¹ Au a vola nai vola i Ceofila, me tovoli tauco'o i'na na vei 'a e ca a'va o Jisu ei na vei'a e va'atavuvulita'ina. ² Mai na siga ma au ca'e i'na, ni oti na nona solia nai va'aro i'na kaukauwa ni Yalo Tabu vei e'dra nai Apositolo edra sa digitaina. ³ Sa va'araita'ini oya viro vei e'dra ni sa levu na enai va'adinadina ni sa bula viro mai na mate ni sa dau rairai vei 'edra rauta ni boig va sagavulu, sa tovola ina o oya na vei'a ni matanitu ni Alou. ⁴ I'na gauna e'dra sa mai sola i'na, sa va'asalata'ina e'dra medra u'a ni biuti Jerusalemi, Ia, medra wara'ina na yalayalanei Tamana, i'na vei'a ma tovola. ⁵ E dina sa dau veipapitaisota'i o Jo'ni ena wai, ia sa bogi vica ga, mudou na qai papitaisota'i i'na Yalo Tabu. ⁶ Ni'dra sa soqoni vata tauco'o dra sa qai tarogi oya, "Turaga sa oya be'a eni na gauna miau na va'alesuya ina na MAtanitu i Isireli?" ⁷ Sa qai a'ya vei e'dra "Sa maqa ni dodonu me mudou i'la na ena gauna se na ena yaba.i sa lewa duaduaga o Tamaqu. ⁸ I'a dou na rawata na kaukauwa ni sa la'o mai vei mutou na Yalo Tabu. Dou na qai noqu va'adinadina ruarua i Jerusalemi ei Jutia tauco'o ei Samaria, me yacova nai yalayala ei vuravura. ⁹ Ni sa tovola oti o Jisu na vei'a tauco'o eni, sa qai 'au ca'e nidra sa va'araica ti'o; sa dua na o sa vunita'ini oya mai na matadra. ¹⁰ I'na na gauna sa 'au ca'e i'na o oya dra sa rai ca'e i lomalagi raica sa rua na tamata sa tu vole'a vei e'dra drau sa va'aisulu vulavula. ¹¹ Edra sa a'ya, "Oi emudou na 'ai Kalili, mudou sa tu a rai cae i lomalagi ena vu'u ni cava? I'e o Jisu o oya sa 'au cae vei mudou i lomalagi ena qai lesu viro mai me bau mudou ma raici oya ni sa la'o i lomalagi." ¹² Edratou sa qai lesu viro i Jerusalemi ina veiqoni o'ro ni veiolive ni sa vole'a o Jerusalemi, na siga ni va'a cecegu. ¹³ Ni dratou sa yaco mai dratou sa la'o ina taba rua ni vale i'na vanua dratou dau ti'o i'na o edratou o Pita, Jjoni, Jemesa, Adriu, Filipi, Tomasi, Pacolomiu, Maciu, Jemesa na luvei Alifio, Saimoni na Gumatua ei Juitasa na taci Jemesa. ¹⁴ Edra sa duavata ina dua nai na'i medra masu vata, ei edratou na yalewa, o Meri na tinai Jisu ei na ta'cina. ¹⁵ Mai na siga a'rai sa tuca'e tuo Pita ina edratou maliwa na tacina rauta ni dua na drau ruasagavulu na yaca, sa qai a'ya. ¹⁶ "Mutou na veiwe'ani e dodonu me va'ayacori na ti'ini Vola Tabu enadra'ai Tevita, ena vu'ui Jiutasa, ni ma taumada vei e'dra medra tarai Jisu. ¹⁷ Ni sa wili vata ei edra o 'oya me sa lesi ina ca'aca'a eni." ¹⁸ (I'a na tamata eni sa volia edua na ti'i ni dre'a me nonai voli ei na bo'oci ni nona i tovoca, sa qai lutu taumada na qona tadola na yagona ei na wewena sa tadola tauco'o i tuba. ¹⁹ O e'dra tauco'o dra ti'o mai Jerusalemi ni dra sa rogoca, dra sa va'ayacana na ti'i ni vanua a'rai ina nodra vosa "Akelitama," i a'rai na "Vanua ni dra.") ²⁰ Me bau ni volai inai vola ni Same. Na ti'ini vanua eni me sa va'alalai, me u'a viro ni dua me ti'o ina. Me sagai viro edua me tara nai tutu ni veiliuta'i. ²¹ O oya sa dodonu, ina, me dua na mada vei edra na tamata edra sa ti'o vata ei eda ina gauna tauco'o sa ti'o ina ei eda na Turaga o Jisu. ²² Sa va'ateivu mai na papitaiso i Joni, a yacova na siga sa 'au ca'e ina vei eda o 'oya, me lesi o 'oya me tovola vei e'da na nona tu ca'e viro mai na mate. ²³ Edra sa lesia e lewe rua o Josefa sa va'ato'ai o Parisapa na yacana viroga o Jusitu, ei Mataisa. ²⁴ Edra sa qai masu dra a'ya "Miau na Turaga, niau sa i'la na yalo ni tamata tauco'o, mi'au va'ata'ila mai se o cei veidrau eni miau sa digita'ina. ²⁵ Me nona i tavi na ca'aca'a va'aiapositolo eni, sa sivo tani mai ina o Jiutasa, me lao ina nona vanua. ²⁶ Edra sa qai va'a wiri madigi ena vu'udrau sa qai bale vei Mataiasa, sa qai wili vata ina o 'o'ya ei edratou nai apositolo e le tiniadua.