¹ Dou ciqoni oya sa malumalumu na nona va'abauta ia me 'ua ga ni dei va'atulewa me baleta na'a sa beitai 'ina. ² E dua sa rawa ni 'ania va'aveitalia na 'a tauco'o ona vu'u ni nona va'abauta, ia, e dua sa malumalumu na nona va'abauta sa 'ania walega na drau ni 'acu. ³ Ia o 'oya sa 'ana va'aveitalia me 'ua ni beci 'oya sa maqa ni 'ana va'aveitalia ia, o 'oya sa maqa ni 'ana va'aveitalia me 'ua ni va'alewai oya sa 'ana va'aveitalia, ni sa ciqomi oya na Alou. ⁴ 'O cei o i'o mo va'alewai 'oya na dauveiqaravi nei dua tani viro na tamata? E na mata ni nona Turaga e na tuca'e 'ina o 'oya, ena lutu viro ga e na matai nona Turaga. ⁵ Edra na tamata e va'amaraqeta ca'e e dua na siga mai na dua wa'ega na siga. Ia, e dua viro e 'aya ni tautauvata tauco'o ga na siga. Me va'adeita'ina na tamata yadua e lomana. ⁶ O 'oya sa va'ananuma na siga sa va'ananuma me baleta na Turaga, o 'oya sa, 'ana sa 'ana ga me baleta na Turaga, ni o 'oya sa va'avinavinata'ina na Alou. O oya sa maqa ni 'ana, sa tarovi 'oya me 'ana me baleta na Turaga, ni o 'oya viro ga sa va'avinavina'ata'ina na Alou. ⁷ Ni sa maqa ni dua vei eda sa bula me baleti, oya ga, Sa maqa viro ga vei eda sa mate ina baleti oya ga. ⁸ E bau eda bula eda sa bula ga me baleta na Turaga, 'e bau viro ga eda mate, eda sa mate me baleta na Turaga. O 'oya eni se da bula se da mate eda na nona ga na Turaga. ⁹ Na i na'i ni nona mate 'ei na nona tuca'e mai na mate na Karisito, me na Turaga o 'oya vei edra na mate vata ei edra sa bula ti'o. ¹⁰ Ia na cava o sa lewai 'oya 'ina na we'amu ? Na cava o sa cati 'oya viroga 'ina. Ni da na tuca'e tauco'o e na mataveilewai e na mata ni Alou. ¹¹ Ni sa volai, "Ni'u sa bula," sa 'aya na Turaga, " 'edra na cuva tauco'o na duru va'ayadua ga, 'edra na va'atusa na yame va'ayadua ga vei 'oya na Alou." ¹² Me baleta na 'a eni na tamata va'ayadua e na solia na i tu'utu'u me baleti 'oya ena mata ni Alou. ¹³ O'oya me da 'ua ni va'alewa viro e dua, ia, dou navuca e yalomdou me 'ua viro ni dua me va'atarabeta'ina se vereta'ina na we'ana. ¹⁴ Au sa 'ila deiva'i e na vu'u ni Turaga o Jisu ni maqa ni dua na 'a sa tawasavasava. Ia, vei 'oya sa nanuma di dua na 'a sa tawasavasava, ia, vei 'oya ga sa tawasavasava. ¹⁵ E bau ea va'avuna me movia na yalo i dua na we'amu me baleta na magiti, sa maqa ni ti'o vei emudou na loloma. Me 'ua ni tarabe e dua na we'amu, o 'oya sa mate 'ina na Karisito me baleta na 'a mudou 'ania. ¹⁶ 'Ua viroga, ni dou 'aya ni sa ca e dua na 'a sa maqa ni ca. ¹⁷ Ni matanitu ni Alou sa maqa ni 'a ni 'ana, se unu, ia na yalododonu ga, na va'acegu 'ei na vei ena Yalo Tabu. ¹⁸ O 'oya va'ayadua sa qaravi Karisito e na i valavala eni, sa va'adonui 'oya na Alou, ia, sa va'adonui viroga mai vei 'edra na tamata. ¹⁹ O 'oya eni me da qai sagata sara na, vei 'a sa yadia mai vei 'eda na va'acegu 'ei na bei 'a sa tarai ca'e 'ina na noda bula. ²⁰ 'Ua ni va'acacana na ca'aca'a ni Alou me baltea na magiti. Sa savasava na 'a tauco'o, ia, sa ca vei 'oya sa 'ana qai va'avuna na nona tarabe viro e dua. ²¹ Sa maqa ni 'a si'a na 'ana lewe ni manumanu, se na unu waini, se ca'ava e dua na 'a me tarabe 'ina na we'amu. ²² Maroroya na nomu va'abauta vata ei na Alou. Sa 'aougata na tamata sa maqa ni beita'i na yalona e na vei 'a sa va'adonuya me ca'ava. ²³ Sa na lewai o 'oya va'ayadua sa 'ana e na tawa va'abauta baleta ni mawa ni va'abauta. Ni sa valavala ca na 'a sa ca'a ena tawa va'abauta.