "Re'i o i'o na 'ai matanitu tani 'ei 'edra na womna tamata. ¹¹ Va'adua viso "va'aro'oro'ota'ina na Alou o emiau na 'ai matanitu tani. Va'aro'oro'otaini 'oya na vei mata tamata cauco'o." ¹² Sa 'aya viroga o Aisea, "E na lao mai ma wa'a i Jese, o 'oya e na cadra ca'e mai me lewai 'edra na 'ai matanitu tani; o 'oya viroga na nodra i nuinui." ¹³ Me nomudou n are'i 'ei na va'acegu ni Alou ena vu'u ni nomudou va'abauta ei na kaukauwa ni Yalo Tabu me nomudou 'ina na i nuinui. ¹⁴ Au sa doudou me baleti emudou na veiwe'ani. Au doudou ni emudou sinai e na 'a si'a, ei na ila 'a. Au doudou nui 'ila ni sa rawa vei emudou mudou va'avulia emudou va'ata'ini emudou. ¹⁵ Ena yalo e dei au volavola ya'e vei emudou e so na 'a meu va'ananumi emudou viro e na vu'u ni loloma levu sa solia vei au na Alou. ¹⁶ E na loloma levu eni, o au na tamaata bobula nei Karisito Jisu sa talai vei 'edra na 'ai matanitu tani, me cabori vei 'edra me bau na beteni tu'utu'u sia ni Alou, me rawa ni va'adonui, va'atabui e na Yalo Tabu na nodra 'a ni va'acaboi soro na 'ai matanitu tani. ¹⁷ E na vu'u i Karisito Jisu au dodou meu' aya niu ca'ava ti'o na ca'aca'a ni Alou. ¹⁸ Au maqa 'ina niu doudou meu vola viro e duea na 'a, ia na 'a ga sa ca'ava na KArisito vei au na nona tamata e na nodra talairawarawa na 'ai matanitu tani. Sa ca'a na 'a eni e na vosa 'ei na ca'aca'a. ¹⁹ 'e na kaukauwa ni va'ata'ila'ila ei na 'a veiva'autabuita'i, 'ei na kaukauwa ni Yalo ni Alou. Sa yaco eni me te'ivu e Jerusalemi vata 'ei na veivanua va'avolivolita me yaco sara i Iliriko me rawa ni'u na va'adewata'ina na i tu'utu'u sia 'ei Karisito. ²⁰ Na noqu gagadre me'u na yadia na i tu'utu'u Sia, ia, maqa ni vanua sa 'ilai 'ina na yaca i Karisito baletea au maqa ni Siata me'u tara ca'e e dua na yavu sa tauyavuta'ina oti e dua viro na tamata. ²¹ Sa bau ga na ena sa volai, "Edra na raici 'oya o 'edra sa maqa ni yaco vei edra na i tu'utu'u vata ei edra sa maqa ni rogoca edra na ila." ²² O 'oya 'ina eni levu na gauna au ma tarovi me'u la'o ya'e vei emudou. ²³ Ia eni sa maqa ni dua na vanua me'u ti'o 'ina ena yasa ni vanua eni, ia, na yaloqu sa gula va'alevu meu la'o ya'e vei emudou. ²⁴ E na noqui la'ola'o i Sipeini, au si'ata meu raici emudou, mudou vu'ei au viroga e na noqu i la'ola'o ya'e, ni oti. Na noqu na marauta'ina na noqu na ti'o va'alele'a vata ei emudou. ²⁵ Ia e na gauna eni, au sa la'o i Jerusalemi vei qaravi vei edra na tamata lotu vua na Alou. ²⁶ Ia ena nodra loma soli na 'ai Masitania'ei Akaia edra solia e dua nai solisoli vei 'edra na dravudravua 'edra qaravi Alou ti'o e Jerusalemi. ²⁷ Ia, e na yalo si'a e dodonu ga me dra soli. E bau 'edra wasea vata na 'a va'ayalo vei 'edra na 'ai matanitu tani, io e dodonu me dra wasea na nodra i yau va'ayago vata ei 'edra na Jiu. ²⁸ O 'oya 'ina eni, niu sa va'aotia na ca'aca'a eni, va'deita'ina ni dra sa coqoma na i solisoli tauco'o ma va'asoumuni, au na la'i aici emudou ya'e e na noqu na la'o i Sipeini. ²⁹ Au 'ila ena gauna au na la'o ya'e 'ina vei emudou au na la'o vata ya'e e na veiva'alougatata'i tauco'o i Karisito. ³⁰ Au sa va'amasuti emudou 'ina na veiwe'ani e na vu'u ni Turaga o Jisu Karisito 'ei na loloma ni Yalo Tabu me emudou dua vata 'ei au e na masu vei 'oya na Alou 'e na vu'uqu. ³¹ Masu me'u na taqoma'i mai vei 'edra na dau talai dredre e Jutia, me dra ciqoma na noqu ca'aca'a na tamata ni Alou yalo savasava edra ti'o e Jerusalemi. ³² Masu mei'u na la'o ya'e vei emudou 'e na re'i me bau na lewa ni Alou, me rawa ni da na raica 'ina na va'acegu. ³³ Me na ti'o vata 'ei emudou na Alou dau veiva'acegui. Emeni.