¹ O 'oya eni sa maqa na ulubale, o 'emudou na tamata, o 'emudou na Turagani lewa, e na 'a mudou va'atulewata'ina vei dua na tamata, dou sa vosa va'acacata'ini 'emudou. O emudou sa va'atulewa, dou sa ca'ava viro ti'oga na vei 'a dou sa va'atulewa 'ina. ² Ia 'ei tou sa 'ila ni sa dodonu na nona va'atulewa na Alou, baleti 'edra sa dau ca'ava na vei 'a bau eni. ³ Ia, dou va'alewa mada eni o emudou na tamata, o emudou na dau va'atulewa, vei 'edra sa dau ca'ava na vei 'a bau eni. Dou na vuli tani be'a mai na nona veilewai na Alou? ⁴ Se dou maqa soti ni nanuma va'abibi na 'ena levu ni nona 'a si'a, na nona dau va'abebera ni va'atauca na totogi, 'ei na nona dau vosota? Dou maqa be'a ni 'ila ni nona 'a si'a e dodonu me yadi 'emudou, mudou veivutuni? ⁵ Ia, e na bu'u ni kaukauwa ni yalomudou 'ei na yalo sa maqa ni veivutuni rawa, 'emudou sa binia ti'o na nanudou neneti 'ena siga ni vei neneti, i 'arai na siga e na va'ata'ilai ma'i 'ina na nana lewa dodonu na Alou. ⁶ 'E na saumi 'edra va'ayadua na tamata o 'oya, me bau na nodra i valavala, ⁷ vei 'edra sa raici ni maqa ni mudu na nodra ca'ara'a si'a 'edra sa rawata na va'avinavina'a, na va'aro'oro'o 'ei na tawa mate rawa sa solia o 'oya vei 'edra na bula tawamudu. ⁸ Ia vei 'edra sa dau nanumi 'edra ga va'ata'ini 'edra, 'edra talaidredre i na 'a dina, 'edra qai talairawarawa i na vei 'a sa tawadodonu, 'edra na sotava na nene waqawaqa. ⁹ Na Alou 'ena va'ayacora na vei 'a rarawa 'ei na loma taqana vei 'edra tauco'o na tamata sa dau ca'ava na vei 'a ca vei 'edra na Jiu 'ei 'edra na 'ai matanitu tani. ¹⁰ Ia, na va'avinavina'a va'aro'oro'o 'ei na va'acegu e na nodra na tamata tauco'o 'edra sa ia, na i valavala si'a taumada vei edra na Jiu vei 'edra viroga na 'ai matanitu tani. ¹¹ Ni sa maqa ni toto'ina e dua na Alou. ¹² Ni sa lewe levu 'edra sa valavala ca ni maqa na i vunau, 'edra na rusa viro ga ni maqa na i vunau; ni sa levu viroga 'edra sa i valavala ca me baleta na i vunau, 'edra na lewai viroga me bau na i vunau. ¹³ Ni maqa ni o 'edra na rogoca na i vunau 'edra sa i valavala dodonu e na mata ni Alou, ia, o 'edra ga sa va'ayacora na vunau sa va'adonui. ¹⁴ Baleta o 'edra na 'ai matanitu tani sa maqa ni ti'o vei 'edra na i vunau, ia, 'edra sa muvia na vunau 'edra sa lewa ga va'ata'ini 'edra dina ga ni maqa ni ti'o vei 'edra na i vunau. ¹⁵ 'E na vu'u ni vei 'a eni, 'edra va'araita'ina 'ina na ca'aca'a e gadrevi e na vunau sa volai tu e na yalodra. Sa va'adinadinata'ina eni na nodra lewa e loma 'ei na nanuma ni lomadra se me dra beita'i se taqoma'ini 'edra va'ata'ini 'edra; ¹⁶ vei 'oya viroga na Alou. 'E na qai yaco eni 'e na siga sa na lewai 'edra 'ina na Alou me baleta na nodra 'a vuni na tamata tauco'o, me bau na noqu kosipeli e na vu'u i Jisu Karisito. ¹⁷ Ia, 'e bau o 'aya ni o i'o edua na Jiu o va'abauta na vunau, o qai do'a do'ai i'o e na vu'u ni Alou, ¹⁸ o qai 'ila viroga na nana i na'i, o qai va'adinata na vei 'a sa cece're baleta ni o sa va'abulici oti e na i vunau; ¹⁹ e bau o sa va'adinadinata'ina e yalamu ni o 'i'o dau tuberi 'edra na matabo'o, o rarama vei 'edra sa tu 'e na butobuto, ²⁰ o dau veiva'adodonuta'i vei 'edra sa lialia na nodra qasenivuli na yaqiti qiqisi, qai tio e na nomu dou vunau na 'ila 'a 'ei na dina, ia, 'e na va'a mawe va'acava na vei 'a eni e na nomudou bula? ²¹ O io na dau va'a tavulici 'edra na tamata, a maqa ni o va'atavulia i'o? O i'o na vunauta'ina me 'ua na buta'o, o buta'o ti'o? ²² O i'o na dau 'aya me 'ua na dauyalewa, a maqa li ni o dauyalewa? O i'o sa cata na qaravi matakau, o dau buta'o mai na valenisoro? ²³ O i'o na dau sa'ita'ina na i vunau, o maqa li ni ro'ora ua Alou 'e na nonu basua na i vunau? ²⁴ Baleta, "na rosa ni Alou sa rosa va'aca'ata'i e na 'edra maliwa na 'ai matanitu tani baleti emudou," me bau ga sa volai. ²⁵ Na vei cilivi 'e na yaga dina vei 'emudou 'e bau 'emudou talai rawarawa i na vunau, ia, 'e bau dou vovo'a na vunau, sa na yaco me tawacili na nomudou cilivi. ²⁶ Ia, 'e bau na maroroya na 'a sa va'arota na vurau na tamata tawacili ena maqa li ni na wili na nona tawacili me cili? ²⁷ 'E na maqa ni rawa vei 'oya sa maqa ni cilivi va'ayago me vosa va'acacata'ini 'emudou e bau sa maroroya na vunau? I eni sa baleta ni sa ti'o vei 'emudou na i vunau 'ei na veicilivi, ia, doui sa roro'a na i vunau! ²⁸ Ni sa maqa ni Jiu e dua sa va'ayago (se raici atuba ni Jiu); a maqa viroga ni cili na i rairai walega e tuba va'ayago. ²⁹ Ia, e Jiu o 'oya na tamata e loma, 'ei na cilivi sa la'o mai na yalo, e na Yalo Tabu, a maqa e na maqe ni volavola e na liga. Na no na lagilagi na tamata bau eni sa maqa ni va'avuna na tamata, ia, sa mai vei 'oya ga na Alou.