¹ Ni sa ila o Jisu ni edra sa rogoca na Farisi na nona ca'aca'a eina papitaiso, ni levu ca'e mai vei Joni. ² (E dina ni o Jisu maqa ni ca'ava na vei papitaiso ta'i, o edra ga nona tisaipeli), ³ E biuti Jiuti me lesu viro i Kaleli. ⁴ Ia e rawarawa ca'e vei oya me lao ccurumi samaria ⁵ Sa qai lao mai na oro o Samaria, va'a to'ai o Saika, voleata na ti'i ni dra'a nei Jekope oya ma solia vei Josefa na luvena. ⁶ E tio i arai na tobu ni wai nei Jekope. E mai to'a voli o Jisu e yaso ni tobu, ni sa wawale voli mai nona lao. Ni rauta tio arai na i a ono ni auwa. ⁷ E edua na yalewa ni Samaria ma lao voli mai me mai ta'i wai, qai aya o Jisu vei oya, "Solia mai vei au na wai meu unu." ⁸ Edra lao tu nona tisaipeli itauni medra la'i voli magiti. ⁹ Qai aya na yalewa ni Samaria vei oya, "E rawa va'acava, o io na Jiu, mo qai erei au, O au na yalewa ni Samaria, qai o siata mo unu?" Ni Jiu ei edra na ai Samaria dra maqa ni vei siati tu. ¹⁰ Qai sauma o Jisu qai aya vei oya, "E va'a ga o ma ila nai solisoli ni Alou, ei oya viro ga e vosa tio e, solia mai meu unu, 'O io na tarogi oya, ena qai solia vei io na wai ni bula." ¹¹ Qai aya na yalowa vei Jisu, E miau na turaga, e maqa nomu i ta'itai baleta ni nubu na Jiovu E na gadi mai vei na wai ni bula? ¹² O ni cecere bea mai vei Jekope na tamai eimami, Oya ma solia vei eimami na Jiovu, oya ma unu ina o oya, ei edrautou na luvena ei na nona manumanu? ¹³ Sa qai sauma o Jisu, vei oya, "Ve i edra na unuma na wai e edra na dei unu tio ga. ¹⁴ Ia na wai au na solia e vei oya, ena maqa ni dei unu viro. BAleta, ni wai au na solia vei oya, E na tovure cae ina bula tawamudu." ¹⁵ Qai tovola na yalewa vei oya, "Turaga, ni solia mai vei au na wai, baleta me'u ua ni qai dei unu viro, me ua viroga ni qai ta'i wai mai ena Jiovu. ¹⁶ Qai aya o Jisu vei oya, "Lao la'i acivi watimu mai, qai lesu viro mai." ¹⁷ E aya o yalewa vei oya, "E maqa ni dua na watiqu." Sauma lesu o Jisu, "O sa aya dina mai, 'ni maqa na watimu.' ¹⁸ Ia o io e lima na watimu, O oya mudrau tio vata e, e maqa ni watimu. Na a o aya li e dina. ¹⁹ Sa tovola o yalewa vei Oya, "Turaga, au sa qai ila ni o emiau na parofita dina. ²⁰ O edra na neimami matua edra dau lotu ena Ulu ni vanua e, O qai aya o io mai Jerusalemi ga na vanua edra dau lotu ina. ²¹ Aya o Jisu vei oya, va'abauti au, yalewa, na yauwa mai e ena yaco na gauna mo lotu vei tamaqu, maqa ena ulu ni vanua se o Jerusalemi. ²² O lotu tio vei dua o maqa ni ilai oya. Eimami lotu vei oya eimami ila, ni sa lao mai vei edra na Jiu na vei va'a bulai. ²³ Ia, eno yaco mai na gauna, Sai oya sara ga e na gauna, edra na lotu va'a yalo va'a i dina vei tamaqu, O oya saraga e va'a raica tou me dra lotu. ²⁴ E Yalo na Alou, O edra era lotu vei oya e dodonu me edra lotu va'a yalo qai va'a i dina. ²⁵ Sa aya na yalewa, "Au sa ila ni na lao mai nai va'abula (oya na yacana o Karisito). Na gauna ena lao mai ina, ena qai va'a macala o oya vei eda." ²⁶ Qai aya o Jisu, "O oya saraga emudrau vei vosa'i tio e." ²⁷ Ena gauna vata 'arai sa dratou sa yaco mai na nona tisaipeli, dratou 'urabui ni vosa ti'o vei dua na yalewa, ia a maqa ni dua ma taroga, "Na cava o va'araica ti'o?" Se "baleta na cava o vosa ti'o 'ina vei 'oya?" ²⁸ Sa qai biuta to'a mai o yalewa nona saqa ni wai, me lesu i naoro, me la'i tovola vei edra na tamata, ²⁹ "Ni lao mada mai, dou mai raica mada na turaga e ma aya vei au na a tauco'o me baleti au. Maqa bea ni o oya na Karisito?" ³⁰ Edra qai biuta na oro medra lau mai vei oya. ³¹ Gauna vata arai, dratou qai aya na tisaipeli vei Jisu, "Rapai, ana mada." ³² Qai aya o oya vei dratou, "Tio vei au na magiti meu ania oya dou maqa ni ila." ³³ Dratou veivola'i na tisaipeli dratou qai aya, "E maqa ni dua ma auta mai na ena magiti, E so bea?" ³⁴ Aya o Jisu vei dratou, "Na equ magiti oya meu ca'ava na lomai oya ma talai au mai, meu va'a otia na nona ca'aca'a. ³⁵ Maqa li ni o ma aya, 'Sa vo ga e va na vula me yaco mai na gauna ni tata musu'i? Raica au ma sa aya vei emudou, Dou tacae raica nai teitei, edra sa matua tu me dra tamusu'i. ³⁶ O oya sa tatamusu'i ena saumi sara tio ga me soqona tio na vuata ina bula tawa mudu, me drau marau vata ina na dau 'a'bura'i eina dau tatamusu'i. ³⁷ Sa qai dina ina na vosa arai, 'E dua e abura'ina, e dua tani e tamusu'a. ³⁸ Au tala'i io mo tauca mai na a O maqa ni ca'aca'a ta'ina. Edra ca'aca'a ina e so viro, dou qai mai tauca na vua ni nodra ca'aca'a. ³⁹ E levu vei edra na a'i Samaria ena oro arai edra va'a bauti oya baleta na nona i tu'utu'u na yalewa ma tu'uni yalo, "E ma aya vei au o oya na a tauco'o ma dau ca'ava tu. ⁴⁰ Ni dra sa lao mai na a'i Samaria vei oya, Edra qai erei oya e rawa ni tio mada ei edra, qai tio oya me rua na siga. ⁴¹ E lewe levu edra va'abauti oya baleta nona vosa. ⁴² Edra qai aya vei yalewa, "E e eimami sa qai va'abauta, e maqa ni baleta nomu vosa, e baleta ga ni eimami sa qai rogoci oya Saraga ni sai e oya, Eimami sa ila ni sai oya dina na'i va'abula e vuravura." ⁴³ Ni oti e rua na siga, sa biuta na vanua arai me lao i Kaleli. ⁴⁴ O Jisu va'atai oya e aya ni Parofita e maqa ni ro'ovi i nona vanua. ⁴⁵ Ni sa yaco mai Kaleli, Edra qai idava'ini oya. Edra sa raica oti e levu na a ma ca'ava mai Jerusalemi e na gauna ni ana vata, O edra viroga ma lao ena ana vata. ⁴⁶ Sa qai lao viro o Jisu mai Kena i Kaleli na oro ma vu'ica ina na wai me waini. E tio ina e dua na tamata ca'aca'a levu ni matanitu. E tio na luvena tagane ma tauvi mate oto mai Kapenaumi. ⁴⁷ Ni sa rogoca o oya ni sa lao mai o Jisu i Jiutia ei Kaleli, Qai lao o oya vei Jisu me erei oya me lao sobu mada mai me va'abulai luvena, ni sa volea tu ni mate. ⁴⁸ Sa qai aya o Jisu vei oya, "E na maqa ni dua vei emudou e va'abauta va'avo mo unea na ca'aca'a mana eina vei va'aruabu'ita'i." ⁴⁹ Sa qai aya vei Jisu na tamata arai, "Daru mai lao sobu, ni se bera ni mate na luvequ." ⁵⁰ Qai aya o Jisu vei oya, "Lao ga, sa bula na luvemu!" Sa va'abauta na vosa i Jisu o oya sa lao sara. ⁵¹ Ia ni sa lao sobu na tamata arai, sa tava'i oya nona tamata ca'aca'a, dratou qai tovola ni sa va'abulai na luvena. ⁵² Sa qai tarogi dratou o oya, na gauna cava ma bula cae mai ina na yaqiti. Qai aya o dratou vei oya, "Ena siga e nanoa na'i a vitu ni yauwa sa biuti oya na tauvi mate." ⁵³ Qai va'a nanuma o tama ni yaqiti ni yauwa sara ga ma aya vei oya o Jisu, "Sa bula na luvemu." O oya ei na nona mata vuvale dratou sa qai va'abauta. ⁵⁴ O oya e nai arua ni ca'aca'a mana ma ca'ava o Jisu nona biuti Jiutia me lao i Kaleli.