¹ Na i vunau ma va'ata'ara'ara walega ni 'a si'a e na yaco mai, ia, a maqa ni yaloyalo ni 'a dina. O 'edra sa torova na Alou e na maqa ni rawa ni tauco'o e na va'acaboisoro 'edra va'acabora na bete e na veiyaba'i. ² 'E bau ma maqa, 'e ma mudu be'a na va'acabo i soro? Ni o edra na lotu 'edra ma sa va'asavasavata'i ga va'a dua, sa maqa viro ni dra va'a nanuma na i valavala ca. ³ Ia na va'acaboisoro 'arai, edra ma va'ananumi ti'o e na i valavala ca e na veiyabai. ⁴ Ni sa maqa ni rawa me yodia tani na i valavala ca na dra ni bulumakau 'ei na dra ni me. ⁵ O 'oya eni sa 'aya 'ina na Karisito e na nona ma la'o mai vuravura, "Na i soro 'ei na madrali miau maqa ni gadreva, ia e dua na yago miau sa va'arauta'ina me baleti au," ⁶ miau sa maqa ni marauta'ina na i madrali sa va'atari ei na madrali ni valavala ca. ⁷ Au ma qai 'aya, "Raica sa i au eni"- me bau sa volai me baleti au e na i vola vivigi - meu va'ayacora na loma ni Alou. ⁸ Ma 'aya taumada, "Ni maqa ni miau gadreva na i soro se madrali, a maqa ni madrali va'aduadua, se i madrali ni valavala ca.A maqa viroga ni miau marauta'ina. Sa o 'edra eni na i madrali sa va'acabori me bau ma tovoli e na vunau. ⁹ Sa qai 'aya o 'oya, "Raica sa i au eni me'u ca'ava na lomamiau." Sa yadia tani o 'oya na i matai me va'ayacora na 'e na i 'arua. ¹⁰ 'E na i va'aro, eni 'eda sa va'asavasavata'i va'adua 'ina e na vu'u ni 'ena va'acabori na yago i Jisu Karisito. ¹¹ 'E na veisiga yadua 'edra tu ca'e na bete me dra va'ayacora na nodra i tavi va'abete, e na 'ena va'acabori ti'o na i madrali e na veigauna - na i madrali e na maqa ni rawa ni yadia tani na i valavala ca. ¹² Ia, 'e na gauna ma va'acabora 'ina na Karisito na i soro ni valavala ca e dua bau, va'a dua ga, sa ti'o sobu 'e na liga i matau ni Alou. ¹³ Sa wara'ina o 'oya me yacova na gauna me i tutu ni tuwana 'ina na 'ena meca. ¹⁴ 'E na dua ga na i Soro, sa va'atauco'ota'ina 'ina va'adua o 'edra sa va'asavasavata'i. ¹⁵ Sa va'adinadinata'ina viroga vei 'eda na Yalo Tabu, "Na i matai, sa 'aya o 'oya," ¹⁶ "Sa i eni 'ina na veiyalayalati, au na ca'ava vei 'edra ni oti na veisiga 'arai, sa 'aya na Turaga. Au na biuta na noqu ni vunau'e na yalodra, au na vola viroga e na nodra va'anananu." ¹⁷ Sa qai va'uria qai 'aya, "Na nodra i valavala ca 'ei na nodra talaidredre i na vunau au na maqa viro ni nanuma." ¹⁸ 'E na gauna eni, ni sa tu na veivosoti e na vei 'a eni sa maqa viro ni qai dua na i soro ni valavala ca. ¹⁹ O 'oya ina eni na veiwe'ani, 'eda sa qai doudou me da curu i na loqi tabu sara, 'e na vu'u ni dra i Jisu. ²⁰ Sa i 'oya 'arai na salevu vou 'ei na bula, sa mai va'adeita'ina o 'oya me curuma na i lati, o 'oya 'arai 'ena vu'u ni yagona. ²¹ Baleta sa ti'o na noda bete levu sa raica na vale ni Alou; ²² me da qai torova 'yae e na yalodina e na va'adeita'i ni va'abauta, e na savai me savasava mai na noda va'asama du'a, me savai na yagoda 'e na wai savasava. ²³ Me da tara marua na noda i nuinui o 'oya eda sa va'atusa ni dina o 'oya sa vosa ni yalayala. ²⁴ Me da nanuma me da dau veiva'a yaloqaqata'i me da veilomani me da ca'ava na 'a si'a. ²⁵ Me da 'ua ni biuta tani na va'asoqoni vata me bau 'edra dau ca'ava e so. Ia me da vaiva'ayaloqawata'i ga, ia, me va'alou sava ni da raica sa vole'a ti'o mai na siga. ²⁶ 'E bau 'eda na ca'ava ti'oga na i valavala ca ni da sa 'ila oti na dina, sa maqa niro ni qai dua na i soro ni valavala ca sa vo. ²⁷ Ia sa tu ga e dua na mataqali rere 'eda nama'ina 'eda na lewai 'ina 'ei na nene waqawaqa ni bu'awaqa o 'oya sa 'ani 'edra na meca ni Alou. ²⁸ 'Edra na mate va'aloloma o 'oya va'ayadua sa beca na i vunau i Mosese e na nodra i va'adinadina e lewe rua se tolu na i va'adinadina'. ²⁹ 'E sa na qai va'acava li na bibi ni totogi e dodonu me soli vei 'oya va'ayadua sa butura'ina sobu na Luve ni Alou, o 'oya sa maqa ni do'a na dra ni veiyalayalati, me 'a wale na dra o 'oya sa va'asavasavata'i 'ina - qai va'amavo ata'ina na Yalo Tabu? ³⁰ Ni da sa 'ila o cei ma 'aya, "Sa noqu na veineneti, oi au na sauma lesu." Au 'aya viro, "Na Turaga e na lewai 'edra na nona tamata." ³¹ Ni sa 'a va'arereva'i me dua e lutu e na liga ni Alou bula." ³² Ia nanuma na veisiga sa sivi, ni oti na nomudou va'ararawata'i ena nomudou ma vosota na vei 'a rarawa. ³³ So na gauna miau ma va'amaduata'i qai va'ararawata'i e matana levu, e na so na gauna miau ma wasea vata 'ei 'edra na sotava viroga na i va'arau 'arai. ³⁴ Baleta ni emudou ma lomani 'edra na vesu'i tu dou qai ciqoma e na marau na 'ena ma vesu'i na vei'a dou tau'ena. Ni mudou ma 'ila ni emudou tau'ena na vei 'a e uasivi ca'e, na i yau sa tawamudu. ³⁵ O 'oya 'ina ena mudou 'ua ni piuta tani na lomadei, ni sa levu sara ua 'ena i sau. ³⁶ Ni dou sa godrava na dau vosota baleta ni dou sa ca'ava oti na loma ni Alou, dou na tauca na 'a sa yalata 'ina. ³⁷ 'E na dua na gauna lele'a waleega eni o 'oya e na la'o mai, sa na yaco diva mai. ³⁸ O 'oya na noqu yalododonu e na bula e na va'abauta. E bau e na vui tani, na yaloqu e na maqa ni marauta'ini 'oya. ³⁹ O eda sa maqa ni bau o 'edra sa vu'i lesu i na rusa, ia, 'eda sa wili vata 'ei 'edra sa va'abauta, o 'edra sa maroroya na yalodra.