¹ O i au o Paula na i talatala i Jisu Karisito, sa 'acivi meu apositolo sa tawasei me baleta na Kosipeli ni Alou, ² o 'oya sa yala ta'ina taumada 'ina mai vei 'edra na parofita 'e na i vola Tabu, ³ me baleta na Luvena mai na 'awa nei Tevita va'ayago. ⁴ 'E na vu'u ni Yalo Tabu savasava, ma 'aciva'i 'ina o 'oya e na kaukauwa, me. Luve ni Alou 'e na vu'u ni tuca'e mai na mate nei Jisu Karisito na noda Turaga. ⁵ 'E na vu'una sa noda 'ina na loloma savu 'ei na ca'aca'a va'a apositolo e na noda talairawarawa 'e na va'abauta e na 'edra maliwa na vei matanitu 'e na vu'u ni yacana. ⁶ 'E na 'edra maliwa na vei matanitu eni dou sa 'acivi viroga me 'emudou nona na Karisito. ⁷ Na i vola eni sa volai ya'e vei emudou na ti'o mai Roma, na nona 'a lomani na Alou, mudou sa 'acivi me, nona tamata yalo savasava. Me ti'o vata 'ei emudou na loloma savu 'ei na va'acegu mai vei 'oya na Alou na Tamada 'ei na Turaga o Jisu Karisito. ⁸ Taumada, au va'avinavina'a vei 'oya na noqu Alou e na vu'u i Jisu Karisito me baleti 'emudou tauco'o baleta na nanudou va'abauta sa vunauta'i e vuravura tauco'o. ⁹ Baleta sa noqu va'adinadina na Alou au qarava 'e na yalequ 'e na vu'u ni Kosipeli nei Luvena, 'ena noqu dau cavuti 'emudou 'ena veigauna. ¹⁰ 'E na veigauna tauco'o ni noqu masu au dau 'erea se salevu sava ga, me vua rawa niu yaco ya'e vei 'emudou me bau na nana lewa na Alou. ¹¹ Baleta ni'u gadreva me'u raici 'emudou me rawa ni'u solia vei 'emudou e so na i solisoli va'ayalo me na va'akaukauwata'ini emudou. ¹² I 'arai na noqu gadrera meda na veiva'ayaloqaqata'i e na 'emudou maliwa 'e na noda dui va'abauta, na noqu 'ei na nomudou. ¹³ 'Ena gauna eni au maqa ni Si'ata me mudou lecai 'a, na vei we'ani, ni levu na gauna au dau nanama'i me'u la'o ya'e vei 'emudou (ia au ma maqa ni rawa ni la'o ya'e me yacova mai eni) , me rawa ni so na tatamusu'i 'e na 'emudou maliwa, me bau ga au ma rawata e na 'edra maliwa na vo ni 'ai matanitu tani. ¹⁴ Au sa dinau tu vei 'edra na 'ai Kirisi 'ei 'edra viroga na 'ai veivanua tani, vei 'edra viroga na tamata vu'u ei 'edra na lialia. ¹⁵ Ia, vei au, au sa va'arau tu me'u vunau ta'ina viroga na Kosipeli vei 'emudou sa ti'o mai Roma. ¹⁶ Niu sa maqa ni maduata'ina na Kosipeli, baleta ni sa i 'oya eni na kaukauwa ni Alou me ia 'ina na veiva'abulai vei 'edra va'ayadua 'eda va'abauta, vei 'edra na Jiu 'ei 'edra na 'ai matanitu tani. ¹⁷ Baleta na Kosipeli sa va'araita'i 'ina na nona yadodonu na Alou mai na va'abauta i na va'abauta, me bau ga sa volai, "Edra na bula na yalododonu 'e na va'abauta." ¹⁸ Ni va'araita'i na nene ni Alou mai lomalagi me baleti 'edra tauco'o na dau ca'ava na i valavala tawadodonu; 'ei 'edra sa dau tarova na dina e na vu'u ni no dra i va'avala tawadodonu. ¹⁹ Na vuna eni baleta 'edra sa rawa ni raica na vei 'a sa 'ilai me baleta na Alou. Baleta sa va'araita'ina vei 'edra o 'oya. ²⁰ Ni sa raici votu na vei 'a vuni ni Alou, me bau na nona kaukauwa tawamudu 'ei na nona a va'arau va - Alou, sa raici va'asi'a mai na 'ena ma buli na vuravura e na vei 'a sa buli oti. O 'oya 'ina eni sa maqa ni dua na nodra ulubale. ²¹ I eni baleta ni 'edra maqa ni va'aro'oro'ota'ina na Alou 'edra maqa viroga ni va'avinavina'a vei 'oya, dina ga ni 'edra ma 'ilai 'ena. Ia, sa yaco me dra lialia e na nodra va'asama, 'ei na yalodra sa va'abobulata'i. ²² 'Edra 'aya ni dra vu'u, ia, edra sa lialia. ²³ 'Edra sa veisauta'ina na lagilagi ni Alou- sa maqa ni va'arusai rawa, me tautauvata 'ei na i yaloyalo ni dua na tamata sa rusa rawa, 'ei na manumanu vu'a, manumanu tuwai va 'ei na manumanu 'asi. ²⁴ I eni na vuna sa soli 'edra 'ina na Alou i na no dra garogaro ca ni yagodra me dra ca'ava na vei 'a sa tawa savasava me beci 'ina na yagodra e na 'edra maliwa. ²⁵ Sa i 'edra ga 'e dra sa veisauta'ina na dina ni Alou e na 'a sa maqa ni dina, 'edra lotu i'a 'edra qarava na 'a sa buli, ia 'edra maqa ni qarava na Dauniveibuli, o 'oya sa va'acaucauta'i me tawamudu. Emeni. ²⁶ Me baleta na 'a eni sa soli 'edra na Alou i na nodra gagadre va'asisila, nio 'edra na nodra yalewa 'edra sa va'aisosomita'ina na nodra i valavala 'edra ina buli 'ina i na duatani viro o 'oya sa maqa ni dodonu. ²⁷ Sa bau viroga ena o 'edra na tagane ni dra sa biuta na nodra veiwe'ani va'ayago vata 'ei na yalewa i na garogaro 'ata'ata va'atagane. I eni o 'edra na tagane 'edra va'ayacova na i valavala va'amadua 'ei na tagane; 'edra na qai Sotava 'ina na i totogi sa ganiti 'edra 'e na nodra ca'a ca'a. ²⁸ Baleta 'edra maqa ni va'adonuya me dra va' 'ila ni ti'o vata 'ei 'edra na Alou sa soli 'edra i na nodra va'asama lialia, me dra va'ayacora na vei 'a sa maqa ni dodonu. ²⁹ 'Edra sa sinai e na vei 'a tauco'o sa tawadodonu, valavala va'asisila, 'oco'oco ei na dau na'i ca. 'Edra sa sinai e na vuvu, daulaba, vei ba, vei dabui 'ei na dau na'i ca. 'E dra sa dau 'a'ase, ³⁰ vei va'acacani, dau cata na Alou, veibeci, viavialevu, dau tovotovoli 'oya, dau va'abulia e so na Salevu me i a 'ina na 'a ca, 'edra sa dau talai dredre vei 'edra na i tubutubu. ³¹ 'Edra sa sese, tawa va'abauta, maqa ni dau veinanumi, maqa ni dau loloma. ³² 'Edra 'ila na nona i va'aro na Alou, ni o 'edra sa dau ca'ava na vei 'a eni sa dodonu me mate. Ia, edra maqa ni ca'ava walega na vei 'a eni, ia, edra va'adonuya me dra ca'ava viroga o 'edra na tamata.