¹ Au ma aya arai, ina ritavaini edra be'a na nona tamata na Alou? Me ua sara. "O au e dua na Isireli, e dua na 'awa mai vei Eparaama, ina yavusa 'o Penijamini. ² Na Alou ma maqa ni ritavaini edra na nona tamata ma il ai edra taumada. O ila be'a na a e'aya na i Vola Tabu me baleti Ilaijia, na nona beitaini Isireli vei 'oya na Alou? ³ "Turaga edra sa va'amatei edra na nomi au parofita, e dra sa vera'a sobu na nomiau cabocabo ni soro. 'O au dua ga sa vo, edra sa va'araici voli me'u va'amatei viroga." ⁴ Na cava sa 'aya vei oya na Alou? "Au sa maroroya me noqu e lewe vitu na udolu na tamata, 'o edra dra maqa ni cuva vei Peali. ⁵ Baa viro ga ina ena gauna e, sa tu ga eso na ena vo edra digitai ena loloma. ⁶ E bau edra sa digitai ena loloma sa qai maqa ena vu'u ni ca'aca'a, la'o la'o na loloma sa maqa ni qai loloma. ⁷ Baleta na cava? Na a edra ma va'araica ti'o na Isireli e dra maqa ni rawata, ia, o edra na digita'i edra rawata, o edra na ena vo edra ma va'akaukauwataina nayalodra. ⁸ Me baa sa volai, "Na Alou sa solia vei edra e dua na yala ni butobuto, na mata me ua ni rai, ei na taliga me ua ni rogo, me yacova mai na gauna sara ga e. ⁹ Sa qai 'aya 'O Tevita, "Laiva na nodra tepeli me yaco me i cori, ei na dai, me vatu edra tacaqe viroga ina me i sau ni nodrai tovo. ¹⁰ Me va'abutobutotai na matadra me dra ua ni rai rawa, me va'aroro vito ga na taudra. ¹¹ Au aya mada, "Edra tacaqe be'a me dra lutu ina? Me ua sara. Na nodra lutu sa yaco ina na bula vei edra na veimatanitu tani, sa va'aruvutaini edra. ¹² E bau sa vutuniyau 'o vuravura e na vu'u ni nodra lutu, ei na no dra malumalumu me vutuniyau ina o edra na veimatanitu tani, sa na qai va'acava na nodra va'alevulevui mai? ¹³ Raica au vosa ti'o e vei miau na veimatanitu tani. E na gauna au apositolo voli ina vei miau, au ma doa na noqu ca'aca'a. ¹⁴ De la'ola'o au na va'avuvutaini edra na we'aqu va'ayago, me va'abulai ina eso. ¹⁵ E bau na nodra biu tani ena yadia mai na veisiati i vuravura sa na va'acava na nodra va'adonui, e na bau bea na bula mai na mate? ¹⁶ E bau sa va'atabui na i sevu, ena bau viro ga ina na ena a tauco'o. E bau sa va'atabui na vuna e na bau viro ga ina na tabana. ¹⁷ Ia, e bau sa musu tani eso na tabana, e bau 'o io na taba ni olive mai alaulau 'o mai sema vata ei edra e bau 'o wasea vata ei edra na wa'a bulabula ni vuni olive, ¹⁸ mo ua ni do'ado'ai io mai vei edra na vo ni tabana. E bau 'o do'ado'ai io 'o sa maqa ni vuea tio na vuna, balete na vuna e to'oni io ti'o. ¹⁹ O na qai aya, "Edra ma musu tani na veitabana me'u rawa ni'u sema atu 'o au. ²⁰ E dina ena. Baleta na nodra maqa ni va'abauta, edra na musu tani ina, ia 'o io, e kaukauwa tio na emu i sema, baleta na nomu va'abauta. Me ua ni do'ado'ai io ina na nomu va'anananu, ia mo rere ga. ²¹ E bau e maqa ni va'avoca na tabana dina na Alou, e na maqa viro ga ni va'avoci io. ²² Mo raica mada, na asia ei na nene ni Alou, na nodra neneti na Jiu edra sa lutu, ia na loloma ni Alou ena la'o mai vei io e bau 'o ca'ava na vei a e siata 'o oya. De la'ola'o 'o na musu tani viro ga. ²³ 'O edra viroga, e bau edra sa va'abauta edra sa na sema viro mai. Na Alou, ga e na rawata me veisemati viro mai. ²⁴ E bau 'o sa musu tani mai na vuni olive ni alaualau, o qai mai sema ei na vuni olive sia, ena qai va'acava me tabana dina ga ma sa mai sema i na vuna dina ga? ²⁵ Ni'u maqa ni siata vei mutou na veiweani, me ua ni maqa ni tovoli vei mutou na a vuni e me qai va'avuna na nomutou lecai'a. Sa yaco medra domoqa tu na Isireli me yacova ni dua na i wase levu ni matanitu tani edra curu mai. ²⁶ Ia, edra na va''abulai tauco'o na Isireli, me baa sa volai: "Ena la'o mai Saioni na Dauniveiserei. E na yadia tani 'o oya na 'a e maqa ni va. Alou mai vei edra na Jekope. ²⁷ Ie, na noqu veiyalayalati ei edra, ni'u sa yadia tani na nodra i valavala ca. ²⁸ ME bau'a na i tu'utu'u ni kosipeli ni edra sa meca ena vu'umutou. Ia me bau na veidigitai e dra sa lomani baleti edra na Patiriaki. ²⁹ E maqa ni veivutunita'i na i solisoli ei na veiacivi ni Alou. ³⁰ Me bau na nomutou talaidredre i mada vei oya na Alou, ie sa qai nomutou na loloma ena vu'u ni nodra talaidredre. ³¹ E bau viro ga e 'o edra no Jiu, na nodra talaidredre. Na ena macala e, mai na loloma ma soli vei io, sa rawa viro ni era na lomani. ³² Na Alou sa qai sogoti edra va'adua ina talaidredre, me rawa ni va'araitaina vei edra tauco'o na nona loloma. ³³ Sa dina na titobu ni vutumiyau ni vu'u ei na lewa ni Alou! E maqa ni va'araici rawa ni nona lewa, ei na nona i valavala sa maqa ni unei rawa. ³⁴ 'O cei sa ila rawa na loma ni Turaga, se 'o cei sa nona dau ni va'asala? ³⁵ "Se 'o cei sa bau solia tau mada e dua na a vei oya na Alou, me saumi oya na Alou? ³⁶ Ni sa vu mai vei 'oya na'a tauco'o.Me nona tio ga na va'aro'oro'o me ua ni mudu. Emini.