¹ E dua na Farisi na yacana 'o Nikotimo e dua na nodra i liuliu na Jiu. ² Ma la'o mai vei Jisu ni bogi mai 'aya vei oya "Va'avuvuli eimami 'ila ni' 'o io e dua na i va'avuvuli 'o la'o mai vei 'oya na Alou, baleta e maqa ni dua e ca'ava rawa na veiva'ata'ilaila 'o ca'ava e, va'aavo ni tio vata ei io na Alou. ³ Sauma vei 'oya 'o Jisu qai 'aya, "E dina, e dina, va'avo e dua na tamata e sucu vou viro, e na maqa ni rawa ni raica na matanitu ni Alou." ⁴ Sa qai 'aya 'o Nikotimo vei 'oya, "E na rawa va'acava me dua na tamata me sucu viro ni sa matua? E na maqa ni rawa ni curu va'arua i na etei tinana me sucu viro. ⁵ Sa qai 'aya 'o Jisu, "E dina, e dina, va'avo me dua na tamata me sucu ina wai ei na Yalo Tabu, e na maqa ni rawa ni curu i na matanitu ni Alou. ⁶ Sa va'ayago 'o 'oya sa sucu ina yago, ia sa va'aya 'o 'o 'oya sa sucu ina yalo. ⁷ Mo 'ua ni 'urabui ni'u tovola vei i'o, "E dodonu mo sucu viro." ⁸ Na cagi e liwa ga 'ina vanua e siata, o na rogoca na ena rorogo ia 'ona maqa ni 'ila na vanua e liwa ina, se na vanua e la'o ina. Ena bau viro ga ina 'o edra sa sucu ina Yalo Tabu." ⁹ Sauma vei 'oya 'o Nikotimo qai 'aya E na yaco rawa va'acava na vei'a e? ¹⁰ Qai 'aya vei 'oya 'o jisu, "O io be'a e dua na nodra i va'avuvuli na Isireli, ia 'o maqa tu ni ila na vei'a e?" ¹¹ "E dina, e dina, a sa 'aya vei io, eda na vosataina na'a eda ila, ia eda na va'adinadinataina na a eda raica. Ia, o mutou, mutou maqa ni va'abauta na a 'eitou tovola tio. ¹² E bau au tovola vei mutou na vei'a va'avuravura mutou qai maqa ni va'abauta, mutou na qai va'abauta va'acava e bau au na tovola vei mutou na vei'a va'a lomalagi? ¹³ E maqa ni dua se la'o ca'e i lomalagi va'avo ga, 'o 'oya ma la'o sobu mai Lomalagi, na Luve ni Tamata. ¹⁴ Me ba'a ga na nona laveta ca'e 'o Mosese na gata mai na loma ni le'utu, ena laveti cae bau viro ga ena na Luve ni Tamata, ¹⁵ me rawa vei edra tauco'o na va'abauti 'oya me dra rawata na bula tawa mudu. ¹⁶ Ni sa lomani edra na ai vuravura na Alou, sa solia ina na Luvena e dua ga, me cia ni rusa o 'edra yadua sa va'abauti 'oya me dra rawata ga na bula tawa mudu. ¹⁷ Ni sa maqa ni tala mai vuravura na na Luvena na Alou me va'acacani edra na ai vuravura, me dra bula ga na ai vuravura ena vu'una. ¹⁸ 'o 'oya yadua e va'abauti 'oya e na maqa ni neneti, ia 'o 'oya ga e maqa ni va'abauti 'oya e na 'eneti, baleta e maqa ni va'abauta na yaca i Luvena e dua ga. ¹⁹ I e na vuni nodra neneti, Sa la'o mai vuravura na rarama, na tamata e dra lomana ga na butobuto dra cata na rarama, baleta ni sa ca na nodra i valavala. ²⁰ Ni;p edra yadua edra ca'ava ti'o na a ca edra cata na rarama, e dra maqa ni dei la'o mai na rarama de qai unei na nodra i valavala. ²¹ Ia 'o 'oya yadia e ca'ava na asia e la'o mai na rarama, me va'araitaina na nona i valavala ni sa si ata na Alou." ²² Sa oti arai, dratou sa qai la'o 'o Jisu ei dratou na nona tisaipeli ina vanua va a Jitia, dratou tio mai ina me veipapitaisota'i. ²³ E na gauna e 'o Joni ma sa veipapitaisota'i voli mai Inoni volea i Selini baleta ni levu ina na wai. Edra sa la'o mai na tamata medra papitaiso, ²⁴ ei ni ma sa lera ni biu i vale ni vesu 'o Joni. ²⁵ Mai arai ma qai yaco e dua na veiba ina edra maliwa e so na tisaipeli nei Joni e i na dua na Jiu me baleta na veiva'asavasavatai. ²⁶ Edra la'o vei Joni me dra 'aya vei 'oya "Va'avuvuli 'o 'oya ma ti'o vata ei io e na yasana a dua ni Joritani, 'o 'oya o ma tovola tio, raica sa vipapitaisot'ai ti'o, e dra sa la'o tauco'o ina na tamata." ²⁷ Sauma 'o Joni qai 'aya, "E na maqa ni rawata e dua na 'a e dua na tamata, va'avo ni sa soli vei 'oya mai Lomalagi." ²⁸ Mutou ma tovola, niu 'aya, "Au maqa ni'o Karisito 'o au, ia au ma talai mai mada vei 'oya." ²⁹ Na yalewa va'awati sa nona na watina. Ia, na weani watina, 'o 'oya sa tu me rogoci 'oya sa marau va'alevu ni rogoca na domo i watina tagane. SA qai a tauco'o ina na noqu marau. ³⁰ Sa dodonu me ti'o ga i ca'e 'o 'oya ia me'u ti'o ga i ra 'o au. ³¹ 'O 'oya e la'o mai ca'e e cecere vei edra tauco'o. 'O 'oya sa la'o mai vuravura e sa ai vuravura, e vosoataina ga na vei'a va'aruravura. 'O oya sa la'o mai Lomalagi e cecera duadua vei edra. ³² E tovola na veia e rogoca, ei na vei'a e raica ia e maqa ni dua e ciqoma na vei a e tovola ti'o. ³³ 'O edra dra coqoma na vei'a e tovola, edra sa va'adeitaina ni dina na Alou. ³⁴ Ni 'o 'oya amutala mai na Alou, e vosataina na vosa ni Alou, ni sa solia wale na Yalo Tabu na Alou. ³⁵ Ni sa lomani Luvena 'o Tamana, sa solia na 'a tauco'o i ligana. ³⁶ 'o 'oya sa va'abauta na Luvena sa rawata na bula tawa mudu 'o 'oya sa sa maqa ni va'abauta na Luvena e na maqa ni raica na bula, e na ti'o ga vei 'oya na nene ni Alou.