¹ Ena vu'u ni nona loloma levu na Alou au sa va'amamasu 'ina vei emudou na vei we'ani mudou va'acabana na yago mudou me madali bula, savasava me va'adonui e na mata ni Alou, me namudou i soro va'ayalo. ² Mudou biuta tani na va'anananu sa va'avuravura, ia, me veisau tauco'o e na 'ena va'avasi na nomudou va'asama. Mudou va'ayacova eni me rawa ni mudou va'ila, va'adinadina taina na cava na 'a sia, talei ei na ena tauco'o na nona i na'i va Alou vei emudou. ³ Ena vu'u ni lolooma levu sa soli vei au, au sa 'aya 'ina vei emudou tauco'o; Ua ni nanuma va'ata'ini emudou ni emudou a sia ca'e sara, ia, mudou va'amalumalumutaini emudou me va'arauta ga na i va'arau ni va'abauta sa solia vei emudou na Alou. ⁴ Ni sa duidui na ti'i ni yagoda, ia, sa dua bauga na yago, sa duidui viroga na nodra ; tavi na veiti'i ni yago. ⁵ Sa bau viroga ena o eda ni da sa lewe levu, e da sa dua bauga na yago e na vu'ui Karisito, ia, eda ti'ina duidui va'ayadudua. ⁶ Sa duidui na solisoli sa soli vei eda me va'arauta ga na loloma sa dui soli vei eda. O 'oya sa soli vei oya na solisoli ni parofisai, ia me va'ayacovi me va'avauta na levu ni nona va'abauta. ⁷ O 'oya sa soli vei oya na solisoli ni veiqaravi, me ia ga na veiqavravi. O 'oya sa soli vei oya na solisoli ni veiva'atavulici, me ia ga na va'atavuvuli, ⁸ o 'oya sa soli vei 'oya na solisoli ni veiva'ayaloqaqata'i, me ia ga na vei va'ayaloqaqata'i. O 'oya sa soli vei oya na solisoli ni dau soli 'a, me ia ga ena yalo savu. O 'oya sa soli vei 'oya na solisoli ni vei liuta'i me ia ga ena yalo sa gugumatua o 'oya sa soli vei 'oya na solisoli ni dau loloma me ia ga e na yalo sa marautaina. ⁹ Me ua ni veiva'aisini na loloma. Ritayaina na 'a ca, tara matua na 'a sia. ¹⁰ Me baleta na loloma va'aveitacini, veilomani sara va'ai emudou. Me baleta na do'ai, me ia na veiro'oro'ovi va'ai emudou. ¹¹ Me baleta na gugumatua, mudou 'ua ni lomalomarua. Me baleta na yalo, mudou nanamai 'ina. Me baleta na Turaga qaravi 'oya. ¹² Re'i e na i nuinui, vosota na vei'a rarawa, gumatua e na masu. ¹³ Wasea na'a sa nomu vata ei edra na tamata yalo savasava. Va'araica e levu na salevu mo va'araitaina na nomu vei'auwaita'i. ¹⁴ Vosa va'alougatataini 'oya sa va'ararawataini io, va'alougatataina ga, mo ua ni vosa va'acacataina. ¹⁵ Re'i vata 'ei 'edra sa re'i; tagi vataei 'edra sa tagi. ¹⁶ Mudou veinanumi va'aiemudou. Me ni dokakoka na yalomudou, ia, mudou ciqomi edra sa yalomalumalumu. Dou ua ni nanuma ni dou sa vu'u. ¹⁷ Ua ni veisausaumita'ina na ca, mo ca'ava ga na a si a e matadra na tamata. ¹⁸ 'E rawa vei i'o tovoka e na nomu i gu mo ti'o va'a cegu vata ei 'edra na tamata tauco'o. ¹⁹ Daulomani, ua ni veisaumitaina na ca, ia, mo laiva vua na Alou me sauma na ca. Ni sa volai, "Sa noqu na vei cudruvi, au na sauma viroga," sa 'aya na Turaga. ²⁰ Ia, e bau sa dei 'ana na emu meca, va'ani [oya. E bau sa dei unu va'aunumi 'oya. E bau o ca'ava eni, o sa binia tio i vatu ni qona na qilaiso 'ata'ata. ²¹ Me 'ua ni rawai i'o na ca, ia, mo rawana ca e na 'asia.