¹ Na i matai mada ga na veiyalayalati sa ti'o viroga na ena i valavala ni vei qaravi vata 'ei na 'ena valenisoro va'avuavura. ² Baleta ni ma sa va'arauta'i tu e dua na valenisoro. Na i matai ni wasewase ni vale, ma tu 'ina na i tutu ni cina, na tepeli 'ei na madrai sa raici ma va'ato'ai na ti'ina tabu. ³ Ia e na tauda'u ni 'arua ni latilati i na dua viro na i wasewase ni vale e na valenisoro sa va'aro'ai na loqi tabu sara. ⁴ Sa ti'o 'ina na i tutu Koula ni 'a boi si'a. E ti'o viroga 'ina na 'ato ni veiyalayalati, sa ubi tauco'o e na Koula. E loma ni 'ato e ti'o ina na saqa Koula ni mana, na i Sito'o nei Eroni sa se, vata 'ei na vatu ni veiyalayalati. ⁵ E na dela ni 'ato ni veiyalayalati, na jerupimi va'ai u'uu'u sa va'aruguta na i cabocabo ni bulubulu 'eda maqa ni rawa ni va'amacalata'ina va'amatata. ⁶ Ni sa va'aranta'i oti na 'a tauco'o eni, na bele levu sa dau curu mai na wasewase ni vale i tuba ni vale tabu me va'ayacora na nodra i tavi va'a bete. ⁷ Ia na bete levu duadua ga sa dau curu i na i 'arua ni wasewase ni vale, va'adua ga e na dua na yaba'i ni dau yadia na dra me dau va'acabora me baleti 'oya, vata 'ei edra na tamata e na vu'u ni nodra i valavala ca sa maqa ni naiti. ⁸ Na Yalo Tabu sa va'araita'ina ni tuwai ga ni gauna e na tuca'e tu 'ina na i matai ni vale tabu, e na maqa ni rawa ni rairai mai na salevu i na loqi tabu sara. ⁹ I eni 'ina na i va'ata'oma'ara e na gauna sara ga eni. Na i solisoli 'ei na va'a caboisoro sa va'acabori ti'o ma maqa ni va'atauco'ota'ina na nona lewa e loma na tamata sa lotu. ¹⁰ 'Edra ma lewa taina ga na 'a ni 'ana ei na unu 'ei na veimataqali soqo ni vuivui, na vei va'aro va'ayago me yacova na gauna ni va'aro vou. ¹¹ Na Karisito ma la'o mai me bete levu ni vei 'a si'a sa yaco mai. O 'oya sa la'o curuma na vei 'a cecere ei na valae tabu sa tauco'o maqa ni ma ca'a e na liga ni tamata, maqa viroga ni dua e bula ti'o e na vuravura buli eni. ¹² Maqa e na dra ni me se luve ni bulumakau, ia, mai na nona dra ni ma curu ga va'adua i na loqi tabu sara me va'adeita'ina ina na noda va'abulai sa tawamudu. ¹³ E bau a rawa ni va'asavasavata'i na yagodra o 'edra sa va'acacani e na dra ni me 'ei na bulumakau'ei na va'amira'i ni dravusa ni bulumakau, ¹⁴ e sa na qai va'acava sara na 'ena levu na 'a e ca'ava na dra nei Karisito; e na vu'u ni Yalo Tabu sa tawamudu, sa soli 'oya sa maqa na nona cala vei 'oya na Alou. Sa va'asavasavat'aina na noda lewa e loma mai na ca'aca'a ni veiva'amatei me da qavava na Alou bula. ¹⁵ I eni na vuna sa noda Dautataro e na veiyalayalati vou. Sa yabo eni ni sa yaco oti na mate me rawa ni voli 'edra ma bula ena veiyalayalati taumada mai na nodra i talaidredre, ia, o 'edra sa 'acivi e na nodra na vosa ni yalayala me dra i tau'ei ni solisoli sa tawamudu. ¹⁶ Ia ni sa dua na veiyaladyalati, me na va'adinadinata'i e na nona mate na tamata sa ca'ava na veiyalayalati. ¹⁷ Ni veiyalayalati e na qai va'abau ga ni sa yaco na mate, baleta e na maqa ni kaukauwa na veiyalayalati e bau se bula ti'o o 'oya ma ca'ava na veiyalayalati. ¹⁸ Ni ma maqa mada ga ni va'adeita'i na i matai ni vaiyalayalati e maqa na dra. Na i matai ni veiyalayalati ma maqa ni rawa ni va'adeitai walega, ia, ma va'adeitai ga ena dra. ¹⁹ Na gauna ma solia 'ina o Mosese na vei va'aro tauco'o e na i vunau vei 'edra na tamata tauco'o, sa qai tara na dra ni luve ni bulumakau vata 'ei na me, vata 'ei na wai, na vuti ni sipi damudamu 'ei na isopo me va'amira'a i na i 'vola vivigi, vei edra tauco'o viroga na tamata. ²⁰ Sa qai 'aya, "I eni na dra ni veiyalayalati sa va'avota na Alou vei emudou." ²¹ Sa qai va'amira'a na dra e na vale, tabu vata 'ei na yaya tauco'o sa dau va'ayagata'i 'e na veiqaravi. ²² Me bau ga na i vunau, vole'a ni a tauco'o 'e na va'asavasavat'ai 'e nadra. E bau sa maqa ni va'adavei na dra, sa maqa ni rawa ni da vosoti. ²³ O 'oya 'ina ena ma dodonu me va'asavasavata'i na va'ata'ava'ava ni a sa tu mai lomalagi e na va'acabovi na manumanu me i soro. Ia na i yaya, va'alomalagi me na va'asavasavata'i e na va'acaboisoro e uasivi ca'e sara. ²⁴ Ni sa maqa ni curu o Karisito i na loqi tabu sara sa ca'a e na leqa, o 'oya na i yaloyalo walega ni 'amu na 'a dina Ia, e curu i lomalagi va'ata'ini 'oya me rairai e na mata ni Alou e na vu'uda. ²⁵ Ma maqa ni la'o o 'oya me va'acabori 'oya va'a tausoso me bau o 'edra na bete levu, o 'oya sa dau curu i na loqitabu sara e na veiyaba'i e na dua tani viro na dra sa nona e dua. ²⁶ E ma bau 'arai, e sa na qai Sotova na 'a rarawa e na levu na gauna me te'ivu mai na ena buli o vuravura. Ia, i eni sa la'o mai e na i va'ataotioti ni gauna me na yadia tani va'adua na i valavala ca e na nona va'acabori 'oya va'ataini 'oya. ²⁷ Me bau ga ni sa lesi va'ayadua na tamata me mate, ni oti sa na qai yaco na veilewai, ²⁸ Sa o'oya viroga ena na Karisito ma cabori va'adua ga me yadia tani na i valavala ca ni lewe levu, e na qai rairai viro mai va'arua, maqa ni baleta na i valavala ca, ia, ena nodra va'abulai o 'edra sa wara'ini 'oya ti'o.