¹ I'a ni sa yaco mai na siga ni Penitiko, edra ma soqoni vata to'a ina dua ga na vanua. ² Sa qai la'o va'asauri mai lomalagi edua na rorogo, me bau na cagi va'acevaruru ma sa va'asinaita na vale tauco'o edra ma sa ti'o i'na. ³ Sa qai basia mai vei edra na yameyame ni bu'awaqa sa veiwaseyai, sa ti'o vei edra yadudua ga. ⁴ Edra sa qai va'asinaiti ena Yalo Tabu sa qai teivu medra vosata'ina na Yalo Tabu medra. tovola. ⁵ Edra ma sa ti'o mai Jerusalemi na 'ai Jutia eso, na tamata lotu, mai na vanua t'auco'o ina ru'ui lomalagi. ⁶ I'a ni sa rogova'i yae na e'ni, edra sa soqoni vata na lewe levu, dra sa urabui nidra sa dui rogoci edra na tamata yadua nidra sa vosataina ga na nodra vosa. ⁷ Edra sa idacala tauco'o dra u'rabui, dra tovola vatai edra. Raica o edra eni sa maqa li ni 'ai Kalili o edra tauco'o eni dra sa tovola? ⁸ Na cava na vuna medatou mai rogoci edra i'na ni'dra sa sucu a'ya ga mai na nodra vosa? ⁹ O edra na 'ai Mitia ei Ilama ei edra na ti'o mai Mesopotemia, ei Jutia, ei Kapatosia, mai Ponito 'ei Esia. ¹⁰ Mai Firijia, ei Pamifilia, mai Ijipita, ei na yasayasa va'a-Lipea vole'a i Kirini, ei na vulagi mai Roma. ¹¹ O edra na Jiu ei edra sa vu'i i'na lotu va'a Jiu. O edra na 'ai Kiriti ei Arepea- 'edra ma rogoci edra ina nodra vosa nidra ma tovola ti'o na ca'a ca'a veiva'a u'rabuitai ni Alou. ¹² Edra ma u'rabui ei na taqaya; dra sa tovola va'ai edra, "Na cava na enai balebale?" ¹³ Eso vei e'dra ma veiva'alialiai dra qai a'ya, "O edra sa sinai ena waini vou." ¹⁴ Sa qai tuca'e o Pita vata e'i edratou na lewe tini a'dua, sa qai tuvui domona i ca'e, qai tovola vei e'dra, "O emudou na a'i Jutia, ei e'miau tauco'o na ti'o i Jerusalemi me mutou nanuma sara va'a sia, mutou rogoca na noqu vosa. ¹⁵ O e'dra na tamata eni dra maqa ni mateni me bau na nomudou nanuma, me ba'u e'i nai a'tolu ni aua ni dua na siga. ¹⁶ I'e na a' ma vosa i'na o Joeli na parofita. ¹⁷ Ena yaco mai nai otioti ni siga sa a'ya na Alou, "Au na so varaina na yaloqu vei edra na tamata. O edra na luvemu tagane ei na luvemu yalewa edra na parofisai, edra na raica eso na raivotu. O edra na nomudou qiti tagane edra na tadra eso na tadra o edra na nomudou matua. ¹⁸ Au na sovaraina na yaloqu vei edra na nomudou tamata ei edra na nomudou vada ina siga a'rai medra na parofisai. ¹⁹ Au na va'araitaina eso na a veiva'aurabuitai mai lomalagi i ca'e ei vuravura i ra. Na dra ei na bu'awaqa ei na o ubou. ²⁰ Na matanisiga ena vui me butobuto ei na vula me dra ni bera ni yaco mai na siga i Jiova sa levu a rerevai. ²¹ O edra na masuta na yacai Jiova e'dra na Bula. ²² Oi emudou na tamata e Isireli rogoca na vosa eni: O Jisu na ai Nasareci a tamata sa va'adinadinata'ina vei e'mudou na Alou ina ca'aca'a mana, ei na a e vei va'aurabuitai eso, ei nai va'atailaila eso, sa solia na Alou i vei oya me ca'ava ena emudou maliwa, me bau miau sa ila. ²³ O 'oya ni sa soli ati yani vei emudou me bau ni sa na'ita dina na Alou na lewa e liu, mudou sa auta a vaota ina kauveilatai qai va'amatea ena ligadra na tamata ca. ²⁴ O 'oya sa va'atura ca'e na Alou, ni sa sere'a nai vau ni matae; ni sa maqa ni rawa me vauci tioga ina o 'oya. ²⁵ Ni sa vosataini oya o Tevita, a 'aya, Au a raici Jiova ga ni sa tu a matau. Ni sa tu o ''oya ena ligaqu i matau meu maqa ina ni yalayala. ²⁶ O 'oya sa ve'i i'na na yaloqu a sa marau ina na yamequ. Ena va'acegu viroga na lewequ enai nuinui. ²⁷ Ni miau na maqa ni biuta na yaloqu mai etesi, se biuta na nomiau Le Du'a Yalo savasava me luca mai. ²⁸ Miau sa va'araitaina vei au na sala ni Bula. Miau sa va'asinaiti au ena marau ena nomiau ti'o vata e'i au. ²⁹ Oi miau na veiwe'ani ni vosota meu tovoli Tevita va'adodonu mada vei miau. Ma sa mate o 'oya bulu sa tu ga e'ni vei eda na ena'i bulubulu me yacova na siga ni ua. ³⁰ Ia me bau ni ma dua viroga na parofita o 'oya sa i'la tio ni a sa bubului oti vei oya na Alou ni na va'atubura edua mai vei edra na nona a'wa mena sosomita ini oya ena nona tutu va'atui. ³¹ Sa raica rawa i'na o Tevita ma vosa viroga na tu ca'e viro mai na mate i Karisito. Ni na maqa ni biu tu mai Etesi, se me na vuca na yagona. ³² I'e o Jisu - Na Alou sa va'aturi 'oya ca'e viro mai na mate sa rawa i'na vei eda meda no'na i va'adinadina. ³³ I'a ni sa a'u ca'e na liga i matau ni Alou, sa rawata o oya na'a sa yalataina na Yalo Tabu mai vei Tamana sa sovara'ina mai meda raica a rogoca. ³⁴ O Tevita ma maqa ni la'o ca'e i lomalagi, io ma tovota o 'oya "Sa tovola na Alou vei oya na noqu Turaga," Ti'o na ligaqu i matau. ³⁵ me yacova ni'u sa biuti edra na nomu meca, medra i tutu ni tuamu." ³⁶ O 'oya en'i miau i'la na Isireli ni o Jisu, o 'oya miau ma va'ota ina kauveilatai sai oya ma sa lesia na Alou me Turaga, a Karisito viroga. ³⁷ I'a ni'dra sa rogoca na tamata na vosa a'rai sa co'a na lomadra dra sa tovola vei Pita ei dratouna vo ni Apositoli, "O miau na we'ai eimami na cava me e'i mami ca'ava?" ³⁸ Sa qai 'aya vei dratou o Pita, "Dou vei vutuni me e'mudou papita'iso, o emudou va'ayadua e na yaca i Jisu Karisito e na va'abo'oci ni nomudou i valavala ca, dou na qai rawata 'ina na i solisoli ni Yalo Tabu. ³⁹ Me bau na a' sa yalatai me nomu, ei edra na yaqiti ei edra na yawa mai vei i'o me bau ni na va'alevu na tamata ena a'civi edra na Alou o Jiova. ⁴⁰ Ma so viro na vosa o'oya ma tovola qai va'arota vei edra "Dou va'abulai emudou mai na taba tamata verevere a eni ⁴¹ E'dra sa qai coqoma na nona vosa dra sa qai papitaiso, edra ma qai wili i'na siga arai rauta ni tolu na udolu na tamata. ⁴² Edra sa qai muria na nodrai va'avuvuli nai Apositolo, veiva'avulici, veilomani, ina dovi ni madrai ei na masumasu. ⁴³ Na rere sa tarai e'dra tauco'o na tamata ma va'alevu na a vei va'a urabuitai ei na va'atailaila ma ca'ava o dratou nai Apositolo. ⁴⁴ O e'dra na va'abauta e'dra ma sa tio vata dra qai wasea vata na nodrai yau. ⁴⁵ Edra qai volitai'na na nodra i yau, ei na nodra vanua dra qai wasewasea tauco'o vei edra, va'atau na a dra siata mai vei edra yadua. ⁴⁶ Ina veisiga edra sa muria nai va'avuvuli me bau nai na'i ni nodra la'o i vale ni lotu. Edra sa dovi madrai viroga i vale, ei na nodra wasea vata na magiti ina marau ei na yalo dina. ⁴⁷ Edra sa va'acaucautaina na Aloiu ei na nodra veilomani va'atai edra, ina veisiga na Alou a uria ti'oga nai wiliwili ni tamata edra sa va'abulai.