¹ Eda sa va'ate''ivu li me da laveiti 'eda ca'e viro? Eitou maqani si'ata na i vola ni veiva'adonui vei emudou oe mai vei emudou me bau 'edra dau ca'ava eso. ² O emudou ga sa neitou i vola ni veiva'adonui, sa volai 'ena yalodatou, sa "ilai qai wili'i mai vei 'edra na tamata. ³ Dou sa va'araitaina ni o emudou na i vola mai vei Karisito, na vua ni neitou ca'aca'a va'alotu. Ma maqa ni volai o na wai ni volavola, ia, mai na Yalo ni Alou bula. Ma maqa ni volai ena dela ni vatu, ia e na dela ga ni yalo ni tamata. ⁴ Sa i eni 'ina na doudou sa tu vei eimani 'ena vu'u i Karisito e na mata ni Alou. ⁵ 'Eitou maqa soti sara ni nuita'ini 'eitou me eitou rawa ni 'aya ni eitou rawata ga va'ata'ini eitou edua na 'a. Ia na neitou 'ila ni ''eitou rawa ni ca'ava e dua na 'a, sa va'avuna ga na Alou. ⁶ Na Alou ga sa va'aavuna me eitou i tatatala ni veiyalayalati vou. Na veiyalayalati eni a maqa ni 'a sa volai, ia, sa 'a ga va'ayago. Ni 'a sa volai sa ca'a 'ina na veiva'amatei, ia, na 'a va'ayalo sa veiva'abulai, ⁷ Ia na ca'aca'a ni veiva'amaki, sa volai e na vatu, ma la'o mai e na ni serau edra maqa ina ni raica rawa na mata i Mosese o 'edra na luve i Isireli. Baleta na i serau e na mata i Mosese, na serau sa sayavu tani ti'o ya'e. ⁸ Ia, e na qai va'acava li na 'ena levu ca'e na i serau ni 'a ena ca'a ena 'a va'ayalo? ⁹ E ma'une na serau 'ena ca'aca'a ni veiva'acacani, sa na qai va'acava li na ena levu ni serau e na ca'aca'a ni valavala dodonu? ¹⁰ Ia, eni na i serau ni 'a ma ca'a e na du'a na gauna, sa maqa ni qai serau 'ena gauna eni, baleta na i serau sa uasivi ca'e. ¹¹ E bau ma ti'o na i serau ni 'a sa seyavu tani ti'o ya'e, sa na qai va'acava na levu ni serau i na vei a sa tawamudu. ¹² Me bau ni ti'o na i nuinui, eitou sa doudou 'ina. ¹³ 'eitou maqa ni tautauvata 'ei Moseseo, o 'oya ma 'ubuia na i pulou e matana baleta medra 'ua ni raica na matana o 'edra na luvei Isireli na erau sa mai oti, sa seyavu tani ti;o ya'e. ¹⁴ Ia, edra ma loma qa. Me yacova mai na siga ni 'ua, ni wili'i na veiyaloyalati matua, e dua na pulou e ubia na yalodra. E sa bera ni yadi tani mai na yalodra, baleta e na qai yadi tani ga na i pulou ni dua sa tu vata ei Karisto. ¹⁵ Ia ni 'ua mada ga, e na gauna e wili'i ina na i vola nei Mosese, na i pulou e na ubia na yalodra. ¹⁶ Ia, o 'oya na tamata sa la'o mai vei 'oya na Turaga, sa yadi tani mai matana na pulou. ¹⁷ Sa Yalo na Alou. Na vanua e na ti'o 'ina na Yalo ni Turaga, sa ti'o 'ina na veisere'i. ¹⁸ I eni o 'edra tauco'o sa yadi tani mai matada na pulou, eda sa qai raica na i serau ni noda Turaga. Eda veisau i na i serau e tautauvata mai na dua na i va'atagedegede i na dua viro na i va'atagedegede, me bau ga sa mai vei 'oya na Turaga, o 'oya na Yalo Tabu.